![ລັດເຊຍ-ອາເມລິກາໂຈະການເຈລະຈາກ່ຽວກັບວິກິດການຢູ່ນະຄອນ Aleppo ຂອງ ຊີຣີ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2016_12_16/163.jpg)
(ພາບປະກອບ / AFP/TTXVN)
(vovworld) - ວັນທີ 15/12, ສຳນັກຂ່າວສານ TASS ຂອງ ລັດເຊຍ ໄດ້ຄັດສະເໜີຄຳເວົ້າຂອງທ່ານ Sergei Ryabkov ຮອງລັດຖະມົນຕີການຕ່າງປະເທດ ລັດເຊຍ ໃຫ້ຮູ້ວ່າ: ລັດເຊຍ ແລະ ອາເມລິກາ ໄດ້ໂຈະບັນດາການເຈລະຈາທີ່ພວມໄດ້ຮັບການສົ່ງເສີມ ເພື່ອແນໃສ່ແກ້ໄຂວິກິດການຢູ່ນະຄອນ Aleppoຂອງ ຊີຣີ. ແຈ້ງການດັ່ງກ່າວໄດ້ຍົກອອກມາ ເມື່ອສື່ມວນຊົນຝ່າຍຕາເວັນຕົກ ຮັບຮູ້ວ່າ ຢ່າງໜ້ອຍສຸດມີລົດເມ 17 ຄັນ ແລະ ລົດພະຍາບານ 10 ຄັນ ໄດ້ອອກໄປຈາກເຂດຖືກພວກກະບົດຢຶດຄອງຂອງນະຄອນນີ້, ຜູ້ຄົນຖືກຍົກຍ້າຍ ປຽບເໝືອນແມ່ນສ່ວນໜຶ່ງຂອງຂໍ້ຕົກລົງຢຸດຍິງ. ເຈົ້າໜ້າທີ່ຂອງອົງການອະນາໄມໂລກ (WHO) ທ່ານໜຶ່ງໃຫ້ຮູ້ວ່າ: ອົງການນີ້ຈະໜູນຊ່ວຍຄະນະກຳມະການກາແດງສາກົນ ແລະ ອົງການກາຊີກວົງເດືອນແດງ Arab ຢູ່ ຊີຣີ ຍົກຍ້າຍຜູ້ຖືກບາດເຈັບອອກຈາກເຂດປະທະກັນນີ້.