(VOVWORLD) -ວັດແຫ່ງນີ້ທັງມີຈຸດວັດທະນະທຳປະຫວັດສາດ ທີ່ເປັນເອກະລັກສະເພາະຂອງສາສະໜາພຸດ ຫວຽດນາມ, ທັງເປັນສັນຍາລັກຂອງນ້ຳໃຈມິດຕະພາບລະຫວ່າງ 2 ປະເທດ ຫວຽດນາມ ແລະ ໄທ.
 (ວັດເສົ້າດຽວຢູ່ ຂອນແກນ) |
ວັນທີ 18 ມີນາ, ອຳນາດການປົກຄອງແຂວງ ຂອນແກນ, ທາງທິດຕາເວັນອອກສ່ຽງເໜືອ ໄທ ພ້ອມກັບສະຖານກົງສູນໃຫຍ່ ສະຖານທູດ ຫວຽດນາມ ແລະ ສະມາຄົມຊາວ ໄທ ເຊື້ອຊາດ ຫວຽດນາມ ແຂວງ ຂອນແກນ ຈັດພິທີສະເຫຼີມສະຫຼອງ 15 ປີແຫ່ງວັນກໍ່ສ້າງວັດເສົ້າດຽວ, ເຊິ່ງແມ່ນສັນຍາລັກແຫ່ງນຳ້ໃຈມິດຕະພາບ ຫວຽດນາມ - ໄທ ຢູ່ເຂດດິນແດນ ຂອນແກນ.
ກ່າວຄຳເຫັນທີ່ພິທີ, ທ່ານນາງ ດັ້ງທິກາຍ, ຮອງປະທານສະມາຄົມຊາວ ໄທ ເຊື້ອຊາດ ຫວຽດນາມ ແຂວງ ຂອນແກນ ໃຫ້ຮູ້ວ່າ: 15 ປີກ່ອນນີ້, ໂດຍໄດ້ຮັບການສະໜັບສະໜູນ ແລະ ໜູນຊ່ວຍຈາກອຳນາດການປົກຄອງແຂວງ ຂອນແກນ, ສະຖານກົງສູງໃຫຍ່ ຫວຽດນາມ ປະຈຳ ຂອນແກນ, ວັດເສົ້າດຽວ ໄດ້ຮັບການກໍ່ສ້າງໃນສວນສາທາລະນະມິດຕະພາບ ໄທ - ຫວຽດ ແຂວງ ຂອນແກນ. ວັດແຫ່ງນີ້ທັງມີຈຸດວັດທະນະທຳປະຫວັດສາດ ທີ່ເປັນເອກະລັກສະເພາະຂອງສາສະໜາພຸດ ຫວຽດນາມ, ທັງເປັນສັນຍາລັກຂອງນ້ຳໃຈມິດຕະພາບລະຫວ່າງ 2 ປະເທດ ຫວຽດນາມ ແລະ ໄທ.
ສ່ວນທ່ານຮອງເຈົ້າແຂວງ ຂອນແກນ ຈັນໃຈ ຢືນຢັນວ່າ, ວັດແຫ່ງນີ້ແມ່ນສັນຍາລັກສະແດງໃຫ້ເຫັນນ້ຳໃຈມິດຕະພາບ ແລະ ການພົວພັນທີ່ດີງາມລະຫວ່າງແຂວງ ຂອນແກນຂອງ ໄທ ແລະ ຫວຽດນາມ.