ໂຮງງານໄຟຟ້າຄວາມຮ້ອນຈາກຖ່ານຫີນ ຢູ່ Niederaussem (ເຢຍລະມັນ) ພາບ:  AFP/TTXVN

ວັນທີ 20 ພະຈິກ, ຢູ່ກອງປະຊຸມສຸດຍອດ ຄັ້ງທີ 29 ບັນດາຝ່າຍເຂົ້າຮ່ວມສົນທິສັນຍາ ສປຊ ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ (COP 29) ໄດ້ດຳເນີນຢູ່ Baku ( ອາເຊັກໄບຊານ), ມີ 25 ປະເທດໄດ້ໃຫ້ຄຳໝັ້ນສັນຍາບໍ່ສ້າງໂຮງງານໄຟຟ້າຄວາມຮ້ອນຈາກຖ່ານຫີນຕື່ມອີກ ຖ້າຫາກວ່າ ບໍ່ມີມາດຕະການບຳບັດການປ່ອຍອາຍພິດ, ເພື່ອແນໃສ່ຍູ້ໄວວິວັດທະນາການຄ່ອຍໆລົບລ້າງເຊື້ອເພີງຟອກຊິວປະເພດນີ້ ທີ່ໄດ້ກໍ່ມົນລະພິດຕໍ່ສິ່ງແວດລ້ອມ. ລາຊະອານາຈັກ ອັງກິດ, ການາດາ, ຝລັ່ງ, ເຢຍລະມັນ ແລະ ອົດສະຕາລີ ກໍນອນໃນບັນຊີລາຍຊື່ບັນດາພື້ນຖານເສດຖະກິດພັດທະນາ ທີ່ລົງນາມໃນຄຳໝັ້ນສັນຍາສະໝັກໃຈດັ່ງກ່າວ.

        ຄຳໝັ້ນສັນຍາຮຽກຮ້ອງໃຫ້ບັນດາປະເທດຍື່ນສະເໜີແຜນການດິນຟ້າອາກາດແຫ່ງຊາດໃນຕົ້ນປີ 2025, ໃນນັ້ນ ຕ້ອງຢັ້ງຢືນວ່າ ບໍ່ກໍ່ສ້າງໂຮງງານໄຟຟ້າຄວາມຮ້ອນຈາກຖ່ານຫີນແຫ່ງໃໝ່ ຖ້າບໍ່ມີມາດຕະການຫຼຸດຜ່ອນການປ່ອຍອາຍພິດ, ເປັນຕົ້ນແມ່ນເຕັກໂນໂລຢີເກັບ ແລະ ສະສົມ ກາກບອນ.

        ກໍໃນກອງປະຊຸມດັ່ງກ່າວ, ບັນດາປະເທດຮັ່ງມີ ກໍໄດ້ຮັບການຮຽກຮ້ອງໃຫ້ອຸປະຖຳດ້ວຍຈຳນວນເງິນ 900 ຕື້ USD ຕໍ່ປີ ເພື່ອໜູນຊ່ວຍບັນດາປະເທດທຸກຍາກກວ່າ ຮັບມືກັບການປ່ຽນແປງຂອງດິນຟ້າອາກາດ. ບັນດາປະເທດພັດທະນາ, ໄດ້ຮັບການຮຽກຮ້ອງໃຫ້ໜູນຊ່ວຍດ້ານການເງິນໃຫ້ແກ່ບັນດາປະເທດພວມພັດທະນາເພື່ອປະຕິບັດວິວັດທະນາການຫັນເປັນສີຂຽວ.