ແຂວງຢາລາຍ ຈັດຕັ້ງວັນບຸນບໍລິຈາກເລືອດ “ຢາດເລືອດເຂດພູພຽງ”
(VOVWORLD) -ວັນທີ 3 ກໍລະກົດ, ຢູ່ນະຄອນ Pleiku, ຄະນະຊີ້ນຳການຂົນຂວາຍບໍລິຈາກເລືອດດ້ວຍຄວາມສະໝັກໃຈ ແຂວງຢາລາຍໄດ້ຈັດວັນບຸນບໍລິຈາກເລືອດ “ຢາດເລືອດເຂດພູພຽງ”.
 ຄະນະຊີ້ນຳຂົນຂວາຍການບໍລິຈາກເລືອດດ້ວຍຄວາມສະໝັກໃຈແຂວງ ຢາລາຍມອບໃບຍ້ອງຍໍໃຫ້ ໝູ່ຄະນະ, ຄອບຄົວ ແລະ ສ່ວນບຸກຄົນ ທີ່ມີຜົນງານດີເດັ່ນໃນການບໍລິຈາກເລືອດດ້ວຍຄວາມສະໝັກໃຈ |
ວັນບຸນບໍລິຈາກເລືອດ “ຢາດເລືອດເຂດພູພຽງ” ແມ່ນການເຄື່ອນໄຫວຕອບສະໜອງໂຄງການບໍລິຈາກເລືອດ “ຂະບວນການແດງ - ເຊື່ອມຕໍ່ສາຍເລືອດຫວຽດ” ຄັ້ງທີ IX ປີ 2021 ຂອງຄະນະຊີ້ນຳແຫ່ງຊາດກ່ຽວກັບການຂົນຂວາຍບໍລິຈາກເລືອດດ້ວຍຄວາມສະໝັກໃຈ. ໂຄງການໄດ້ດຳເນີນໃນລະຫວ່າງວັນທີ 9 ມິຖຸນາ ຫາ ວັນທີ 8 ສິງຫາຢູ່ 44 ແຂວງ, ນະຄອນໃນທົ່ວປະເທດ, ຄາດວ່າ ໂຄງການຈະຮັບໄດ້ເລືອດ 100.000 ຖົງ. ນີ້ແມ່ນຄັ້ງທີ 6 ທີ່ແຂວງ ຢາລາຍໄດ້ເຂົ້າຮ່ວມໂຄງການນີ້.
ປີນີ້, ຄະນະຊີ້ນຳຂົນຂວາຍການບໍລິຈາກເລືອດດ້ວຍຄວາມສະໝັກໃຈແຂວງ ຢາລາຍໄດ້ຕັ້ງເປົ້າໝາຍຈະຂົນຂວາຍ ແລະ ຮັບເລືອດຢ່າງໜ້ອຍສຸດ 600 ຖົງ. ເນື່ອງໃນໂອກາດນີ້, ຄະນະຊີ້ນຳຂົນຂວາຍການບໍລິຈາກເລືອດດ້ວຍຄວາມສະໝັກໃຈ ແຂວງຢາລາຍ ໄດ້ມອບໃບຍ້ອງຍໍໃຫ້ 27 ໝູ່ຄະນະ, 4 ຄອບຄົວ ແລະ ສ່ວນບຸກຄົນ 41 ຄົນທີ່ມີຜົນງານດີເດັ່ນໃນວຽກງານບໍລິຈາກເລືອດດ້ວຍຄວາມສະໝັກໃຈ.