ບັນດາຜູ້ແທນເຂົ້າຮ່ວມລາຍການ
ພາບ:hanoimoi.com
|
(vovworld) - ເພື່ອເປັນການສະເຫລີມສະຫລອງ 65 ປີ ແຫ່ງວັນທະຫານເສຍອົງຄະ ແລະ ນັກຮົບເສຍສະຫລະຊີວິດເພື່ອຊາດ ຕອນຄຳ່ວັນທີ 24/7 ຢູ່ ຮ່າໂນ້ຍໄດ້ດຳເນີນລາຍການພົບປະແລກປ່ຽນສິລະປະເພື່ອຕອບບຸນແທນຄຸນນັກຮົບເສຍສະຫລະຊີວິດເພື່ອຊາດ. ເຂົ້າຮ່ວມພິທີ ມີທ່ານປະທານສະພາແຫ່ງຊາດ ຫວຽດນາມ Nguyen Sinh Hung ແລະ ບັນດາການນຳພັກ ແລະ ລັດ, ແມ່ ຫວຽດນາມ ວິລະຊົນ, ຍາດຕິພີ່ນ້ອງນັກຮົບເສຍສະຫລະຊີວິດເພື່ອຊາດ, ຊາວນະຄອນຫລວງ ຮ່າໂນ້ຍເຂົ້າຮ່ວມເປັນຈຳນວນຫລວງຫລາຍ. ລາຍການນີ້ແມ່ນໂອກາດເພື່ອເຊີດຊູ, ສະແດງຄວາມຮູ້ບຸນຄຸນຕໍ່ບັນດານັກຮົບທີ່ເສຍສະຫລະຊີວິດເພື່ອຊາດ, ຄອບຄົວນັກຮົບເສຍສະຫລະຊີວິດເພື່ອຊາດ ແລະ ແມ່ ຫວຽດນາມ ວິລະຊົນ… ກ່າວຄຳເຫັນນະພິທີ, ພົນໂທ Le Van Han ປະທານສະມາຄົມຫນູນຊ່ວຍຄອບຄົວນັກຮົບເສຍສະຫລະຊີວິດເພື່ອຊາດ ຫວຽດນາມ ຊີ້ແຈງວ່າ:
“ສະມາຄົມຫນູນຊ່ວຍຄອບຄົວນັກຮົບເສຍສະຫລະຊີວິດເພື່ອຊາດ ໄດ້ຮ່ວມແຮງຮ່ວມໃຈພ້ອມກັບພັກ, ທົ່ວປວງຊົນເອົາໃຈໃສ່ການເຊີດຊູ ແລະ ສະແດງຄວາມຮູ້ບຸນຄຸນຕໍ່ບັນດານັກຮົບເສຍສະລະຊີວິດເພື່ອຊາດ. ການເຄື່ອນໄຫວດັ່ງກ່າວບໍ່ພຽງແຕ່ສະແດງໃຫ້ເຫັນຫລັກສິນທຳກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳເທົ່ານັ້ນ ຫາກມີລັກສະນະການເມືອງ, ວັດທະນະທຳມະນຸດຢ່າງເລິກເຊິ່ງອີກດ້ວຍ.”