ກອງປະຊຸມສະໄຫມສາມັນເທື່ອທີ 8 ສະພາແຫ່ງຊາດ
ຫວຽດນາມ ຊຸດທີ 13
(ພາບ :xaluan.com)
|
(vovworld) - ຮ່າງກົດໝາຍວ່າດ້ວຍການຈັດຕັ້ງສະພາແຫ່ງຊາດ (ສະບັບປັບປຸງ) ແມ່ນເນື້ອໃນຕົ້ນຕໍທີ່ໄດ້ນຳມາປຶກສາຫາລືໃນວາລະປະຊຸມເມື່ອຕອນເຊົ້າວັນທີ 22/10 ຂອງສະພາແຫ່ງຊາດ. ສສຊ ຫຼາຍທ່ານສະເໜີຮ່າງກົດໝາຍຄວນໄດ້ຮັບການເພີ່ມເຕີມບັນດາມາດຕະການປ່ຽນໃໝ່ກວ່າອີກໃນການເຄື່ອນໄຫວຂອງ ສະພາແຫ່ງຊາດຕາມເນື້ອໃນຈິດໃຈຂອງລັດຖະທຳມະນູນ ເພື່ອຕອບສະໜອງການພັດທະນາ ແລະ ປະກອບສ່ວນແກ້ໄຂບັນດາສິ່ງທີ່ຍັງຄົງຄ້າງ, ຂໍ້ຈຳກັດໃນການຈັດຕັ້ງ ແລະ ເຄື່ອນໄຫວຂອງສະພາແຫ່ງຊາດໃນໄລຍະຜ່ານມາ. ທ່ານ ເຈີນງອກວີງ, ສສຊ ນະຄອນ ຫາຍຟ່ອງ, ຖືວ່າ: ຄວນມີມາດຕາສະເພາະກຳນົດລະອຽດກ່ຽວກັບການຈັດຕັ້ງກົງຈັກຂອງສະພາແຫ່ງຊາດຕື່ມອີກເຊິ່ງລວມມີບັນດາອົງການສ້າງເປັນອົງປະກອບສະພາແຫ່ງຊາດເພື່ອສາມາດມີຂໍ້ສັງເກດສັງລວມກ່ຽວກັບລະບົບກົງຈັກການຈັດຕັ້ງສະພາແຫ່ງຊາດ. ທ່ານ ເຈີນງອກວີງ, ໃຫ້ຮູ້ວ່າ:
“ສະເໜີໃຫ້ຄະນະຮຽບຮຽງຄົ້ນຄ້ວາ, ກຳນົດຄວາມຮັບຜິດຊອບລະອຽດ ແລະ ເພີ່ມເຕີມບັນດາຂໍ້ກຳນົດເພື່ອຮັບປະກັນລັກສະນະເອກະລາດໃຫ້ແກ່ບັນດາສສຊ, ສິ່ງຈຳກັດສະພາບການຫັນເປັນບໍລິຫານຂອງ ສສຊ ກໍ່ຄືສະແດງຈິດໃຈມາດຖານສຳຄັນທີ່ສຸດຂອງ ສສຊ ແມ່ນຖືກຜູ້ມີສິດເລືອກຕັ້ງເຊື່ອໝັ້ນຄັດເລືອກເຂົ້າໃນສະພາແຫ່ງຊາດເພື່ອສ່ອງແສງສຽງເວົ້າ, ຄວາມມຸ່ງມາດປາດຖາໜາຂອງຜູ້ມີສິດເລືອກຕັ້ງຕໍ່ສະພາແຫ່ງຊາດ.”
ແລະກໍ່ໃນວັນດຽວກັນ, ສະພາແຫ່ງຊາດຮັບຟັງໃບສະເໜີ, ບົດລາຍງານກວດກາກ່ຽວກັບຮ່າງກົດໝາຍວ່າດ້ວຍຊັບພະຍາກອນ, ສິ່ງແວດລ້ອມທະເລ ແລະ ໝູ່ເກາະ ແລະ ກົດໝາຍວ່າດ້ວຍແນວໂຮມປະເທດຊາດ ຫວຽດນາມ (ສະບັບປັບປຸງ).