ລັດຖະບານ ຈັດກອງປະຊຸມ ຫົວເລື່ອງສະເພາະກ່ຽວກັບການສ້າງກົດໝາຍເດືອນສິງຫາ
(VOVWORLD) - ຕອນບ່າຍວັນທີ 24 ສິງຫາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນປະທານກອງປະຊຸມຫົວເລື່ອງສະເພາະຂອງລັດຖະບານ ກ່ຽວກັບການສ້າງກົດໝາຍເດືອນສິງຫາ 2023.
 ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມ (ພາບ: VGP) |
ກ່າວເປີດກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ ຢູ່ກອງປະຊຸມຄັ້ງນີ້, ລັດຖະບານຈະພິຈາລະນາ ປະກອບຄຳເຫັນໃສ່ ຮ່າງກົດໝາຍ 4 ສະບັບລວມມີ: ຮ່າງກົດໝາຍວ່າດ້ວຍ ນະຄອນຫຼວງ (ສະບັບປັບປຸງ), ຮ່າງກົດໝາຍວ່າດ້ວຍຄວາມເປັນລະບຽບຮຽບຮ້ອຍ ຄວາມປອດໄພການເຈລະຈອນທາງບົກ, ຮ່າງກົດໝາຍວ່າດ້ວຍທາງບົກ, ຮ່າງກົດໝາຍວ່າດ້າຍອຸດສາຫະກຳການປ້ອງກັນຊາດ, ປ້ອງກັນຄວາມສະຫງົບ ແລະ ລະດົມແຫຼ່ງກຳລັງຈາກອຸດສາຫະກຳ. ນີ້ແມ່ນບັນດາເນື້ອໃຈສຳຄັນ, ຫຍຸ້ງຍາກ, ສັບສົນ, ມີຜົນກະທົບຕໍ່ຫຼາຍເປົ້າໝາຍດັ່ງນັ້ນຕ້ອງໄດ້ຮັບການຜັນຂະຫຍາຍໂດຍໄວ. ທ່ານນາຍົກລັດຖະມົນຕີ ສະເໜີໃຫ້ບັນດາຜູ້ແທນປຶກສາຫາລື ກ່ຽວກັບບັນດາບັນຫາສຳຄັນ, ຍັງມີຫຼາຍຄຳເຫັນທີ່ແຕກຕ່າງກັນ, ຮັບປະກັນຄວາມຄືບໜ້າ ແລະ ຄຸນນະພາບຂອງກອງປະຊຸມ.