ແຂວງກວາງນີງກະກຽມຜັນຂະຫຍາຍໂຄງການທ່າກຳປັ່ນທະເລມີມູນຄ່າ128ລ້ານUSD
ພາບປະກອບ
(vovworld) – ຕອນບ່າຍວັນທີ 24/12, ຄະນະກຳມະການປະຊາຊົນແຂວງ ກວາງນີງ ໄດ້ມອບໃບຢັ້ງຢືນລົງທຶນໃຫ້ໂຄງການກໍ່ສ້າງ, ດຳເນີນທຸລະກິດພື້ນຖານໂຄງລ່າງດ້ານເຕັກນິກສຳລັບເຂດອຸດສາຫະກຳ ແລະ ທ່າກ່ຳປັ່ນ ນາມຕ່ຽນຟອງ, ເດີ່ມຍ່າມາກ (ຂຶ້ນກັບເທດສະບານເມືອງ ກວາງອຽນ). ນີ້ແມ່ນໂຄງການໂດຍຕ່າງປະເທດລົງທຶນ 100% ແລະ ບໍລິສັດຫຸ້ນສ່ວນອຸດສາຫະກຳ ຕ່ຽນຟອງ ເປັນເຈົ້າຂອງລົງທຶນ (ເຊິ່ງແມ່ນບໍລິສັດຮ່ວມທຸລະກິດລະຫວ່າງ: ບໍລິສັດ Rent A Port, ບໍລິສັດ Infra Asia Investment Limited - ຮົງກົງ ແລະ ບໍລິສັດ International Port Engineering and Manafement - ແບນຊິກ). ໂຄງການໄດ້ຮັບການກໍ່ສ້າງໃນເນື້ອທີດິນ 487 ha, ເພື່ອແນໃສ່ສ້າງເຂດອຸດສາຫະກຳສຸມໃສ່, ຕອບສະໜອງຄວາມຮຽກຮ້ອງຕ້ອງການຕ້ອນຮັບບັນດາໂຄງການຂອງຂະແໜງຜະລິດອຸດສາຫະກຳ, ເຕົ້າໂຮມບັນດາເງື່ອນໄຂຢ່າງຄົບຖ້ວນກ່ຽວກັບດ້ານພື້ນຖານໂຄງລ່າງເຕັກນິກທີ່ທັນສະໄໝ, ຄົບຊຸດ, ພັດທະນາແບບຍືນຍົງ ແລະ ບໍ່ກໍ່ມົນລະຜິດເຖິງສິ່ງແວດລ້ອມ.