ໃນອາທິດຜ່ານມາ, ລາຍການພາກພາສາລາວ, ວິທະຍຸກະຈາຍສຽງ ຫວຽດນາມ, ໄດ້ຮັບໂທລະສັບ, ອີແມວ, ຈົດໝາຍຈາກຜູ້ຟັງລາວ ທີ່ສົ່ງມາລາຍການ. ໃນລາຍການ “ໂອ້ລົມກັບເພື່ອນລາວ” ມື້ນີ້, ພວກເຮົາຂໍຄັດສະເໜີບາງເນື້ອໃນຈົດໝາຍ ແລະ ຕອບບາງຄຳຖາມເຊິ່ງທ່ານຜູ້ຟັງໄດ້ຝາກມາລາຍການ. ເຊີນທ່ານຕິດຕາມຮັບຟັງ.
ໃນອາທິດຜ່ານມາ, ເພື່ອນ ເພັດສະຫວັນ ສົມສະນິດ ຢູ່ ແຂວງ ບໍລິຄຳໄຊ ໄດ້ໂທລະສັບຫາລາຍການໂດຍຖາມວ່າ: ຂ້າພະເຈົ້າເປັນລູກຫຼານຊາວ ຫວຽດນາມ ທີ່ ພວມດຳລົງຊີວິດ ແລະ ຮ່ຳຮຽນຢູ່ ລາວ. ຂ້າພະເຈົ້າເຄີຍຕິດຕາມຮັບຟັງລາຍການພາກພາສາ ລາວ ໂດຍຜ່ານ ວິທະຍຸ ແລະ ເວັບໄຊ vovworld.vn. ຂ້າພະເຈົ້າໄດ້ຮູ້ວ່າ: ສະຖານທູດ ຫວຽດນາມ ປະຈຳ ລາວ, ສະມາຄົມໃຫຍ່ຊາວ ຫວຽດນາມ ປະຈຳ ລາວ ຈັດຕັ້ງພິທີມອບທຶນສຶກສາໃຫ້ລູກຫລານຊາວ ຫວຽດນາມ ອາໄສຢູ່ ລາວ ໄປຮ່ຳຮຽນຢູ່ ຫວຽດນາມ. ດັ່ງນັ້ນ ຂ້າພະເຈົ້າ ຂໍໃຫ້ທາງລາຍການແນະນຳເພີ່ມເຕີມກ່ຽວກັບໂຄງການມອບທຶນສຶກສາໃຫ້ລູກຫລານຊາວ ຫວຽດນາມ ອາໄສຢູ່ ລາວ. ຂໍຂອບໃຈ.
***
(ພິທີມອບທຶນສຶກສາໃຫ້ລູກຫລານຊາວຫວຽດນາມ
ອາໄສຢູ່ລາວໄປຮ່ຳຮຽນຢູ່ຫວຽດນາມ)
ເພື່ອນ ເພັດສະຫວັນ ສົມສະນິດ ທີ່ຮັກແພງ, ນີ້ແມ່ນໂຄງການຫັນສັນຍາຮ່ວມມື 2 ຝ່າຍກ່ຽວກັບການສຶກສາ ແລະ ບຳລຸງສ້າງລະຫວ່າງ 2 ລັດຖະບານ ລາວ ແລະ ຫວຽດນາມ 2015 – 2016 ແລະ ແຜນການຮ່ວມມືການສຶກສາ ແລະ ພັດທະນາແຫຼ່ງຊັບພະຍາກອນມະນຸດປີ 2015 – 2016 ລະຫວ່າງ 2 ກະຊວງສຶກສາ - ບຳລຸງສ້າງ ແລະ ກະຊວງສຶກສາ, ກິລາ ລາວ ໃຫ້ເປັນລະອຽດ. ຕາມຄາດໝາຍທຶນສຶກສາຂອງສັນຍາຮ່ວມມື 2 ຝ່າຍກ່ຽວກັບການສຶກສາ ແລະ ບຳລຸງສ້າງລະຫວ່າງ 2 ລັດຖະບານ ລາວ ແລະ ຫວຽດນາມ, ສົກຮຽນ 2015 – 2016 ແລ້ວ, ລັດຖະບານ ຫວຽດນາມ ໄດ້ສະຫງວນໃຫ້ ລາວ 1.000 ທຶນສຶກສາ, ໃນນັ້ນມີ 30 ທຶນສະຫງວນໃຫ້ນັກຮຽນເປັນລູກຫຼານຊາວ ຫວຽດນາມ ທີ່ອາໄສຢູ່ ລາວ ລວມມີ: ຊັ້ນປະລິນຍາໂທ 3 ທຶນ, ຊັ້ນປະລິນຍາຕີ 27 ທຶນ. ໃນການປະຕິບັດງານຢູ່ ລາວ ໃນເດືອນ 09/2015 ຜ່ານມາ, ພາຍຫລັງໄດ້ຮັບຟັງບົດລາຍງານຂອງສະຖານທູດ ຫວຽດນາມ ປະຈຳ ລາວ ກ່ຽວກັບໝາກຜົນແຫ່ງການຜັນຂະຫຍາຍ 30 ທຶນສຶກສາດັ່ງກ່າວ ກໍ່ຄືຄວາມຮຽກຮ້ອງຕ້ອງການຮ່ຳຮຽນ ຢ່າງຫລວງຫລາຍຂອງຊາວ ຫວຽດນາມ ຢູ່ ລາວ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ໋ນຢຸງ ໄດ້ຕົກລົງສະຫງວນທຶນສຶກສາເພີ່ມ 62 ທຶນໃຫ້ລູກຫຼານຊາວ ຫວຽດນາມ ອາໄສຢູ່ ລາວ ທີ່ໄດ້ຈົດທະບຽນໄປຮ່ຳຮຽນຢູ່ ຫວຽດນາມ ລວມມີ: ຊັ້ນປະລິນຍາເອກ 1 ທຶນ, ຊັ້ນປະລິນຍາໂທ 2 ທຶນ ສ່ວນຍັງເຫຼືອແມ່ນຊັ້ນປະລິນຍາຕີ.
+++
ສ່ວນໃນອີແມວຂອງເພື່ອນ ວິໄລສະຫວັນ ແກ້ວພິລາວັນ ຢູ່ນະຄອນຫລວງ ວຽງຈັນ ຂຽນວ່າ: ຂ້າພະເຈົ້າໄດ້ຮູ້ວ່າ ຢູ່ ຫວຽດນາມ, ຕົ້ນປີແມ່ນໄລຍະເວລາທີ່ມີຫລາຍງານບຸນທີ່ສຸດໃນປີ ແລະ ກໍ່ແມ່ນໄລຍະທີ່ປະຊາຊົນເຂົ້າຮ່ວມງານບຸນຢ່າງຫລວງຫລາຍ. ຂ້າພະເຈົ້າ ຂໍໃຫ້ລາຍການແນະນຳບາງງານບຸນໃຫຍ່ຕົ້ນປີຂອງ ຫວຽດນາມ. ຂໍຂອບໃຈ.
