(vovworld) - ຕອນບ່າຍວັນທີ 06 ພະຈິກ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ, ຮອງນາຍົກລັດຖະມົນຕີ ຫງວຽນທ້ຽນເຍີນ ພ້ອມກັບຜູ້ຕາງໜ້າບັນດາກະຊວງ, ຂະແໜງການທີ່ກ່ຽວຂ້ອງ ໄດ້ເຮັດວຽກກັບອົງການປະກັນສັງຄົມ ຫວຽດນາມ ກ່ຽວກັບສະພາບການຮັບ, ໜີ້ປະກັນສັງຄົມ, ປະກັນສຸຂະພາບຂອງວິສາຫະກິດພາກເອກະຊົນ ແລະ ວິສາຫະກິດທີ່ມີເງິນລົງທຶນຂອງຕ່າງປະເທດ. ຢູ່ທີ່ນີ້, ທ່ານຮອງນາຍົກລັດຖະມົນຕີ ໄດ້ຮຽກຮ້ອງຕ້ອງປັບປຸງ, ເພີມເຕີ່ມບັນດາກົດໝາຍວ່າດ້ວຍການປະກັນສັງຄົມ, ປະກັນສຸຂະພາບ ໃຫ້ແທດເໝາະກັບພຶດຕິກຳຕົວຈິງ, ກວດກາຄືນຮ່າງກົດໝາຍວ່າດ້ວຍການປະກັນສຸຂະພາບ, ແກ້ໄຂບັນດາຈຸດອ່ອນເພື່ອຍື່ນສະເໜີຕໍ່ສະພາບແຫ່ງຊາດຮັບຮອງເອົາທີ່ກອງປະຊຸມສະໄໝສາມັນເທື່ອທີ 7 ໃນປີ 2014. ທ່ານຮອງນຍາຍົກລັດຖະມົນຕີ ສະເໜີວ່າ ໃນຕໍ່ໜ້າ ຕ້ອງຈັດຕັ້ງບັນດາການກວດກາດ້ານວິຊາການຂະແໜງປະກັນສັງຄົມ ໂດຍອົງການກວດກາລັດຖະບານເປັນປະທານ, ຂະແໜງປະກັນສັງຄົມ ເປັນເສນາທິການສະເໜີກົນໄກ, ໂດຍມີການເຂົ້າຮ່ວມຂອງແນວໂຮມປະເທດຊາດຫວຽດນາມ, ສະຫະພັນໃຫຍ່ແຮງງານຫວຽດນາມ ແລະ ກະຊວງການເງິນ. ທ່ານຮອງນາຍົກລັດຖະມົນຕີກໍ່ສະເໜີໃຫ້ກະຊວງການເງິນ, ການຊວງແຜນການ ແລະ ການລົງທຶນ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໃນໄຕມາດທີ 1 ປີ 2014 ມີຂໍ້ຕົກລົງກົນໄກແລກປ່ຽນຂໍ້ມູນຂ່າວສານກ່ຽວກັບເລື່ອງສ້າງຕັ້ງວິສາຫະກິດ ເພື່ອໃຫ້ວຽກງານຄຸ້ມຄອງວິສາຫະກິດ, ແຮງງານປະຕິບັດການປະກັນແຮງງານ, ປະກັນສຸຂະພາບໄດ້ດີກວ່າ.