(VOVWORLD) - ທ່ານນາຍົກລັດຖະມົນຕີ ຟ້າມມິງຈິງ ຮຽກຮ້ອງຕ້ອງມີຈິດໃຈສາມັກຄີ, ຢຶດໝັ້ນ, ຮັບມືກັບບັນດາຄວາມຫຍຸ້ງຍາກຢ່າງມີໄຫວພິບ, ທັນການ, ມີປະສິດທິຜົນ. ທ່ານນາຍົກລັດຖະມົນຕີ ເນັ້ນໜັກວ່າ:
 ທ່ານນາຍົກລັດຖະມົນຕີ ຟ້າມມິງຈິງ ພົບປະກັບຜູ້ມີສິດເລືອກຕັ້ງນະຄອນ ເກິ່ນເທີ (ພາບ: VOV) |
ຕອນເຊົ້າວັນທີ 21 ເມສາ, ຢູ່ນະຄອນເກິ່ນເທີ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ຄະນະສະມາຊິກສະພາແຫ່ງຊາດນະຄອນເກິ່ນເທີ ໄດ້ເຂົ້າຮ່ວມການພົບປະກັບຜູ້ມີສິດເລືອກຕັ້ງວິເຊິ່ງແມ່ນສະມາຊິກສະມາຄົມວິສາຫະກິດ, ສະມາຄົມນັກທຸລະກິດໜຸ່ມ, ສະມາຄົມນັກທຸລະກິດຍິງ ແລະ ບັນດາວິສາຫະກິດດີເດັ່ນໃນບໍລິເວນນະຄອນ ເກິ່ນເທີ.
ຢູ່ການພົບປະ, ທ່ານນາຍົກລັດຖະມົນຕີ ຟ້າມມິງຈິງ ຊີ້ແຈ້ງວ່າ ເສດຖະກິດໂລກພວມປະສົບກັບຄວາມຫຍຸ້ງຍາກຫຼາຍຢ່າງ, ຄວາມສ່ຽງເພີ່ມຂຶ້ນຍ້ອນການປະທະກັນດ້ານພູມີສາດການເມືອງ ແລະ ການປະທະກັນດ້ານການຄ້າທົ່ວໂລກ ພາຍຫຼັງນະໂຍບາຍພາສີອາກອນຂອງ ອາເມລິກາ… ດັ່ງນັ້ນ, ຮຽກຮ້ອງຕ້ອງມີຈິດໃຈສາມັກຄີ, ຢຶດໝັ້ນ, ຮັບມືກັບບັນດາຄວາມຫຍຸ້ງຍາກຢ່າງມີໄຫວພິບ, ທັນການ, ມີປະສິດທິຜົນ. ທ່ານນາຍົກລັດຖະມົນຕີ ເນັ້ນໜັກວ່າ:
ຖ້າກ້າວເດີນຖືກກັບທ່າອ່ຽງ, ຖືກກັບຄວາມສາມາດບົ່ມຊ້ອນ, ມີໂອກາດທີ່ພົ້ນເດັ່ນ, ທ່າໄດ້ປຽບໃນການແກ້ງແຍ້ງນັ້ນ ກຳລັງແຮງຈະໄດ້ທະວີຄູນທົບສອງ ຫາສາມເທົ່າ. ພວກເຮົາຕ້ອງປັບຕົວໃຫ້ແທດເໝາະ, ຮັບມືກັບບັນດາການປ່ຽນແປງຈາກພາຍນອກ. ຈາກນັ້ນຕ້ອງມີຄຸນນະທາດ, ມີທ່າທີທຸ່ນທ່ຽງເພື່ອເລືອກເອົາວິທີການທີ່ເໝາະສົມ, ມີປະສິດທິພາບ, ຕິດແທດກັບສະພາບການຕົວຈິງ.