***
(ງານບຸນພື້ນເມືອງໂນນ ດົງດາ)
. ເພື່ອນ ວິໄລສະຫວັນ ແກ້ວພິລາວັນ ທີ່ຮັກແພງ, ກ່ອນອື່ນໝົດ ພວກເຮົາຂໍຂອບໃຈເພື່ອນທີ່ໄດ້ສົ່ງອີແມວຫາລາຍການ. ປະຈຸບັນ ຫວຽດນາມ ມີປະມານກ່ວາ 8900 ງານບຸນ ໃນນັ້ນມີກ່ວາ 7000 ງານບຸນພື້ນເມືອງ. ບັນດາງານບຸນນີ້ ພໍ່ພຽງແຕ່ປະກອບສ່ວນອະນຸລັກຮັກສາ ແລະ ເສີມຂະຫຍາຍວັດທະນະທຳທີ່ເປັນມູນເຊື້ອ ເທົ່ານັ້ນ ຫາກຍັງແມ່ນຊັບສົບບັດວັດທະນະທຳບໍ່ມີຮູບຮ່າງຊອງຊາວ ຫວຽດນາມ ອີກ ດ້ວຍ. ໃນບັນດາງານບຸນໃຫຍ່ທີ່ຈັດຕັ້ງພາຍຫລັງບຸນປີໃໝ່ປະຈຳຊາດ ແລະ ມີປະຊາຊົນຈຳນວນຫລວງຫລາຍເຂົ້າຮ່ວມນັ້ນມີ: ງານບຸນ ຕີກດຽນ (ໝາຍຄວາມວ່າ ລົງທົ່ງໄຖນາ) ດ້ອຍເຊີນ ຢູ່ເມືອງ ຢີຕຽນ ແຂວງ ຮ່ານາມ ແມ່ນມີມາແຕ່ສັດຕະວັດທີ 10 ດ້ວຍຈຸດປະສົງສົ່ງເສີມກະສິກຳ, ແມ່ນການເຄື່ອນໄຫວກັບຄືນສູ່ກົກເຄົ້າເຫງົ້າກໍ; ງານບຸນ ວັດເຮືອງ ຢູ່ຕາແສງ ເຮືອງເຊີນ ເມືອງ ໝີດຶກ ຮ່າໂນ້ຍ ນີ້ແມ່ນງານບຸນທີ່ດຶງດູດຄວາມເອົາໃຈໃສ່ຫລາຍສຸດຈາກປະຊາຊົນທົ່ວປະເທດ ເຊິ່ງຖືກຈັດຕັ້ງພາຍຫລັງບຸນປີໃໝ່ປະຈຳຊາດ ແລະ ກໍ່ແມ່ນງານບຸນໄດ້ຈັດຕັ້ງຍາວທີ່ສຸດແຕ່ເດືອນ 1 - ເດືອນ 3 (ໄລຕາມຈັນທະປະຕິທິນ); ງານບຸນ ໂນນ ດົງດາ ດ້ວຍຄວາມໝາຍສະແດງຄວາມຮູ້ບຸນຄຸນ ຕໍ່ວິລະຊົນຊາວນາຂອງ ຫວຽດນາມ ກວາງຈູງ ຜູ້ທີ່ໄດ້ບັນຊາປະຊາຊົນຕີເອົາຊະນະເສິກຕ່າງດ້າວເມື່ອປີ 1789; ງານບຸນ ຢອງຟູດົ໋ງ ແມ່ນອາໄລຫາ ຄຸນງາມຄວາມດີຂອງ ຟູດົງທຽນເວືອງ (ແທ໋ງຢອງ) ຖືກຈັດຂຶ້ນປະຈຳປີຢູ່ຕາແສງ ຟູດົງ ເມືອງ ຢາເລີມ ຮ່າໂນ້ຍ ຊຶ່ງແມ່ນແຫ່ງກຳເນີດວິລະຊົນເທບນິຍາຍ “ຟູດົງທຽນເວືອງ”. ນອກນັ້ນຍັງມີບາງງານບຸນໃຫຍ່ຄື: ງານບຸນ ອຽນຕື ຢູ່ແຂວງ ກວາງນີງ, ງານບຸນ ຫຼີມ ຢູ່ແຂວງ ບັກນີງ, ງານບຸນ ກົນເຊີນ ຢູ່ແຂວງ ຫາຍເຢືອງ, ງານບຸນ ວິຫານເຈີ່ນ ຢູ່ແຂວງ ນາມດິງ, ງານບຸນ ວັດແກ້ວ ຢູ່ແຂວງ ທ໋າຍບີງ ແລະ ຍັງມີຫລາຍງານບຸນອື່ນໆອີກ…
+++
ດັ່ງທີ່ກ່າວມາຂ້າງເທິງແມ່ນເນື້ອໃນຄຳເຫັນ ແລະ ຄຳຖາມຂອງຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ. ຖ້າຫາກ ຜູ້ຟັງ, ຜູ້ອ່ານທ່ານໃດມີຄວາມສົນໃຈຕໍ່ບັນຫາໃດໜຶ່ງ, ກໍ່ສາມາດຝາກຈົດໝາຍມາຍັງລາຍການພວກເຮົາໄດ້ເລີຍໂດຍຈ່າໜ້າຊອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com, laovov5@gmail.com