(vovworld) - ໂດຍປະຕິບັດສານທາງການ ຂອງນາຍົກລັດຖະມົນຕີ, ບັນດາກະຊວງ, ຂະແຫນງການແລະ ທ້ອງຖິ່ນຕ່າງໆສືບຕໍ່ເພີ່ມທະວີບັນດາມາດຕະການປ້ອງກັນແລະ ຄວບຄຸມໂລກໄຂ້ຫວັດ A/H7N9 ແລະ A/H5N1.
ແຂວງ ລ້າງເຊີນ ສືບຕໍ່ຜັນຂະຫຍາຍບັນດາມາດຕະການຢ່າງຂ້ຽວຂາດເພື່ອສະກັນກັ້ນການຂົນສົ່ງ ແລະ ຄ້າຂາຍສັດປີກເຖື່ອນຜ່ານຊາຍແດນ. ທ່ານ ບຸ່ຍວັນດ໋ຽນ, ຫົວຫນ້າຕຳຫລວດເມືອງ ການໂລກ, ແຂວງ ລ້າງເຊີນ ໃຫ້ຮູ້ວ່າ: ວຽກງານຕໍ່ສູ້ປ້ອງກັນ ແລະ ສະກັນກັ້ນການຄ້າຂາຍສັດປີກເຖື່ອນໄດ້ຮັບການຜັນຂະຫຍາຍລົງຮອດຕາແສງ.
“ພວກຂ້າພະເຈົ້າສືບຕໍ່ເພີ່ມທະວີການຊີ້ນຳໃຫ້ແກ່ຕຳຫລວດ, ທະຫານປ້ອງກັນຊາຍແດນ, ພະນັກງານຄຸ້ມຄອງຕະຫລາດ ແລະ ພິເສດຄະນະກຳມະການປະຊາຊົນບັນດາຕາແສງ, ເທດສະບານຢູ່ເຂດຊາຍແດນເຂົ້າຮ່ວມການສະກັດກັ້ນການຄ້າຂາຍສັດປີກເຖື່ອນ.”
ສ່ວນຢູ່ ຮ່າໂນ້ຍ, ທ່ານ ຟ້າມຈີລີງ, ຮອງປະທານຄະນະກຳມະການປະຊາຊົນຕາແສງ ເຈືອງເຢືອງ ເມືອງ ຮ່ວານກຽມ ຮ່າໂນ້ຍ ໃຫ້ຮູ້ວ່າ: ນັບແຕ່ຕົ້ນເດືອນ 4 ນີ້, ທາງຕາແສງໄດ້ເພີ່ມທະວີບັນດາຄະນະລົງກວດກາຊື່ງລວມມີ: ຕຳຫລວດ, ພະນັກງານຄຸ້ມຄອງຕະຫລາດ, ກວດໂລກລະບາດ, ການແພດລົງກວດກາບັນດາຕະຫລາດນ້ອຍ ແລະ ຖ້າຫາກພົບເຫັນສັດປີກບໍ່ຮູ້ມາຈາກໃສຈະຖືກເກັບຄືນ ແລະ ດັບສູນຕາມກຳນົດ. ທ່ານ ຟ້າມຈີລີງ ໃຫ້ຮູ້ວ່າ:
ພາບປະກອບ:internet
|
“ເມື່ອໄດ້ຮັບເອກະສານສະບັບຫລ້າສຸດ, ຕາແສງ ເຈືອງເຢືອງ ໄດ້ເປັນເຈົ້າການເພີ່ມເຕີມບາງມາດຕະການເພື່ອສະກັດກັ້ນໂລກລະບາດ. ໂດຍສະເພາະແມ່ນການຄ້າຂາຍສັດປີກເຖື່ອນ. ນອກນັ້ນ ພວກຂ້າພະເຈົ້າຍັງສົ່ງແຈ້ງການລົງເຖິງບັນດາກຸ່ມຊຸມຊົນກ່ຽວກັບການເພີ່ມທະວີການຄວບຄຸມໂລກໄຂ້ຫວັດສັດປີກ, ພິເສດແມ່ນໄຂ້ຫວັດ A/H7N9.”