ທ່ານປະທານປະເທດ ຫວຽດນາມ ເລືອງເກື່ອງ ກ່າວຄຳເຫັນທີ່ການເຮັດວຽກ (ພາບ: VOV)

ຕອນເຊົ້າວັນທີ 3 ທັນວາ, ຢູ່ຮ່າໂນ້ຍ, ທ່ານປະທານປະເທດ ຫວຽດນາມ ເລືອງເກື່ອງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ, ແລະ ຄະນະປະຕິບັດງານສູນກາງ, ໄດ້ມີການເຮັດວຽກກັບອົງການໄອຍະການປະຊາຊົນສູງສຸດ. ກ່າວຄໍາເຫັນນະທີ່ນີ້, ທ່ານປະທານປະເທດ ເລືອງເກື່ອງ  ສະເໜີໃຫ້ຂະແໜງໄອຍະການເປັນເຈົ້າການ, ຕັ້ງໜ້າເປັນເສນາທິການ, ຫັນບັນດາແຜນນະໂຍບາຍ, ແນວທາງຂອງພັກ ກ່ຽວກັບວຽກງານຕຸລາການເປັນລະບອບລຽບການ; ສົມທົບກັບບັນດາອົງການທີ່ກ່ຽວຂ້ອງຄົ້ນຄວ້າສ້າງຂໍ້ກຳນົດກົດໝາຍກ່ຽວກັບພັນທະ, ໜ້າທີ່, ສິດອຳນາດ, ຄວາມຮັບຜິດຊອບ, ຂອບເຂດການເຄື່ອນໄຫວໃຫ້ສົມບູນແບບ, ຮັບປະກັນຄວາມເປັນເອກະພາບ, ຄົບຊຸດໃນການພົວພັນລະຫວ່າງ ອົງການໄອຍະການປະຊາຊົນ ກັບບັນດາອົງການຈັດຕັ້ງອື່ນໃນກົງຈັກລັດ.

ບັນຍາກາດການເຮັດວຽກ (ພາບ: VOV)

        ກ່ຽວກັບການເຄື່ອນໄຫວຮ່ວມມືສາກົນ, ທ່ານປະທານປະເທດ ເລືອງເກື່ອງ ຖືວ່າ ອົງການໄອຍະການປະຊາຊົນສູງສຸດ ຕ້ອງ ເປັນເຈົ້າການ, ຕັ້ງໜ້າສຶກສາບົດຮຽນສິ່ງຍອດຍິ່ງຂອງໂລກ, ໝູນໃຊ້ເຂົ້າໃນເງື່ອນໄຂລະອຽດຂອງ ຫວຽດນາມ; ສືບຕໍ່ຍົກສູງປະສິດທິຜົນການເຄື່ອນໄຫວຮ່ວມມືສາກົນໃນການປ້ອງກັນ, ຕ້ານອາດຊະຍາກອຳ; ປະຕິບັດບົດບາດຂອງອົງການປະສານງານ ໜູນຊ່ວຍຕຸລາການກ່ຽວກັບອາຍາ.