ຫາງສຽງໂລກ: ພົນເອກ ຫວໍງວຽນຢາບ-ນັກຍຸດທະສາດຜູ້ຍິ່ງໃຫຍ່
(vovworld) - ໃນຊຸມມື້ນີ້, ການນຳຫຼາຍປະເທດຢູ່ໃນໂລກ ແລະ ຫາງສຽງສາກົນສືບຕໍ່ສະແດງຄວາມເສົ້າສະຫຼົດໃຈຕໍ່ການເຖິງແກ່ມໍລະນະກຳຂອງທ່ານພົນເອກ ຫວໍງວຽນຢາບ ແລະ ຍ້ອງຍໍຊົມເຊີຍ ທ່ານເປັນນັກຍຸດທະສາດດ້ານການທະຫານທີ່ຍິ່ງໃຫຍ່, ແມ່ນສັນຍາລັກຂອງນ້ຳໃຈພິລະອາດຫານ.
ໃນໂທລະເລກແປ່ງປັນຄວາມເສົ້າສະຫຼົດໃຈທີ່ສົ່ງເຖິງທ່ານປະທານປະເທດ ເຈືອງເຕີນຊາງ, ທ່ານປະທານາທິບໍດີສ.Algeria Abdelaziz Bouteflika ເນັ້ນໜັກວ່າ ຍາມໃດຊື່ຂອງທ່ານພົນເອກ ກໍ່ຝັງເລິກຢູ່ໃນໃຈຂອງປະຊາຊົນ Algeria. ໃນຂະນະນັ້ນ, ຕອນບ່າຍວັນທີ 07 ຕຸລາ, ບັນດາການນຳພັກປະຊາຊົນປະຕິວັດລາວ ແລະ ລັດລາວ ໄດ້ສົ່ງໂທລະເລກແປ່ງປັນຄວາມເສົ້າສະຫຼົດໃຈເຖິງການນຳຫວຽດນາມ. ໂທລະເລກມີຕອນຂຽນວ່າ: ພົນເອກຫວໍງວຽນຢາບ ຍາມໃດກໍ່ແມ່ນຜູ້ທີ່ມີການປະກອບສ່ວນຢ່າງຕັ້ງໜ້າ, ໃຫຍ່ຫຼວງເຂົ້າໃນການເພີ່ມພູນຄຸນສ້າງ, ສ້າງສາ ແລະ ພັດທະນາການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ - ລາວ. ຄະນະບໍລິການງານສູນກາງພັກປະຊາຊົນປະຕິວັດລາວ ກໍ່ໃຫ້ຮູ້ວ່າ ຈະສົ່ງຄະນະຜູ້ແທນຂັ້ນສູງໂດຍທ່ານເລຂາທິການໃຫຍ່, ປະທານປະເທດລາວ ຈູມມາລີ ໄຊຍະສອນ ເປັນຫົວໜ້າຄະນະມາຫວຽດນາມ ເຂົ້າຮ່ວມງານຊາປະນາກິດສົບພົນອກ ຫວໍງວຽນຢາບ.
ທີ່ La Habana, ນັກຂ່າວຍິງທີ່ມີຊື່ສຽງຂອງກຸຍບາ Marta Rojas, ຜູ້ທີ່ໄດ້ມາຫວຽດນາມ ໃນໄລຍະສົງຄາມຕ້ານອາເມລິກາ ກູ້ຊາດ ເປັນຫຼາຍຄັ້ງ ໄດ້ຢືນຢັນວ່າ ພົນເອກຫວໍງວຽນຢາບ ເປັນແບບຢ່າງທີ່ຍິ່ງໃຫຍ່ ສຳລັບຊາວ ຫວຽດນາມລຸ່ນຕ່າງໆ ແລະ ບັນດາປະເທດທີ່ຮັກຫອມສັນຕິພາບໃນໂລກ.