ຢູແກຼນ ວາງເປົ້າໝາຍສະໜອງຢູລານຽນ ດ້ວຍຕົນເອງ ເພື່ອຜະລິດໄຟຟ້າ ໃນປີ 2026
(VOVWORLD) -ວັນທີ 29 ທັນວາ, ລັດຖະບານ ຢູແກຼນ ໄດ້ວາງເປົ້າໝາຍອາດຈະສະໜອງຢູລານຽນດ້ວຍຕົນເອງ ໃຫ້ແກ່ຄວາມຕ້ອງການຂອງບັນດາໂຮງງານໄຟຟ້ານິວເຄຼຍໃຫ້ພຽງພໍ ນັບແຕ່ປີ 2026ເປັນຕົ້ນໄປ.
ຕາມເອກະສານທີ່ໄດ້ປະກາດໃນເວັບໄຊຂອງ ລັດຖະບານ ຢູແກຼນ, ຄະນະລັດຖະບານຂອງປະເທດນີ້ ໄດ້ຮັບຮອງເອົາໂຄງການເສດຖະກິດ ແຫ່ງຊາດກ່ຽວກັບການພັດທະນາເຂດປະສົມອຸດສາຫະກຳ - ນິວເຄຼຍ ແລະ ຢູແກຼນ ຈະລົງທຶນ ເຂົ້າໂຄງການພັດທະນາການຜະລິດ ຢູລານຽນ334,2 ລ້ານ USD ໃນ 5 ປີຈະມາເຖິງ. ເອກະສານໃຫ້ຮູ້ວ່າ ບັນດາໂຮງງານໄຟຟ້ານິວເຄຼຍຂອງ ຢູແກຼນ ຕ້ອງການຢູລານຽນ 2.200 – 2.400 ໂຕນ ຕໍ່ປີ ແລະ ປັດຈຸບັນ, ປະເທດນີ້ຕອບສະໜອງ ຄວາມຕ້ອງການ ໄດ້ປະມານ 40% ແລ້ວ, ສ່ວນຍັງເຫຼືອແມ່ນໄດ້ນຳເຂົ້າຈາກຕ່າງປະເທດ.