ລັດເຊຍ ປະກາດພ້ອມແລ້ວທີ່ຈະເຂົ້າຮ່ວມກົນໄກ COVAX
(VOVWORLD) -ລັດເຊຍ ພ້ອມແລ້ວທີ່ຈະເຂົ້າຮ່ວມກົນໄກແຈກຢາຍວັກຊິນ COVAX ທົ່ວໂລກ. ນີ້ແມ່ນຄຳຖະແຫຼງຂອງ ທ່ານ Gennady Gatilov ຜູ້ຕາງໜ້າ ລັດເຊຍ ປະຈຳ ຫ້ອງການ ສປຊ ແລະ ບັນດາອົງການຈັດຕັ້ງສາກົນ ຢູ່ Geneve.
 (ພາບປະກອບ: WHO) |
ສຳນັກຂ່າວສານ Izvestia ໄດ້ຄັດສະເໜີຄຳກ່າວປາໄສຂອງທ່ານ Gennady Gatilov ໂດຍໃຫ້ຮູ້ວ່າ, ລັດເຊຍ ສະໜັບສະໜູນບັນດາຄວາມມານະພະຍາຍາມຂອງຫຼາຍຝ່າຍ ເພື່ອຕ້ານຄືນໂລກລະບາດ ແລະ ຮັບຮອງບົດບາດສຳຄັນຂອງກົນໄກ COVAX ແມ່ນໜຶ່ງໃນບັນດາຊອງທາງສາກົນສຳຄັນ ເພ່ື່ອສະໜອງວັກຊິນກັນພະຍາດໂຄວິດ - 19, ສ່ວນຫຼາຍແມ່ນໃຫ້ບັນດາປະເທດພວມພັດທະນາ ທີ່ມີລະບົບສາທາລະນະສຸກທີ່ອ່ອນດ້ອຍ. ລັດເຊຍ ໃຫ້ການຊ່ວຍເຫຼືອບັນດາປະເທດທີ່ມີຄວາມສົນໃຈຕໍ່ການຕ້ານໂລກລະບາດໄດ້ຫຼາຍພໍສົມຄວນ, ພ້ອມແລ້ວທີ່ຈະສືບຕໍ່ ແລະ ເພີ່ມທະວີການຮ່ວມມືກັບບັນດາຄູ່ຮ່ວມມື, ລວມທັງການສະໜອງວັກຊິນ. ປັດຈຸບັນ, ກອງທຶນລົງທຶນໂດຍກົງຂອງ ລັດເຊຍ ພວມພິຈາລະນາ ເພື່ອນຳເອົາວັກຊິນ Sputnik – V ເຂົ້າໃນໂຄງການ COVAX.
ວັນເທື່ອງ, ນັກຂ່າວ VOV ປະຈຳ ລັດເຊຍ