ເຄື່ອງໝາຍງານບຸນອອກແບບປະດິດຄິດສ້າງ ຮ່າໂນ້ຍ ປີ 2024

    ໂດຍສືບຕໍ່ຜົນສຳເລັດຈາກງານບຸນອອກແບບປະດິດຄິດສ້າງ ຮ່າໂນ້ຍ ປີ 2022, 2023, ງານບຸນອອກແບບປະດິດຄິດສ້າງ ຮ່າໂນ້ຍ ປີ 2024 ສືບຕໍ່ປຸກລຸກຈິດໃຈປະດິດຄິດສ້າງຂອງແຕ່ລະຄົນເປັນຕົ້ນແມ່ນໄວໜຸ່ມ ກ່ຽວກັບບັນດາຂໍ້ລິເລີ່ມ, ແນວຄວາມຄິດປະດິດຄິດສ້າງໃໝ່. ດ້ວຍຫົວຂໍ້ “ເສັ້ນທາງປະດິດຄິດສ້າງ” ປັນຄັ້ງທຳອິດທີ່ງານບຸນແນະນຳຮູບແບບຄົ້ນຫາໃໝ່ມຸ່ງໄປສູ້ມວນຊົນ ນັ້ນແມ່ນຈັດສັນເຂດງານບຸນຕາມເສັ້ນທາງ, ຊ່ວຍເປີດກິດຈະກຳປະດິດຄິດສ້າງປະຫວັດສາດຜ່ານຫຼາຍລຸ້ນຄົນຕິດພັນກັບບັນດາກິດຈະກຳມໍລະດົກທີ່ເປັນເອກະລັກຂອງ ຮ່າໂນ້ຍ    ເຂດຈັດງານບຸນອອກແບບປະດິດຄິດສ້າງ ຮ່າໂນ້ຍ ປີ 2024 ລວມມີບັນດາກິດຈະກຳສະຖາປັດຕະຍະກຳທີ່ພົ້ນເດັ່ນຄື ຫໍອະນຸຊົນ ຮ່າໂນ້ຍ, ເຮືອນຮັບແຂກລັດຖະບານ, ໂຮງລະຄອນໃຫຍ່, ຫໍພິພິທະພັນປະຫວັດສາດແຫ່ງຊາດ, ມະຫາວິທະຍາໄລສັງລວມ… ຕາມນັ້ນແລ້ວ ເຮືອນຮັບແຂກລັດຖະບານເປັນຄັ້ງທຳອິດເປີດປະຕູຕ້ອນຮັບແຂກເຂົ້າມາຢ້ຽມຊົນ, ບັນດາລາຍການຢ້ຽມຊົມໂຮງລະຄອນໃຫຍ່, ມະຫາວິທະຍາໄລສັງລວມໄດ້ຖືກນຳເຂົ້າເຄື່ອນໄຫວ.  ທ່ານ ຟ້າມຕ໊ວນລອງ ປະທານຄະນະກຳມະການປະຊົນເມືອງ ຮວ່ານກ໊ຽມ ຮ່າໂນ້ຍ ຖືວ່າ:

 “ເມືອງ ຮວ່ານກ໊ຽມ ແມ່ນເມືອງໃຈກາງຂອງນະຄອນຫຼວງແຫ່ງປະຫວັດສາດ ແລະ ມີບັນດາເຂດຕົວເມືອງມໍລະດົກທີ່ເປັນເອກະລັກຄື ໜອງຮວ່ານກ໊ຽມ, ຄຸ້ມຖະໜົນເກົ່າ ແລະ ມີຫຼາຍກິດຈະກຳສະຖາປັດຕະຍະກຳຂອງຊາວ ຝຣັ່ງ ກໍ່ສ້າງໃນຕົ້ນສະຕະວັດທີ XX”.

ມີຫຼາຍກິດຈະກຳປະດິດຄິດສ້າງຖືກຈັດຂຶ້ນ ຢູ່ເຂດກາຍເປັນການສົນທະນາລະຫວ່າງບັນດາກິດຈະກຳປະຫວັດສາດ ດ້ວຍບັນດາແນວຄວາມຄິດປະດິດຄິດສ້າງທີ່ທັນສະໄໝ. ນີ້ແມ່ນປະຖົມປັດໄຈ ເພື່ອຊຸກຍູ້ນະຄອນຫຼວພັດທະນາໃຫ້ກາຍເປັນສູນກາງປະດິດຄິດສ້າງຂອງທົ່ວປະເທດ. ທ່ານ ຫງວຽນຮົ່ງກວາງ ນັກສະຖາປະນິກໃຫຍ່ຂອງງານບຸນອອກແບບປະດິດຄິດສ້າງ ຮ່າໂນ້ຍ  ໃຫ້ຮູ້ວ່າ:

“ເມື່ອພວກຂ້າພະເຈົ້າເລືອກເອົາ 7 ກຸ່ມກິດຈະກຳມໍລະດົກສະຖາປັດຕະຍະກຳນັ້ນ ໄດ້ສ້າງເປັນສອງສາຍທາງ ນັ້ນແມ່ນສາຍທາງ ຈ່າງຕ່ຽນ ແລະ ຫຼີຖາຍໂຕ໊ ແລະ ເລແທັ໊ງຕົງ ສ່ວນຢູ່ເຄິ່ງກາງແມ່ນຈຸດຊຸມທາງ ແກັກມ້າງຖາງຕ໊າມ ເພື່ອໃຫ້ພວກເຮົາສຳພັດກັບບັນດາມໍລະດົກທີ່ເປັນໜ້າປະທັບໃຈ”.

