ຕາມກະຊວງດັ່ງກ່າວແລ້ວ, ທ່ານລັດຖະມົນຕີກະຊວງທ້ອນໂຮມປະເທດສ.ເກົາຫຼີ Cho Myoung gyon ຈະນຳໜ້າຄະນະຜູ້ແທນລວມມີ 5 ຄົນ ເຂົ້າຮ່ວມການເຈລະຈາກັບສປປ.ເກົາຫຼີ, ເຊິ່ງຄາດວ່າຈະດຳເນີນໃນວັນທີ 01 ມິຖຸນາ. ໃນການເຈລະຈາທີ່ຈະມາເຖິງນີ້, ຄາດວ່າ 2 ຝ່າຍຈະປຶກສາຫາລືບັນດາວິທີການຜັນຈຂະຫຍາຍ “ຢ່າງວ່ອງໄວ ແລະ ມີລະບົບ” ຂອງຖະແຫຼງການ Panmunjom ເຊິ່ງການນຳ 2 ປະເທດໄດ້ຮັບຮອງເອົາທີ່ການພົບປະຄັ້ງທຳອິດຢູ່ບ້ານຢຸດຮົບ Panmunjom ເມື່ອວັນທີ 27 ເມສາ.

      ແລະກໍ່ໃນວັນດຽວກັນ, ສ.ເກົາຫຼີ ກໍ່ໃຫ້ຮູ້ວ່າ ຈະສຸມທຸກຄວາມມານະພະຍາຍາມເພື່ອສ້າງພື້ນຖານເພື່ອຜົນສຳເລັດຂອງການເຄື່ອນໄຫວທາງການທູດກັບສປປ.ເກົາຫຼີ. ຖະແຫຼງການຂອງກະຊວງການຕ່າງປະເທດສ.ເກົາຫຼີ ໄດ້ເນັ້ນໜັກເຖິງຄວາມສຳຄັນຂອງກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ ເຊິ່ງຄາດວ່າ ຈະດຳເນີນໃນວັນທີ 12 ມິຖຸນາ ເພື່ອປຶກສາຫາລືກ່ຽວກັບວິວັດທະນາການປອດນິວເຄຼຍ ໂດຍສິ້ນເຊິງ ແລະ ມີສັນຕິພາບຢ່າງຍາວນານໃນແຫຼມເກົາຫຼີ.

      ໃນເຫດການທີ່ກ່ຽວຂ້ອງ, ວັນທີ 29 ພຶດສະພາ, ທ່ານ Kim Chang Son, ຫົວໜ້າຫ້ອງການຂອງການນຳສປປ.ເກົາຫຼີ, ຫົວໜ້າຄະນະເຈລະຈາຝ່າຍສປປ.ເກົາຫຼີ ໄດ້ມີໜ້າຢູ່ສິງກະໂປແລ້ວ.