ກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ (ພາບ: TTXVN)

ກອງປະຊຸມວົງແຄບລັດຖະມົນຕີການຕ່າງປະເທດ ອາຊຽນ ໄດ້ສິ້ນສຸດລົງຢາງຈົບງາມໃນ ວັນທີ 19 ມັງກອນ ຢູ່ Langkawi, ປະເທດມາເລເຊຍ ແລະ ຫວຽດນາມ ມີການປະກອບສ່ວນຢ່າງຕັ້ງໜ້າ. ນີ້ແມ່ນການຢັ້ງຢືນຂອງທ່ານຮອງລັດຖະມົນຕີການຕ່າງປະເທດ ໂດຮຸງວຽດ ຫົວໜ້າ SOM ຫວຽດນາມ.

ຕາມທ່ານຮອງລັດຖະມົນຕີ ໂດຮຸງວຽດ ແລ້ວ, ເຖິງວ່າກອງປະຊຸມພຽງແຕ່ດຳເນີນໃນເວລາວັນໜຶ່ງເທົ່ານັ້ນແຕ່ບັນດາລັດຖະມົນຕີການຕ່າງປະເທດ ອາຊຽນ ໄດ້ແລກປ່ຽນກ່ຽວກັບບັນດາບັນຫາ ຢ່າງເລິກເຊິ່ງ ແລະ ເປັນເອກະພາບຫຼາຍເນື້ອໃນສຳຄັນ. ທີ່ໜຶ່ງແມ່ນ, ກອງປະຊຸມໄດ້ເລີ່ມຕົ້ນຢ່າງເປັນທາງການໃນປີຮ່ວມມື ອາຊຽນທີ່ຟົດຟື້ນ, ດ້ວຍບັນດາຈຸດສຸມບຸລິມະສິດ ກໍ່ຄືບັນດາຂໍ້ລິເລີ່ມໃນບັນດາເສົາຄ້ຳຮ່ວມມືເພື່ອແນໃສ່ຫັນຫົວຂໍ້ “ກວມລວມ ແລະ ຍືນຍົງ” ໃຫ້ເປັນລະອຽດ. ທີສອງ, ກອງປະຊຸມໄດ້ກ້າວເຂົ້າສູ່ບາດກ້າວສ້າງພື້ນຖານຮ່ວມມື ແລະ ພັດທະນາຂອງ ອາຊຽນໃນໄລຍະຍາວ. ສຸດທ້າຍ, ກອງປະຊຸມໄດ້ຢັ້ງຢືນສານກ່ຽວກັບອາຊຽນຢ່າງມີຄວາມສາມັກຄີ, ສວມບົດບາດໃຈກາງໃນໂລກທີ່ເຕັມໄປດ້ວຍການຜັນປ່ຽນ.