(vovworld) - ໂດຍສືບຕໍ່ກອງປະຊຸມສະໄໝສາມັນເທື່ອທີ 6 ສະພາແຫ່ງຊາດຫວຽດນາມ ຊຸດທີ 13, ວັນທີ 24 ຕຸລາ, ສະພາແຫ່ງຊາດໄດ້ປຶກສາຫາລືຢູ່ໜ່ວຍ ກ່ຽວກັບໝາກຜົນແຫ່ງການປະຕິບັດແຜນການພັດທະນາເສດຖະກິດສັງຄົມປີ 2013, ແຜນການພັດທະນາເສດຖະກິດສັງຄົມປີ 2014 (ສົມທົບກັບການປຶກສາຫາລືກ່ຽວກັບໝາກຜົນແຫ່ງການປະຕິບັດແຜນຮ່າງສັງລວມກ່ຽວກັບການສ້າງໂຄງປະກອບເສດຖະກິດຄືນໃໝ່); ສະພາບການປະຕິບັດແຜນການພັດທະນາເສດຖະກິດ, ສັງຄົມໄລຍະ 5 ປີ (2011 - 2015); ໝາກຜົນແຫ່ງການປະຕິບັດແຕ່ປີ 2011 ມາຮອດປະຈຸບັນ ແລະ ທິດທາງ, ມາດຕະການປະຕິບັດບັນດາຈຸດໝາຍເສດຖະກິດ, ສັງຄົມຮອດທ້າຍປີ 2015.
ບົດລາຍງານສະພາບເສດຖະກິດສັງຄົມປີ 2013 ແລະ ແຜນການພັດທະນາເສດຖະກິດສັງຄົມປີ 2014. ລັດຖະບານໄດ້ກຳນົດຈຸດໝາຍສັງລວມຂອງປີ 2014 ນັ້ນແມ່ນ: ສືບຕໍ່ປັບປຸງ, ຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້. ແກ້ໄຂຄວາມຫຍຸ້ງຍາກໃຫ້ການຜະລິດ, ດຳເນີນທຸລະກິດ, ຟື້ນຟູລະດັບການເຕີບໂຕ ຕິດຜັນກັບການສ້າງໂຄງປະກອບເສດຖະກິດຄືນໃໝ່, ປ່ຽນໃໝ່ຮູບແບບການເຕີບໂຕ ແລະ ປະຕິບັດ 3 ຂອດບຸກທະລຸຍຸດທະສາດ. ຮັບປະກັນຊີວິດສັງຄົມ, ສະຫວັດດີການສັງຄົມ ແລະ ຍົກສູງຊີວິດການເປັນຢູ່ໃຫ້ແກ່ຂອງປະຊາຊົນ.
ສະພາແຫ່ງຊາດປຶກສາຫາລືກ່ຽວກັບເສດຖະກິດສັງຄົມ
ຕາມສະມາຊິກສະພາແຫ່ງຊາດຫລາຍທ່ານແລ້ວ, ເຖິງວ່າການເຕີບໂຕເສດຖະກິດປີ 2013 ບັນລຸຢູ່ໃນລະດັບຕຳ່ກວ່າໄລຍະກ່ອນ, ຕຳ່ກວ່າຄາດໝາຍກອງປະຊຸມໃຫຍ່ຄັ້ງທີ 11 ຂອງພັກໄດ້ວາງອອກ, ແຕ່ວ່າ ນັ້ນແມ່ນການເຕີບໂຕຢ່າງເໝາະສົມ ແລະ ສອດຄອ່ງກັບສະພາບຕົວຈິງ.
ກ່ຽວ ກັບຂົງເຂດເສດຖະກິດ, 3 ບັນຫາທີ່ ສສຊ ໄດ້ເຕື້ອງເຖິງ ນັ້ນແມ່ນຈຸດໝາຍການເຕີບໂຕ, ສ້າງໂຄງປະກອບພື້ນຖານເສດຖະກິດຄືນໃຫມ່ ແລະ ໝາກຜົນການປະຕິບັດແຜນການ 5 ປີ (2011-2015).
ກ່ຽວກັບ ຈຸດໝາຍການເຕີບໂຕເສດຖະກິດໃນປີ 2014, ຄຳເຫັນຂອງ ສສຊ ບາງທ່ານຖືວ່າ: ການຈະເລີນເຕີບໂຕຢູ່ໃນລະດັບ 5,5- 5,8% ແມ່ນເໝາະສົມ, ບໍ່ຄວນວາງຄາດໝາຍສູງກວ່າ. ທ່ານ ເຈີນຮ່ວາງເງິນ, ສສຊ ນະຄອນ ຮ່າໂນ້ຍ ຍົກຄຳເຫັນວ່າ:
“ເພື່ອແກ້ໄຂສະພາບການເຕີບໂຕ ດັ່ງກ່າວ ຕ້ອງແກ້ໄຂບັນຫາທຶນຮອນ. ສຳລັບຫວຽດນາມ ນີ້ແມ່ນບັນຫາສຳຄັນທີ່ສຸດ. ລະອຽດແມ່ນຍອດຈຳນວນເງິນລົງທຶນຕ້ອງກວມເອົາ 30% GDP. ເພື່ອບັນລຸໄດ້ການຈະເລີນເຕີບໂຕ ນອກຈາກຫລຸດຜ່ອນເພດານຫນີ້ສິນຂອງລັດ, ເພີ່ມການລົງທຶນໃຫ້ແກ່ພັນທະບັດ ພວກເຮົາຕ້ອງລະດົມທຶນຈາກພາກເອກະຊົນ.”
ກ່ຽວກັບການສ້າງ ໂຄງປະກອບພື້ນຖານເສດຖະກິດຄືນໃຫມ່, ລະອຽດແມ່ນໃນ 3 ຂົງເຂດ ການລົງທຶນຂອງລັດ, ລະບົບທະນາຄານ ແລະ ລັດວິສາຫະກິດ ຍັງມີຫລາຍບັນຫາຕິດຂັດ ແລະ ຕ້ອງຊອກສາຍເຫດເພື່ອແກ້ໄຂ.
ກ່ຽວ ກັບການປະຕິບັດແຜນການພັດທະນາເສດຖະກິດ ສັງຄົມ ໄລຍະ 5 ປີ(2011-2015), ຄຳເຫັນຂອງ ສສຊ ຫລາຍທ່ານຖືວ່າ: ຄວາມເອົາໃຈໃສ່ເຖິງບັນຫາຄຸນນະພາບ ແລະ ຮັກສາເສດຖະກິດມະຫາພາກເປັນປົກກະຕິ ແມ່ນຈຸດໝາຍຕົ້ນຕໍ.