(VOVWORLD) - ວັນທີ 28 ພຶດສະພາ, ແອັດສະປາຍ, ນອກແວ ແລະ ອຽກລັງ ໄດ້ຮັບຮອງລັດ ປາແລັດສະຕິນ ຢ່າງເປັນທາງການ. ສາມປະເທດ ເອີຣົບ ຖືວ່າ ການກະທຳຂອງເຂົາເຈົ້າຈະສົ່ງເສີມບັນດາປະເທດອື່ນປະຕິບັດຕາມ.
 ລັດຖະມົນຕີການຕ່າງປະເທດ ແອັດສະປາຍ, ນອກແວ ແລະ ອຽກລັງ (ພາບ: Reuters) |
ທ່ານລັດຖະມົນຕີການຕ່າງປະເທດ ນອກແວ Espen Barth Eide ເນັ້ນໜັກວ່າ ນີ້ແມ່ນ “ວັນພິເສດໃນການພົວພັນ ລະຫວ່າງ ນອກແວ - ປາແລັດສະຕິນ”. ຕາມທ່ານລັດຖະມົນຕີການຕ່າງປະເທດ ນອກແວ ແລ້ວ, ນອກແວແມ່ນໜຶ່ງໃນບັນດາປະເທດສະໜັບສະໜູນລັດ ປາແລັດຕິນ ໃນໄລຍະກວ່າ 30 ປີຜ່ານມາ.
ໂຄສົກລັດຖະບານ ແອັດສະປາຍ, ທ່ານ Pilar Alegria ກໍໄດ້ຢັ້ງຢືນວ່າ ຄະນະລັດຖະບານປະເທດນີ້ ຮັບຮອງເອົາຂໍ້ຕົກລົງວ່າດ້ວຍການຮອງຮັບລັດ ປາແລັດສະຕິນ ຢ່າງເປັນທາງການ, ຖືນີ້ “ແມ່ນວັນປະຫວັດສາດ”.
ສ່ວນຝ່າຍ ອຽກລັງ, ດ້ວຍເລື່ອງຮັບຮອງລັດ ປາແລັດສະຕິນ, ປະເທດນີ້ຮຽກຮ້ອງໃຫ້ສິ້ນສຸດການປະທະກັນລະຫວ່າງ ຮາມາດສ - ອິດສະຣາແອັນ ເພື່ອສິ້ນສຸດວິນາດສະກຳມະນຸດສະທຳຢູ່ເຂດ ກາຊາ.