ໃນສື່ສັງຄົມອອນໄລ X, ທ່ານປະທານາທິບໍດີ ຟີລິບປິນ Ferdinand Marcos Jr. ແຈ້ງໃຫ້ຊາບວ່າ ປະເທດນີ້ໄດ້ຍົກອອກຂໍ້ສະເໜີໜູນຊ່ວຍ ຍີ່ປຸ່ນ ດ້ວຍທຸກວິທີທາງ, ພ້ອມທັງຢັ້ງຢືນຄວາມສາມັກຄີກັບ ຍີ່ປຸ່ນ ຕໍ່ໜ້າບັນດາສິ່ງທ້າທາຍລວມ ເຊິ່ງບັນດາປະເທດນອນໃນວົງແຫວນແຫ່ງໄຟ ປາຊີຟິກ ຕ້ອງປະເຊີນໜ້າ.

        ທ່ານປະທານາທິບໍດີ ສ.ເກົາຫຼີ Yoon Suk Yeol ກໍໄດ້ສົ່ງສານແບ່ງເບົາຄວາມເສົ້າສະຫຼົດໃຈຕໍ່ຜູ້ປະສົບເຄາະຮ້າຍ ພ້ອມດ້ວຍຄອບຄົວ ພາຍຫຼັງເຫດແຜ່ນດິນໄຫວ; ພ້ອມທັງສະແດງໃຫ້ເຫັນຄວາມຫວັງຢາກໜູນຊ່ວຍ ຍີ່ປຸ່ນ ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວດັ່ງກ່າວ.

        ການນຳບັນດາປະເທດ ເອີຣົບ ແລະ ອາເມລິກາ ເໜືອ ກໍສະແດງນ້ຳໃຈສາມັກຄີ ແລະ ພ້ອມແລ້ວທີ່ຈະສົມທົບກັບ ຍີ່ປຸ່ນ ແກ້ໄຂຜົນຮ້າຍຢ້ອນຫຼັງຈາກເຫດແຜ່ນດິນໄຫວນີ້ເຊັ່ນດຽວກັນ. ພາຍຫຼັງເກີດເຫດແຜ່ນດິນໄຫວທັນທີ, ວັນທີ 01 ມັງກອນ, ທ່ານປະທານາທິບໍດີ ອາເມລິກາ Joe Biden ຖະແຫຼງວ່າ ພ້ອມແລ້ວທີ່ຈະສະໜອງທຸກການຊ່ວຍເຫຼືອທີ່ຈຳເປັນໃດໆ ໃຫ້ ຍີ່ປຸ່ນ. ຈາກເອີຣົບ, ທ່ານນາຍົກລັດຖະມົນຕີ ອັງກິດ Rishi Sunak ໃຫ້ຮູ້ວ່າ ປະເທດນີ້ ພ້ອມແລ້ວທີ່ຈະໜູນຊ່ວຍ ຍີ່ປຸ່ນ ແລະ ຍາມໃດກໍຕິດຕາມສະພາບການຢ່າງໃກ້ຊິດ.