ພາບປະກອບ: Reuters

ທ່ານ Jake Sullivan ທີ່ປຶກສາດ້ານຄວາມໝັ້ນຄົງແຫ່ງຊາດ ທຳນຽບຂາວ ຖືວ່າ ລະດັບເພີ່ມປະລິມານນ້ຳມັນຂອງ ບັນດານັກຜະລິດນ້ຳມັນຫຼັກແຫຼ່ງໃນໂລກ ແມ່ນບໍ່ພຽງພໍ ໃນຈຸດເວລາສຳຄັນຄືປັດຈຸບັນ ເມື່ອ ບັນດາພື້ນຖານເສດຖະກິດເລີ່ມຟື້ນຟູພາຍຫຼັງໂລກລະບາດໂຄວິດ - 19. ທ່ານກ່າວເຕືອນວ່າ ຖ້າບໍ່ຄວບຄຸມບັນດາຕະຫຼາດທີ່ມີລັກສະນະແກງແຍ້ງສູງໄດ້, ລາຄານ້ຳມັນສູງຈະມີຄວາມສ່ຽງນາບຂູ່ເຖິງການຟື້ນຟູທົ່ວໂລກ ທີ່ພວມດຳເນີນເຈົ້າໜ້າທີ່ ອາເມລິກາ ທ່ານີ້ໄດ້ຢັ້ງຢືນວ່າ OPEC+ ຕ້ອງມີການກະທຳຢ່າງແຮງກ່ວາອີກ ເພື່ອໜູນຊ່ວຍວິວັດການຟື້ນຟູເສດຖະກິດ.

ແລະກໍ່ໃນວັນທີ 11 ສິງຫາ, ທຳນຽບຂາວໄດ້ມີຄຳສັ່ງຊີ້ນຳຄະນະກຳມະການການຄ້າ ລະຫວ່າງລັດ ຕ້ອງພິຈາລະນາວ່າ ບັນດາການກະທຳແບບພິດກົດໝາຍ ໄດ້ປະກອບສ່ວນເຂົ້າໃນການເຮັດໃຫ້ລາຄານ້ຳມັນຢູ່ ອາເມລິກາ ເພີ່ມຂຶ້ນສູງກ່ວາຫຼືບໍ່. ໃນເດືອນກໍລະກົດທີ່ຜ່ານມາ, OPEC+ ໄດ້ຖະແຫຼງວ່າ 23 ປະເທດສະມາຊິກຂອງ ກຸ່ມ ໄດ້ເຫັນດີເປັນເອກະພາບວ່າ ນັບແຕ່ເດືອນສິງຫາ ຫາເດືອນທັນວາ ຈະສະໜອງນ້ຳມັນໃຫ້ແກ່ຕະຫຼາດຕື່ມອີກ 2 ລ້ານຖັງ/ວັນ. OPEC+ ກໍ່ເຫັນດີເປັນເອກະພາບ ຈະແກ່ຍາວຂໍ້ຕົກລົງໂຍະຍານການຫຼຸດຜ່ອນປະລິມານຈົນຮອດທ້າຍປີ 2022, ແທນທີ່ທ້າຍເດືອນ ເມສາ ປີ 2022 ຕາມແຜນການກ່ອນນັ້ນ.