ວັນທີ 19 ມັງກອນ, ຢູ່ເທດສະບານ ຫວຽດອຽນ, ແຂວງ ບັກຢາງ, ສະຫະພັນແຮງງານເທດສະບານ ສົມທົບກັບບັນດາຫົວໜ່ວຍຈັດລາຍການ “ບຸນເຕັດແຫ່ງການເຕົ້າໂຮມ - ລະດູບານໃໝ່ສະແດງຄວາມຮູ້ບຸນຄຸນຕໍ່ພັກ”, ຕິດພັນກັບລາຍງານ “ບຸນເຕັດໃກ້ກັບຄອບຄົວ” ໃຫ້ແກ່ກຳມະກອນຜູ້ອອກແຮງງານ. ກຳມະກອນ, ຜູ້ອອກແຮງງານ ໄດ້ເຂົ້າຮ່ວມບັນດາການເຄື່ອນໄຫວ, ຄື: ຫໍ່ເຂົ້າຕົ້ມ, ຈັດພາໝາກໄມ້, ມອບຂອງຂວັນບຸນເຕັດ… ເນື່ອງໃນໂອກາດນີ້, ຄະນະຈັດຕັ້ງໄດ້ມອບຂອງຂວັນ 300 ພູດໃຫ້ກຳມະກອນ, ຜູ້ອອກແຮງງານທີ່ພວມເຄື່ອນໄຫວຢູ່ບັນດາສະໂມສອນເຮືອນພັກໃນບໍລິເວນເທດສະບານ ຫວຽດອຽນ.

        ທີ່ລາຍການ “ບຸນເຕັດແຫ່ງການເຕົ້າໂຮມ” ໂດຍສະຫະພັນແຮງງານແຂວງ ຈ່າວິງ ຈັດຂຶ້ນແຕ່ວັນທີ 16 – 19 ມັງກອນ, ຢູ່ວິທະຍາໄລ ຈ່າວິງ (ນະຄອນ ຈ່າວິງ), ສະຫະພັນແຮງງານແຂວງ ໄດ້ໜູນຊ່ວຍ ບັດຊື້ສິນຄ່າ 2.000 ບັດໃຫ້ສະມາຊິກກຳມະບານ, ກຳມະກອນ, ມອບຂອງຂວັນ 500 ພູດໃຫ້ສະມາຊິກກຳມະກອນ, ຜູ້ອອກແຮງງານ, ຜູ້ອອກແຮງງານທີ່ປະສົບກັບຄວາມຫຍຸ້ງຍາກ 500 ຄົນ…

        ທີ່ລາຍການ “ບຸນເຕັດແຫ່ງການເຕົ້າໂຮມ - ລະດູບານໃໝ່ສະແດງຄວາມຮູ້ບຸນຄຸນຕໍ່ພັກ” ທີ່ຈັດຂຶ້ນໃນວັນທີ 19 ມັງກອນ, ຢູ່ເຂດອຸດສາຫະກຳ ບາວມິງ, ເມືອງ ຫວູບານ, ຄະນະກຳມະການປະຊາຊົນແຂວງ ນາມດິ້ງ, ສະຫະພັນແຮງງານແຂວງ ແລະ ກຳມະບານບັນດາເຂດອຸດສາຫະກຳແຂວງ ນາງດິ້ງ ໄດ້ມອບຂອງຂວັນ 60 ພູດໃຫ້ແກ່ກຳມະກອນຜູ້ອອກແຮງງານທີ່ປະສົບກັບຄວາມຫຍຸ້ງຍາກ.