ທ່ານຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ ໂດຕຽນຊີ ກ່າວຄຳເຫັນທີ່ການພົບປະ

ຕອນເຊົ້າວັນທີ 30 ຕຸລາ, ຢູ່ສູນກະຈາຍສຽງແຫ່ງຊາດເຮືອນເລກທີ 58 ຖະໜົນກວານຊື, ຮ່າໂນ້ຍ, ການນຳ ວິທະຍຸກະຈາຍສຽງ ຫວຽດນາມ (VOV) ໄດ້ພົບປະກັບຫົວໜ້າອົງການຕາງໜ້າຜູ້ຫວຽດນາມ ປະຈຳ ຕ່າງປະເທດພວມກະກຽມປະຕິບັດໜ້າທີ່ຢູ່ບາງປະເທດ.

ນະທີ່ນີ້, ທ່ານຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ ໂດຕຽນຊີ ໄດ້ສະແດງຄວາມຊົມເຊີຍຕໍ່ບັນດາຫົວໜ້າອົງການຜູ້ຕາງໜ້າ ຫວຽດນາມ ປະຈຳ ຕ່າງປະເທດ ທີ່ໄດ້ຮັບການແຕ່ງຕັ້ງດຳລົງຕຳແໜ່ງທີ່ສຳຄັນ. ໂດຍແນະນຳກ່ຽວກັບການເຄື່ອນໄຫວຂອງຫົວໜ່ວຍ, ທ່ານຜູ້ອຳນວຍການໃຫຍ່ ໂດຕຽນຊີ ໃຫ້ຮູ້ວ່າ ປັດຈຸບັນ VOV ພວມປະຕິບັດ ລາຍການ “ຫວຽດນາມ - ສັງກາດບຸກບືນ” ດ້ວຍຫຼາຍຮູບແບບ, ຫຼາຍພາຫະນະ ໃນຊ່ອງທາງກະຈາຍສຽງ, ໂທລະພາບ, ໜັງສືພິມ ແລະ ສື່ເອເລັກໂຕນິກ, ເພື່ອແນໃສ່ຢັ້ງຢືນການຊີ້ນຳນຳພາຂອງພັກ ໃນການຊ່ວຍປະເທດຊາດບືນຕົວຂຶ້ນຢ່າງແຮງ, ຢັ້ງຢືນອິດທິພົນຊື່ສຽງ ແລະ ຖານະບົດບາດຂອງ ຫວຽດນາມ ບົນເວທີສາກົນ. ທ່ານ ໂດຕຽນຊີ ປາດຖະໜາວ່າ:

ເພື່ອມີເນື້ອໃນຖະແຫຼງຂ່າວທີ່ອຸດົມສົມບູນ ແລະ ຫຼາຍຮູບແບບ ທາງວິທະຍຸກະຈາຍສຽງ ຫວຽດນາມ ຕ້ອງມີການໜູນຊ່ວຍ, ຊ່ວຍເຫຼືອຈາກບັນດາຫົວໜ້າອົງການຜູ້ຕາງໜ້າຫວຽດນາມ ປະຈຳ ຕ່າງປະເທດ ໃຫ້ແກ່ VOV ເວົ້າລວມ ແລະ 13 ອົງການຜູ້ຕາງໜ້າ VOV ປະຈຳຕ່າງປະເທດ ເວົ້າສະເພາະ.