ສື່ມວນຊົນອັງກິດ:ທ່ານນາງນາຍົກລັດຖະມົນຕີ TheresaMayກະກຽມການປະຕິຮູບຄະນະລັດຖະບານ
(VOVWORLD) -ຫນັງສືພິມ Sunday Times ຂອງອັງກິດ ຫາກໍ່ໃຫ້ຂ່າວວ່າ: ທ່ານນາງ ນາຍົກລັດຖະມົນຕີ ອັງກິດ Theresa May ຈະປະກາດການປ່ຽນແປງຈຳນວນຫນຶ່ງໃນຄະນະລັດຖະບານໃນ ວັນທີ 8 ມັງກອນ ຈະມາເຖິງ.
|
 ທ່ານນາງ ນາຍົກລັດຖະມົນຕີ ອັງກິດ Theresa May
ພາບ:vietnam+
|
ເຖິງຢ່າງໃດກໍຕາມ, ບັນດາທ່ານລັດຖະມົນຕີການຕ່າງປະເທດ, ກະຊວງພາຍໃນ, ກະຊວງການເງິນ ແລະ ລັດຖະມົນຕີຮັບຜິດຊອບບັນຫາຖອນອອກຈາກ ສະຫະພາບເອີລົບ (Brexit) ຈະບໍ່ມີການປ່ຽນແປງ.
ຄາດວ່າ ທ່ານນາງ May ຈະປະກາດຕຳແຫລ່ງລັດຖະມົນຕີຜູ້ທີ່ຫນຶ່ງ ພາຍຫລັງທ່ານ Damian Green ລາອອກຈາກຕຳແຫນ່ງໃນເດືອນຜ່ານມາ.
ຕາມຫນັງສືພິມ Sunday Times ແລ້ວ, ເຈົ້າຫນ້າທີ່ຈຳນວນຫນຶ່ງໃນຄະນະລັດຖະບານອັງກິດ ຈະຖືກປົດຕຳແຫນ່ງຫລືຖືກປ່ຽນແທນ ລວມມີ: ປະທານພັກນິຍົມຮັກສາເດີມ ທ່ານ Patrick Mc Loughlin, ລັດຖະມົນຕີກະຊວງສຶກສາ Justine Greening ແລະ ລັດຖະມົນຕີກະຊວງການຄ້າ Greg Clark.