ການເຈລະຈາຮອບທີ 6 ກ່ຽວກັບຂໍ້ຕົກລົງນິວເຄຼຍ ອີຣານ (ພາບ: THX/TTXVN)

ຕາມກະຊວງການຕ່າງປະເທດ ຝລັ່ງ ແລ້ວ, “ບັນດາຄວາມບໍ່ລົງລອຍກັນໃນບັນຫາໃຫຍ່ຍັງຄົງມີຢູ່” ເມື່ອບັນດາຜູ້ຕາງໜ້າ ອັງກິດ, ຈີນ, ຝລັ່ງ, ເຢຍລະມັນ, ລັດເຊຍ ແລະ ອີຣານ ໄດ້ພົບປະກັນຢູ່ ວຽນ ເພື່ອແນໃສ່ຊອກຫາບາດກ້າວບຸກທະລຸສຳລັບສະພາບການປັດຈຸບັນ. ຖະແຫຼງການຂອງກະຊວງການຕ່າງປະເທດ ຝລັ່ງ ຊີ້ແຈ້ງວ່າ: ວິວັດການເຈລະຈາພວມນັບມື້ນັບປະສົບກັບຄວາມຫຍຸ້ງຍາກຫຼາຍກວ່າ ເມື່ອສຸມໃສ່ບັນດາບັນຫາທີ່ຍາກກວ່າ. ສະພາບການດັ່ງກ່າວ ໄດ້ຮຽກຮ້ອງໃຫ້ບັນດາຝ່າຍຕ້ອງຍົກອອກຄຳຕັດສິນທີ່ກ້າຫານ ແລະ ວ່ອງໄວ, ເພາະວ່າ ປັດຈຸບັນ, ບໍ່ມີຝ່າຍໃດມີທ່າໄດ້ປຽບກ່ຽວກັບບັນຫາວັນເວລາແລ້ວ.

        ໃນວັນດຽວກັນ, ບັນດາປະເທດ ອາຣັບ ເຂດອ່າວ ເປີເຊຍ ກໍຖະແຫຼງວ່າ ເລື່ອງແຍກຂໍ້ຕົກລົງນິວເຄຼຍ ເຊິ່ງ ບັນດາປະເທດມະຫາອຳນາດໃນໂລກໄດ້ລົງນາມກັບ ອີຣານ ອອກຈາກໂຄງການລູກສອນໄຟຂອງ ເຕເຮຣານ ແມ່ນສິ່ງທີ່ອັນຕະລາຍ, ພ້ອມທັງຢັ້ງຢືນວ່າ ບັນດາປະເທດເຂດອ່າວເປີເຊຍ ພ້ອມແລ້ວທີ່ຈະເຂົ້າຮ່ວມວິວັດການເຈລະຈາ ກັບ ອີຣານ.