ນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເຄື່ອນໄຫວຢ້ຽມຢາມ ສ.ເກົາຫຼີ
ທ່ານນາຍົກລັດຖະມົນຕີ ຫງວຽນເຕີນຢູ້ງ ຢູ່ສະໜາມບິນ
(vovworld)- ຕອນທຽງວັນທີ 10/12, ຕາມເວລາທ້ອງຖິ່ນ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງພ້ອມດ້ວຍຄະນະໄດ້ໄປຮອນນະຄອນບູຊານ ປະເທດ ສ.ເກົາຫຼີ ເລີ່ມຕົ້ນບັນດາການເຄື່ອນໄຫວເຂົ້າຮ່ວມກອງປະຊຸມຂັ້ນສູງສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນຄູ່ເຈລະຈາ ອາຊຽນ-ສເກົາຫຼີ ແລະ ເຄື່ອນໄຫວຢ້ຽມຢາມນະຄອນບູຊານ. ຕອນບ່າຍວັນທີ 10/12, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງໄດ້ມີການພົບປະໂອ້ລົມກັບການນຳບັນດາກຸ່ມບໍລິສັດແຫ່ງສ . ເກົາຫຼີໃນຂົງເຂດຕ່າງໆຄື ທະນາຄານ, ນ້ຳມັນອາຍແກັສ, ຕໍ່ກຳປັ່ນ, ການຄ້າ, ອຸດສາຫະກຳ. ທີ່ການພົບປະ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ ປະຈຸບັນ ສ.ເກົາຫຼີແມ່ນແມ່ນນັກລົງທຶນຕ່າງປະເທດໂດຍກົງໃຫຍ່ກວ່າໝູ່ຂອງຫວຽດນາມ. ສ.ເກົາຫຼີກໍແມ່ນນັກຊ່ວຍເຫຼືອທຶນ ODA ໃຫຍ່ອັນດັບ 2 ໃຫ້ຫວຽດນາມ…..ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ ເນັ້ນໜັກວ່າ : (ເທບ)
“ ພາຍຫຼັງກວ່າ 2 ປີດຳເນີນການເຈລະຈາ, ມາຮອດປະຈຸບັນ, ຂ້າພະເຈົ້າ ແລະ ປະທານາທິບໍດີ ສ.ເກົາຫຼີໄດ້ເປັນສັກຂີພິຍານພິທີລົງນາມໃນຖະແຫຼງການສຳເລັດການເຈລະຈາສັນຍາ FTA ຫວຽດນາມ - ສ.ເກົາຫຼີໂດຍພື້ນຖານ. ພວກຂ້າພະເຈົ້າປາຖະໜາວ່າ ດ້ວຍສັນຍາ FTA ນີ້, ການລົງທຶນ, ການຄ້າ, ການທ່ອງທ່ຽວ ແລະ ບັນດາຂົງເຂດຮ່ວມມືອື່ນໆລະຫວ່າງ 2 ປະເທດຈະພັດທະນາແຂງແຮງກວ່າອີກ. ພວກຂ້າພະເຈົ້າຊົມເຊີຍພວກເພື່ອນເປີດກ້ວາງການລົງທຶນ, ດຳເນີນທຸລະກິດຢູ່ຫວຽດນາມ ແລະ ສ້າງທຸກເງື່ອນໄຂສະດວກເພື່ອໃຫ້ພວກເພື່ອນສຳເລັດຜົນຢູ່ຫວຽດນາມ ”
ບົນຈິດໃຈດັ່ງກ່າວ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຊົມເຊີຍບັນດາວິສາຫະກິດສ.ເກົາຫຼີ ທີ່ສົນໃຈເຖິງຕະຫຼາດຫວຽດນາມ, ພ້ອມທັງຕອບຄຳຖາມໂດຍກົງ, ເຮັດແຈ້ງບັນດາຄວາມສົນໃຈ ແລະ ແກ້ໄຂບາງຂໍ້ສະເໜີຂອງວິສາຫະກິດສ.ເກົາຫຼີ ໂດຍທັນທີ. ກ່ຽວຂ້ອງເຖິງຂໍ້ສະເໜີ ອະນຸຍາດໃຫ້ທະນາຄານ ບຸຊານ ເຄື່ອນໄຫວຢູ່ຫວຽດນາມ, ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ.
“ຂ້າພະເຈົ້າຊົມເຊີຍຄຳເຫັນດັ່ງກ່າວ. ຂ້າພະເຈົ້າເຂົ້າໃຈໄດ້ວ່າ ສິ່ງດັ່ງກ່າວຈະສ້າງເງື່ອນໄຂສະດວກໃຫ້ບັນດາວິສາຫະກິດ ບຸຊານ ລົງທຶນພັດທະນະດ້ານການຄ້າຢູ່ຫວຽດນາມ. ຂ້າພະເຈົ້າເຫັນດີກ່ຽວກັບແຜນນະໂຍບາຍເປີດທະນາຄານ ບຸຊານ ຢູ່ຫວຽດນາມ. ຂ້າພະເຈົ້າສະເໜີໃຫ້ທ່ານຫົວນ້າສະຖານກົງສູນໃຫຍ່ກິຕິມະສັກຫວຽດນາມ ປະຈຳ ບຸຊານ, ເປີດທະນາຄານ ບຸຊານ ຢູ່ຫວຽດນາມ ຢ່າງໜ້ອຍສຸດກໍ່ນຳວິສາຫະກິດ 100 ແຫ່ງ ຊຶ່ງແມ່ນລູກຄ້າຂອງຕົນມາລົງທຶນດຳເນີນທຸລະກິດຢູ່ຫວຽດນາມ ແລະ ຖ້າຫາກໄດ້ຮັບຄວາມເຫັນດີຈາກທ່ານ, ໃນອາທິດໜ້າພວກຂ້າພະເຈົ້າຈະອະນຸຍາດໃນທັນທີ”.
ກໍ່ທີ່ການເຈລະຈາ, ທ່ານນາຍົກລັດຖະມົນຕີ ຫງວຽນເຕີນຢຸງ ຍັງປຶກສາຫາລືບັນດາບັນຫາອື່ນອີກກັບສ.ເກົາຫຼີ.