ລັດເຊຍກ່າວເຕືອນຝ່າຍຕາເວັນຕົກລະເມີດບັນດາຫຼັກການຂອງWTO
ທ່ານປະທານາທິບໍດີ ລັດເຊຍ Vladimir Putin
(ພາບ: vtv.vn)
(vovworld) – ທ່ານປະທານາທິບໍດີ ລັດເຊຍ Vladimir Putin ໄດ້ຕຳນິຕິຕຽນສະຫະພາບ ເອີລົບ (EU) ແລະ ອາເມລິກາ ຢ່າງແຮງ ຍ້ອນລະເມີດບັນດາຫຼັກການພື້ນຖານຂອງອົງການການຄ້າໂລກ (WTO) ເມື່ອຈັດວາງບັນດາມາດຕະການລົງໂທດ ມົດສະກູ ກ່ຽວຂ້ອງເຖິງວິກິດການຢູ່ ຢູແກຼນ. ກ່າວຄຳເຫັນທີ່ກອງປະຊຸມລັດຖະບານໃນວັນທີ 18/9, ທ່ານປະທານາທິບໍດີ Vladimir Putin ເນັ້ນໜັກວ່າ: ເລື່ອງຈັດວາງບັນດາມາດຕະການລົງໂທດແນໃສ່ ລັດເຊຍ ແມ່ນການຍົກເລີກບັນດາຫຼັກການພື້ນຖານ WTO ຂອງຄູ່ຮ່ວມມືຈຳນວນໜຶ່ງຂອງ ລັດເຊຍ. ສິ່ງດັ່ງກ່າວໄດ້ປະຕິບັດດ້ວຍຈຸດປະສົງການເມືອງ ເຊິ່ງບໍ່ປະຕິບັດຕາມບໍ່ວ່າຫຼັກການໃດຂອງ WTO. ທ່ານປະທານາທິບໍດີ Vladimir Putin ໃຫ້ຮູ້ວ່າ: ມົດສະກູ ບໍ່ມີເຈດຈຳນົງລົງໂທດບັນດາປະເທດ ຝ່າຍຕາເວັນຕົກ ຍ້ອນວ່າຄຳສັ່ງລົງໂທດດັ່ງກ່າວ, ເນັ້ນໜັກບັນດາມາດຕະການນີ້ນັບມື້ນັບທ້າທາຍ ລັດເຊຍ ເພິ່ມທະວີກຳລັງບົ່ມຊ້ອນດ້ານເສດຖະກິດ ແລະ ຊຸກຍູ້ການແກ່ງແຍ້ງຍິ່ງເປັນທົດສອບ.