ທ່ານຮອງລັດຖະມົນຕີການຕ່າງປະເທດ ລັດເຊຍ Sergei Ryabkov (ພາບ: IRNA/TTXVN)

ທີ່ການຕ້ອນຮັບທ່ານເອກອັກຄະລັດຖະທູດ ກູບາ ປະຈຳ ລັດເຊຍ Antonio Garmendia Pena ໃນວັນທີ 13 ກໍລະກົດ, ທ່ານຮອງລັດຖະມົນຕີການຕ່າງປະເທດ ລັດເຊຍ Sergei Ryabkov ໄດ້ສະແດງຄວາມສະມັກຄີຕໍ່ລັດຖະບານ ແລະ ປະຊາຊົນ ກູບາ, ພ້ອມທັງສະໜັບສະໜູນທຸກຄວາມມານະພະຍາຍາມຂອງ La Habana ທີ່ມຸ່ງໄປເຖິງເປົ້າໝາຍເຮັດໃຫ້ສະພາບການເປັນປົກກະຕິ ແລະ ເນັ້ນໜັກວ່າ ບໍ່ອາດຍອມຮັບໄດ້ການກະທຳແຊກແຊງຂອງຕ່າງປະເທດ ແລະ ບັນດາການກະທຳທີ່ມີລັກສະນະມ້າງທຳລາຍ, ເຊິ່ງປະກົດມີຢ່າງຫຼວງຫຼາຍໄປຄຽງຄູ່ກັບສະພາບການຂາດສະຖຽນລະພາບຢູ່ ກູບາ.

ພ້ອມກັນນັ້ນ, ທ່ານເອກອັກຄະລັດຖະທູດ Pena ກໍແຈ້ງໃຫ້ທ່ານຮອງລັດຖະມົນຕີການຕ່າງປະເທດ ລັດເຊຍ Sergei Ryabkov ຮັບຊາບກ່ຽວກັບບັນດາມາດຕະການ ເຊິ່ງລັດຖະບານ ກູບາ ໄດ້ຜັນຂະຫຍາຍ ເພື່ອແນໃສ່ຮັບປະກັນຄວາມເປັນລະບຽບຮຽບຮ້ອຍ ແລະ ຖືກຕ້ອງຕາມກົດໝາຍ.

ກ່ອນໜ້ານັ້ນ, ວັນທີ 12 ກໍລະກົດ, ຫຼາຍປະເທດໃນພາກພື້ນ ກໍຄືໃນໂລກ ໄດ້ສະແດງຄວາມສະມັກຄີກັບລັດຖະບານ ແລະ ປະຊາຊົນ ກູບາ ພາຍຫຼັງທີ່ເກີດການແຫ່ຂະບວນປະທ້ວງຢູ່ບາງທ້ອງຖິ່ນກ່ອນນັ້ນໜຶ່ງວັນ, ພ້ອມທັງຮຽກຮ້ອງໃຫ້ຍົກເລີກຄຳສັ່ງຂວ້ຳບາດຂອງ ອາເມລິກາ ເຊິ່ງເປັນສິ່ງກີດຂວາງແກ່ການພັດທະນາເສດຖະກິດຂອງ ກູບາ, ພິເພດແມ່ນໃນສະພາບການໂລກລະບາດໂຄວິດ - 19.