(vovworld)- ປະຊາຄົມອາຊຽນໄດ້ຮັບການສ້າງຕັ້ງຂຶ້ນໃນວັນທີ 31/12/2015 ແລະ ການປະກອບສ່ວນບໍ່ແມ່ນຫນ້ອຍເຂົ້າໃນການໂຄສະນາ, ຊຸກຍູ້ວິວັດການສ້າງປະຊາຄົມອາຊຽນ ແມ່ນບົດບາດຂອງສະຫະສະມາຄົມບັນດານັກຂ່າວໃນພາກພື້ນ. ພິເສດ ການຮ່ວມສຳພັນຮ່ວມມື, ໂຄສະນາລະຫວ່າງບັນດາສະມາຊິກ ສະຫະພັນບັນດານັກຂ່າວ ອາຊຽນ (CAJ) ໄດ້ຊ່ວຍໃຫ້ປະຊາຊົນໃນພາກພື້ນຫຍັບມໍ່ໃກ້ກັນກວ່າພາຍໃຕ້ຊາຍຄາອາຊຽນ ຊື່ງພົ້ນເດັ່ນແມ່ນການຮ່ວມມືລະຫວ່າງສະມາຄົມນັກຂ່າວຫວຽດນາມ (VJA) ແລະ ສະມາພັນບັນດານັກຫນັງສືພິມແຫ່ງປະເທດໄທ(CTJ). ນີ້ໄດ້ຮັບຖືວ່າແມ່ນແບບຢ່າງແຫ່ງການຮ່ວມມືຂອງສະຫະສະມາຄົມບັນດານັກຂ່າວໃນພາກພື້ນ.
ກອງປະຊຸມສະຫະພັນບັນດານັກຂ່າວ ອາຊຽນຄັ້ງທີ 18
ພາບ:baodulich
|
ປີ 1993, ສະມາຄົມນັກຂ່າວຫວຽດນາມ ແລະ ສະມາພັນບັນດານັກຫນັງສືພິມແຫ່ງປະເທດໄທ ໄດ້ສ້າງຕັ້ງການພົວພັນສອງຝ່າຍ. ໃນ 20 ກວ່າປີຜ່ານມາ, ການພົວພັນລະຫວ່າງ VJA ແລະ CTJ ໄດ້ມີບາດກ້າວພັດທະນາຢ່າງເລິກເຊິ່ງ ແລະ ກວ້າງຂວາງ ໃນຂົງເຂດສອງຝ່າຍ ແລະ ຫລາຍຝ່າຍ. ໃນຂົງເຂດສອງຝ່າຍ, ເດືອນ 3/1996 ສະມາຄົມນັກຂ່າວຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະຫະພັນບັນດານັກຂ່າວອາຊຽນ ຢ່າງເປັນທາງການ. ຜ່ານ ສະຫະພັນບັນດານັກຂ່າວອາຊຽນ, ສະມາຄົມນັກຂ່າວຫວຽດນາມ ມີກາລະໂອກາດເປີດກວ້າງການຮ່ວມມືກັບບັນດາສະມາຄົມນັກຂ່າວໃນພາກພື້ນ, ໃນນັ້ນ ມີ CTJ. ດ້ວຍຖານະເປັນສະມາຊິກຂອງ CAJ, VJA ແລະ CTJ ພ້ອມກັບບັນດາສະມາຊິກໄດ້ຮັບຮອງເອົາຖະແຫລງການຮ່ວມສຳຄັນຫລາຍສະບັບຄື: ຖະແຫລງການມານີລາ, ຖະແຫລງການຮ່າໂນ້ຍ… ສຳລັບ ຖະແຫລງການຮ່າໂນ້ຍ ທີ່ກອງປະຊຸມຄະນະອຳນວຍການ CAJ ດຳເນີນໃນເດືອນ 9/2014, VJA, CTJ ແລະ ສະຫະສະມາຄົມນັກຂ່າວໃນພາກພື້ນ ໄດ້ສະຫນັບສະຫນູນການສ້າງຕັ້ງຂອງປະຊາຄົມອາຊຽນ ດ້ວຍການເພີ່ມທະວີຄວາມສາມັກຄີ ແລະ ສະຖຽນລະພາບ, ຜ່ານການໃຫ້ຂ່າວຢ່າງຖືກຕ້ອງ, ເພີ່ມທະວີການບຳລຸງສ້າງ, ແລກປ່ຽນບົດຮຽນ ກໍຄືແລກປ່ຽນຄະນະນັກຂ່າວເພື່ອພ້ອມກັນພັດທະນາພາກພື້ນ, ຍົກສູງບົດບາດຂອງ CAJ ຢູ່ແຕ່ລະປະເທດ ໃນພາກພື້ນ ອາຊຽນ ແລະ ໃນໂລກ. ໃນຂົງເຂດສອງຝາຍ, VJA ແລະ CTJ ໄດ້ຈັດຕັ້ງການແລກປ່ຽນຄະນະຜູ້ແທນທຸກຂັ້ນຢ່າງລຽນຕິດ ແລະ ຮ່ວມມືນຳກັນຢ່າງແຫນ້ນແຟ້ນ. ທ່ານ ຮ່າມີງເຫ້ວ, ອະດີດຮອງປະທານປະຈຳການ, ທີ່ປຶກສາການພົວພັນຕ່າງປະເທດ ສະມາຄົມນັກຂ່າວຫວຽດນາມ ໃຫ້ຮູ້ວ່າ:
