ພິທີ ສະເໜີຕົວສະພາທິດສະດີສູນກາງ ອາຍຸການ 2021 – 2026 (ພາບ: TTXVN)

ສະມາຊິກສະພາ ອາຍຸການໃໝ່ລວມມີ 50 ທ່ານ, ໂດຍທ່ານ ຫງວຽນຊວັນຖັງ ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ເປັນປະທານ. ໃນອາຍຸການນີ້, ສະພາທິດສະດີສູນກາງ ຈະສືບຕໍ່ຕິດຕາມຢ່າງໃກ້ຊິດຂໍ້ຕົກລົງຂອງກົມການເມືອງ ວ່າດ້ວຍພັນທະ, ໜ້າທີ່ຂອງສະພາ, ເນື້ອໃນຈິດໃຈຂອງເອກະສານສະບັບຕ່າງໆຂອງກອງປະຊຸມໃຫຍ່ຄັ້ງທີ XIII ຂອງພັກກອມມູນິດ ຫວຽດນາມ ເພື່ອມານພະຍາຍາມປະສິດສຳເລັດໜ້າທີ່ສຳຄັນຂອງຕົນໃຫ້ເປັນຢ່າງດີ.

ກ່າວຄຳເຫັນຊີ້ນຳທີ່ພິທີ, ທ່ານ ຫວໍວັນເຖືອງ ຜູ້ປະຈຳການຄະນະເລຂາ ສູນກາງພັກ ໄດ້ເນັ້ນໜັກເຖິງຄວາມສຳຄັນຂອງວຽກງານທິດສະດີ ໃນພາລະກິດປະຕິວັດຂອງພັກກອມມູນິດ ຫວຽດນາມ ແລະ ສະເໜີໃຫ້ສະພາທິດສະດີສູນກາງພັກ ໃນໄລຍະຈະມາເຖິງ ຈົ່ງສຸມໃສ່ການຄົ້ນຄວ້າບັນດາບັນຫາທິດສະດີທີ່ເປັນພື້ນຖານ, ທີ່ເປັນຫຼັກແຫຼ່ງແກ່ນສານໃນແນວທາງຍຸດທະສາດຂອງພັກ, ຂອງພາລະກິດແຫ່ງການປ່ຽນແປງໃໝ່, ເຊື່ອມໂຍງເຂົ້າກັບສາກົນ, ສ້າງສາ ແລະ ປົກປັກຮັກສາປະເທດຊາດ, ພ້ອມທັງດຳເນີນການສະຫຼຸບບັນດາບັນຫາສຳຄັນໃໝ່, ບັນດາບັນຫາທີ່ຈຳເປັນ ແລະ ຮີບດ່ວນທີ່ວາງອອກແກ່ສະພາບການຕົວຈິງຂອງການພັດທະນາປະເທດຊາດໃນສະພາບການໂລກລະບາດໂຄວິດ - 19.