ໄລຍະຂ້າມຜ່ານພາຍຫຼັງ Brexit ແກ່ຍາວໂດຍບໍ່ມີກຳນົດແມ່ນບໍ່ສາມາດເປັນໄປໄດ້, ພ້ອມທັງເນັ້ນໜັກວ່າ, ເອີລົບຕັດສິນໃຈສິ້ນສຸດໄລຍະດັ່ງກ່າວໃນທ້າຍປີ 2020. ກ່າວຄຳເຫັນພາຍຫຼັງລາຍງານກັບບັນດາລັດຖະມົນຕີ EU ກ່ຽວກັບວິວັດທະນາການເຈລະຈາ Brexit, ທ່ານ Barnier ໃຫ້ຮູ້ວ່າ, ເບິ່ງຄືວ່າ ລອນດອນ ພວມປາດຖະໜາຢາກຮັກສາໄລຍະຂ້າມຜ່ານພາຍຫຼັງ Brexit ໂດຍບໍ່ມີການກຳນົດ. ເຖິງຢ່າງໃດກໍ່ຕາມ, ເຈົ້າໜ້າທີ່ທ່ານນີ້ໄດ້ຢືນຢັນວ່າ ນີ້ແມ່ນສິ່ງທີ່ “ບໍ່ອາດເປັນໄປໄດ້”. ຄຽງຂ້າງນັ້ນ, ທ່ານ Barnier ກໍ່ປະຕິເສດຄວາມສາມາດເປັນໄປທີ່ວ່າ ອັງກິດຈະມີສິດຄັດເລືອກການພົວພັນລະຫວ່າງລອນດອນ - ບຣຸກແຊນ ພາຍຫຼັງ Brexit ຕາມແນວຄວາມຄິດຂອງຕົນ.