“ບັນດານັກຂ່າວ ເຖິງວ່າຢູ່ປະເທດໃດກໍເຂົ້າໃຈເຊິ່ງກັນ ແລະກັນ, ມີຄວາມໃກ້ຊິດສະຫນິດສະຫນົມ ພິເສດ ຢູ່ ພາກພື້ນ ອາຊຽນ. ສະເພາະສະມາຄົມນັກຂ່າວ ຫວຽດນາມ ແລະ ສະມາພັນນັກຫນັງສືພິມແຫ່ງປະເທດໄທ ໄດ້ສ້າງການພົວພັນສອງຝ່າຍ ສະນັ້ນ ບັນດາການເຄື່ອນໄຫວຢ່າງແຫນ້ນແຟ້ນກວ່າ, ມີການຈັດຕັ້ງກວ່າ. ການນຳສອງສະມາຄົມໄດ້ພົບປະແລກປ່ຽນເປັນປະຈຳເພື່ອຊຸກຍູ້ລາຍການຢ່າງແຫນ້ນແຟ້ນກວ່າ. ນອກນັ້ນ ສະມາພັນນັກຫນັງສືພິມແຫ່ງປະເທດໄທ ໄດ້ຈັດຕັ້ງຊຸດພາສາຫວຽດ 2 ຊຸດສະຫງວນໃຫ້ແກ່ນັກຂ່າວໄທ ແລະ ສະມາຄົມນັກຂ່າວຫວຽດນາມ ກໍໄດ້ຮັບນັກຂ່າວໄທຜູ້ທີ່ຮຽນພາສາ ຫວຽດເກັ່ງສຸດ ມາບຳລຸງຢູ່ຫວຽດນາມ.”
ບັນດາການເຄື່ອນໄຫວແລກປ່ຽນ, ເພີ່ມທະວີການຮ່ວມໂຄສະນາລະຫວ່າງ ຫວຽດນາມ ແລະ ໄທ ນັບມື້ນັບເລິກເຊິ່ງກວ້າງຂວາງ ແລະ ພັດທະນາ, ພິເສດ ເມື່ອສອງປະເທດຍົກການພົວພັນຂຶ້ນສູ່ລະດັບຄູ່ຮ່ວມມືຍຸດທະສາດເມື່ອເດືອນ 6/2013 ເນື່ອງໃນໂອກາດການໄປຢ້ຽມຢາມໄທຂອງທ່ານເລຂາທິການໃຫຍ່ ຫງວຽນຟູຈ້ອງ. ທ່ານຊາວະຣົງ ລີ້ມປັດມະປະນີ ທີ່ປຶກສາ ສະມາພັນນັກຫນັງສືພິມແຫ່ງປະເທດໄທ ໃຫ້ຮູ້ວ່າ:
ສຽງທ່ານ ຊາວະຣົງ
ທີ່ກອງປະຊຸມສະມັດຊາໃຫຍ່ ສະຫະພັນບັນດານັກຂ່າວ ອາຊຽນ ຄັ້ງທີ 18 ຈັດຂຶ້ນຢູ່ ຫວຽດນາມ, VJA ແລະ CTJ ໄດ້ລົງນາມໃນບົດບັນທຶກຊ່ວຍຈຳການຮ່ວມມື (MOU), ບົນຈິດໃຈສືບຕໍ່ຍູ້ແຮງບັນດາການເຄື່ອນໄຫວ, ໃນນັ້ນ ມີການຈັດຕັ້ງບັນດາຊຸດແລກປ່ຽນ, ບຳລຸງວິຊາສະເພາະ. ຕາມທ່ານ ຊາວະຣົງ ລີ້ມປັດມະປະນີ ນີ້ແມ່ນຂີດໝາຍສຳຄັນແຫ່ງການຮ່ວມມືຢ່າງແຫນ້ນແຟ້ນ ແລະ ເລິກເຊິ່ງກວ້າງຂວາງລະຫວ່າງສອງຝ່າຍ.
ສຽງທ່ານ ຊາວະຮົງ
ຜ່ານບັນດາການເຄື່ອນໄຫວແລກປ່ຽນ, ຮ່ວມມື ແລະ ຜ່ານບັນດາບົດຫນັງສືພິມ, ສິ່ງພິມທີ່ລົງພິມໃນລະບົບສື່ມວນຊົນຢູ່ແຕ່ລະປະເທດ, VJA ແລະ CTJ ໄດ້ປະກອບສ່ວນສຳຄັນຊ່ວຍໃຫ້ປະຊາຊົນສອງປະເທດ ຫວຽດນາມ ແລະ ໄທ ຫຍັບເຂົ້າໃກ້ກັນກວ່າ ກໍຄື ປະກອບສ່ວນໂຄສະນາ ສ້າງປະຊາຄົມອາຊຽນສັນຕິພາບ, ສະຖຽນລະພາບ ແລະ ພັດທະນາ.