ໃນຂອບເຂດງານບຸນກໍ່ດຳເນີນປະມານເກືອບ 100 ກິດຈະກຳປະດິດຄິດສ້າງ. ຈຸດທີ່ພົ້ນເດັ່ນແມ່ນກິດຈະກຳທີ່ເປັນສັນຍາລັກຈັດສັນຮູບແບບເຂດປະດິດຄິດສ້າງ, ການເຄື່ອນໄຫວວາງສະແດງ, ສະແດງສິລະປະ ແລະ ຄົ້ນຫາຕ່າງໆ ພ້ອມກັບການຈັດກອງປະຊຸມສຳມະນາ ການໂອ້ລົມສົນທະນາເຊິ່ງມີການເຂົ້າຮ່ວມຂອງນັກຊ່ຽວຊານທັງຢູ່ພາຍໃນ ແລະ ຕ່າງປະເທດ. ທ່ານນາງ ຫງວຽນທິເລະກວຽນ ຜູ້ອຳນວຍຍການສູນສົ່ງເສີມໂຄສະນາມໍລະດົກວັດທະນະທຳທີ່ເປັນບໍ່ເປັນວັດຖຸ ຫວຽດນາມ ໃຫ້ຮູ້ວ່າ:

   “ໃນງານບຸນປີນີ້ ພວກຂ້າພະເຈົ້າສະແດງບົດລະຄອນທິເມົ່າ ໂດຍອີງໃສ່ບົດລະຄອນແຈ່ວເກົ່າ ກວານເອິມທິກິ໊ງ. ນີ້ແມ່ນຜະລິດຕະພັນໃນຂົງເຂດການສຶກສາວັດທະນະທຳ ທີ່ສະຫງວນສະເພະໃຫ້ເປົ້າໝາຍອະນຸຊົນ. ສ່ວນຜະລິດຕະພັນທີສອງແມ່ນລາຍການຕອບຮັບຊຸມຊົນ”.

ຜ່ານງານບຸນຄັ້ງນີ້ ມວນຊົນຍິ່ງມີຄວາມເຄົາລົບປະຫວັດສາດ ແລະ ອະດີດຕະການ ທັງປຸກລຸກການເຄື່ອນໄຫວປະດິດຄິດສ້າງ ເພື່ອສືບທອດບັນດາຄຸນຄ່າທາງດ້ານວັດທະນະທຳ ເຊິ່ງຄົນລຸ້ນກ່ອນໄດ້ກໍ່ສ້າງຂຶ້ນ. ມີຜູ້ມາຮ່ວມງານບຸນບາງຄົນ ເປີດເຜິຍວ່າ:

    “ງານບຸນແມ່ນຂີດໝາຍຂອງນະຄອນຫຼວງ ຮ່າໂນ້ຍ. ໂດຍແມ່ນໄວໜຸ່ຄົນໜຶ່ງ ຂ້າພະເຈົ້າຢາກຄົ້ນຫາ ສຳຜັດກັບບັນດາການເຄື່ອນໄຫວໃນງານບຸນ”

    “ງານບຸນມີລາຍການຕ່າງໆນັບ 10 ລາຍການ. ຂ້າພະເຈົ້າ ແລະ ບັນດາເພື່ອນມີຄວາມຫວັງຢາກໄດ້ເຂົ້າຮ່ວມ ເພື່ອຊອກຮູ້ຄວາມໃນໃຈຂອງບັນດານັກສິລະປິນທີ່ມີຕໍ່ວັດທະນະທຳມໍລະດົກຂອງ ່ຮາໂນ້ຍ”.

ຜ່ານແຕ່ລະປີ ບັນດາຫົວຂໍ້ ແລະ ຂອບຂະໜາດຂອງວັນບຸນອອກແບບປະດິດຄິດສ້າງ ຮ່າໂນ້ຍ ນັບມື້ນັບເປີດກ້ວາງ ກາຍເປັນວັນບຸນຂອງບັນດາຜູ້ນິຍົມການປ່ຽນແປງໃໝ່. ການຈັດຕັ້ງງານບຸນ ໄດ້ປະກອບສ່ວນ ສ້າງເປັນຮູບປະທຳ ແລະ ປັບປຸງເຄື່ອງໝາຍນະຄອນປະດິດຄິດສ້າງຂອງນະຄອນຫຼວງ ຮ່າໂນ້ຍ.