ລະອຽດ, ປັດຈຸບັນມີ 59% ບັນດາກະຊວງ, ອົງການທຽບເທົ່າກະຊວງຢູ່ ຫວຽດນາມ, ມີການນຳຫຼັກແຫຼ່ງແມ່ນເພດຍິງ. 74,6% ອຳນາດການປົກຄອງທ້ອງຖິ່ນຂັ້ນແຂວງ ມີການນຳຫຼັກແຫຼ່ງແມ່ນເພດຍິງ. ອັດຕາສະມາຊິກສະພາແຫ່ງຊາດຊຸດທີ XV ເພດຍິງບັນລຸ 30,26%, ສູງກ່ວາລະດັບປານກາງຂອງໂລກ ແລະ ພາກພື້ນ, ຢືນຢູ່ອັນດັບທີ 1ໃນສະມັດຊາລັດຖະສະພາ ອາຊຽນ (AIPA). ໄລຍະຫ່າງລະຫວ່າງຍິງຊາຍໃນການສຶກສາທຸກຂັ້ນໄດ້ຮັບການຮັດແຄບ. ທ່ານ ດ່າວງອກຢຸງ ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ປະທານຄະນະກຳມະການແຫ່ງຊາດເພື່ອຄວາມກ້າວໜ້າຂອງແມ່ຍິງ ຫວຽດນາມ ເນັ້ນໜັ້ກວ່າ:

ຄວາມສະເໝີພາບລະຫວ່າງຍິງຊາຍ ແລະ ການເພີ່ມທະວີສິດອຳນາດໃຫ້ແກ່ແມ່ຍິງ ແມ່ນໜຶ່ງໃນບັນດາເປົ້າໝາຍເຊິ່ງ ຫວຽດນາມ ບັນລຸໄດ້ ແລະ ລື່ນກາຍເປົ້າໝາຍສະຕະວັດ. ດັດຊະນີພັດທະນາມະນຸດຂອງ ຫວຽດນາມ ປີ 2024 ເພີ່ມຂຶ້ນ 11 ອັນດັບ. ດັດຊະນີຈັດອັນດັບກ່ຽວກັບຄວາມສະເໝີພາບລະຫວ່າງຍິງຊາຍ ໂດຍເວທີປາໄສເພື່ອແນໃສ່ຊຸກຍູ້ຄວາມສະເໝີພາບລະຫວ່າງຍິງຊາຍ, ຫຼາຍປີມານີ້ ຫວຽດນາມ ໄດ້ຈັດຕັ້ງ “ເພື່ອກະທຳເພື່ອຄວາມສະເໝີພາບລະຫວ່າງຍິງຊາຍ ແລະ ການປ້ອງກັນ, ຕ້ານການໃຊ້ຄວາມຮຸນແຮງບົນພື້ນຖານເພດ” ເຊິ່ງໄດ້ດຳເນີນແຕ່ວັນທີ 15 ພະຈິກ - 15 ທັນວາຂອງທຸກປີ, ໂດຍໄດ້ຮັບການຕອບສະໜອງຢ່າງແຮງຂອງບັນດາທ້ອງຖິ່ນ ແລະ ຫຼາຍກະຊວງຂະແໜງການ.