ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ພົບປະກັບທ່ານປະທານາທິບໍດີ ບຸນກາຣີ Rumen Radev

ຕອນບ່າຍວັນທີ 25 ພະຈິກ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ໄດ້ພົບປະກັບທ່ານປະທານາທິບໍດີ ບຸນກາຣີ Rumen Radev ພວມມີການຢ້ຽມຢາມຫວຽດນາມ ຢ່າງເປັນທາງການຕາມຄຳເຊື້ອເຊີນຂອງທ່ານປະທານປະເທດ ເລືອງເກື່ອງ.

ທີ່ການພົບປະ, ທ່ານປະທານສະພາແຫ່ງຊາດເຈິ່ນແທັງເໝິນ ຕີລາຄາສູງເລື່ອງສະພາແຫ່ງຊາດ ບຸນກາຣີ ໄດ້ໃຫ້ສັດຕະຍາບັນສັນຍາອາລັກຂາການລົງທຶນ ລະຫວ່າງ ຫວຽດນາມ ແລະ ສະຫະພາບເອີລົບ (EVIPA) ໂດຍໄວໃນຈຸດເວລາກ່ອນການຢ້ຽມຢາມ ບຸນກາຣີຂອງທ່ານປະທານສະພາແຫ່ງຊາດ ຫວຽດນາມໃນເດືອນກັນຍາປີ 2023, ໂດຍປະກອບສ່ວນສ້າງຄວາມສະດວກໃຫ້ແກ່ເຄື່ອນໄຫວລົງທຶນຂອງວິສາຫະກິດສອງປະເທດ. ທ່ານປະທານສະພາແຫ່ງຊາດຫວຽດນາມ ກໍ່ສະເໜີ ບຸນກາຣີ ສະໜັບສະໜູນເພື່ອໃຫ້ຄະນະກຳມະການ ເອີລົບ (EC) ແກ້ໄຂບັດເຫຼືອງ (IUU) ຕໍ່ການເຄື່ອນໄຫວສົ່ງອອກສິນໃນນ້ຳ ຫວຽດນາມ ໂດຍໄວ.

ສ່ວນທ່ານ ປະທານາທິບໍດີ ບຸນກາຣີ Rumen Radev ໄດ້ຢັ້ງຢືນວ່າ ບຸນກາຣີ ຍາມໃດກໍ່ແມ່ນ ເພື່ອນມິດສະໜັບສະໜູນ ຫວຽດນາມ, ທ່ານໃຫ້ຄຳໝັ້ນສັນຍາແມ່ນຂົວເຊື່ອມຕໍ່ເພື່ອຊຸກຍູ້ການພົວພັນຄູ່ຮ່ວມມືຮອບດ້ານລະຫວ່າງ ສະຫະພາບເອີລົບ ແລະ ຫວຽດນາມ, ພ້ອມແລ້ວທີ່ຈະໜູນຊ່ວຍຫວຽດນາມ ແກ້ໄຂບັດເຫຼືອງ IUU.