ນັກຖ່າຍທຳຮູບເງົາຊາວຍີປຸ່ນ Misao Ishigaki (ນັ່ງເຄິ່ງກາງ)
|
ວັນທີ 9/9/1969, ປະຊາຊົນນັບພັນຄົນ ບໍ່ສາມາດອົດກັ້ນໄດ້ຄວາມໂສກເສົ້າເສຍດາຍ ແລະ ອາໄລອາວອນໃນງານສົບປະທານໂຮ່ຈິມິນທີ່ສະໜາມຫຼວງບາດິງ, ຮ່າໂນ້ຍ. ໃນຈຸດເວລາປະຫວັດສາດທີ່ສັກກະຫຼະບູຊານັ້ນ, ນັກຖ່າຍທຳຮູບເງົາຊາວຍີປຸ່ນ Misao Ishigaki , ຜູ້ຕາງໜ້າບໍລິສັດໂທລະພາບ NDN ຂອງຍີປຸ່ນປະຈຳຫວຽດນາມ ໄດ້ບັນທຶກພາບ ວີດີໂອສີ ຍາວເກືອບ 10 ນາທີ່, ຊຶ່ງແມ່ນຊັບສົມບັດອັນລ້ຳຄ່າຂອງຊາດຫວຽດນາມ. ເດືອນ 9/2014, ນັກຖ່າຍທຳຮູບເງົາຊາວຍີປຸ່ນ Misao Ishigaki ໄດ້ກັບຄືນຢາມຫວຽດນາມ, ຢ້ຽມຢາມ ສະໜາມຫຼວງບາດິງ, ຮ່າໂນ້ຍ ແລະ ລາວໄດ້ເລົ່າຄືນອະນຸສອນຫຼາຍຢ່າງໃນວັນທີ 9/9 ກ່ອນນີ້ 45 ປີ.
“ ເພິ່ນໄດ້ໄປສູ່ສຸຂະຕິພົບ. ພວກເຮົາຂໍເພິ່ງຄວາມຊ່ວຍເຫຼືອຈາກຝູງນົກສັນຕິພາບນີ້ ເພື່ອສົ່ງຄຳປະຕິຍານຕົວຕໍ່ເພິ່ນວ່າ : ພວກເຮົາຈະເຊີດຊູຄັນທຸງເອກະລາດແຫ່ງຊາດ, ຕັດສິນໃຈສູ້ຮົບ, ຕັດສິນໃຈເອົາໄຊຊະນະສັດຕູອາເມລິກາຜູ້ຮຸກຮານ ”
ບໍ່ເທົາໃດຄົນທີ່ຈະຄິດວ່າ ມີນັກຂ່າວຊາວຕ່າງປະເທດພັດເຂົ້າໃຈໄດ້ເຖິງຄວາມມຸ່ງມາດປາຖະໜາທີ່ຍັງບໍ່ສາມາດປະຕິບັດໄດ້ຂອງປະທານໂຮ່ຈິມິນທີ່ຖືກສະແດງອອກຜ່ານຮູບພາບຝູງນົກບິນເຈີດຜ່ານງານສົບ ດ້ວຍຄຳເວົ້າທີ່ຈິງໃຈເຊັ່ນນັ້ນ. ທ່່ານ Misao Ishigaki ໃຫ້ຮູ້ວ່າ :
“ ຂ້າພະເຈົ້າມາຫວຽດນາມເພື່ອຮັບໜ້າທີ່ເປັນຫົວໜ້າຄະນະນັກຂ່າວປະຈຳຮ່າໂນ້ຍ. 3 ອາທິດຕໍ່ມາ, ໃນຕອນເຊົ້າຂອງມື້ໜຶ່ງ, ເມື່ອຂ້າພະເຈົ້າຕື່ນນອນ, ຂ້າພະເຈົ້າໄດ້ຍິນສຽງດົນຕີ “ ໂຮ່ນຕືຊີ້ ” ທີ່ໂສກເສົ້າຫງ່ວມເຫງົາທີ່ສຸດ. ຂ້າພະເຈົ້າມຸ່ງສາຍຕາອອກສູ່ຖະໜົນຫົນທາງ ເຫັນປະຊາຊົນໜາແໜ້ນໃນທ່າມກາງຄວາມໂສກເສົ້າ. ຂ້າພະເຈົ້າບໍ່ເຂົ້າໃຈສິ່ງໃດໄດ້ເກີດຂຶ້ນຢູ່ນະຄອນນີ້, ເພາະຂ້າພະເຈົ້າບໍ່ຮູ້ພາສາຫວຽດ. ຫຼັງຈາກນັ້ນ, ຂ້າພະເຈົ້າໄດ້ໄດ້ຮັບຂ່າວຈາກໂຕກຽວສົ່ງມາ”
ທ່ານ Misao Ishigaki ຍັງຈືດີຮູບພາບພິທີສົບປະທານໂຮ່ຈິມິນ ກ່ອນນີ້ 45 ປີຢູ່ ສະໜາມຫຼວງບາດິງ, ຮ່າໂນ້ຍ. ທ່ານໄດ້ຮັບການຊ່ວຍເຫຼືອຈາກເພື່ອນຮ່ວມອາຊີບຢ່າງສຸດໃຈເພື່ອສາມາດຖ່າຍທຳວິດີໂອໄດ້.
ທ່ານ Misao Ishigaki ເວົ້່າວ່າ :
“ ຂ້າພະເຈົ້າສາມາດຖ່າຍທຳຮູບພາບບັນດາຜູ້ຄົນຫຼັ່ງນ້ຳຕາ. ແຕ່ໃນນັ້ນ, ມີຜູ້ໜຶ່ງບໍ່ຫຼັ່ງນ້ຳຕາ, ນັ້ນແມ່ນທ່ານພົນເອກ ວໍ້ງວຽນຢາບ. ຂ້າພະເຈົ້າກໍສາມາດເຂົ້າໃຈໄດ້ວ່າ ເປັນຫຍັງ ທ່ານພົນເອກ ວໍ້ງວຽນຢາບບໍ່ຫຼັ່ງນ້ຳຕາ ຍ້ອນວ່າທ່ານແມ່ນນາຍທະຫານ, ທ່ານບໍ່ຢາກໃຫ້ທຸກໆຄົນເຫັນທ່ານຫຼັ່ງນ້ຳຕາ, ດັ່ງນັ້ນທ່ານຈຶ່ງພະຍາຍາມອົດກັ້ນ, ຊຸກເຊືອງຄວາມເຈັບປວດໄວ້ໃນໃຈ ”
ຮູບພາບທີ່ປະທັບໃຈທີ່ສຸດຊຶ່ງທ່ານ Misao Ishigaki ຖ່າຍທຳວີດີໂອ, ນັ້ນແມ່ນພາຍຫຼັງທ່ານເລຂາທີ 1 ຄະນະບໍລິຫານງານພັກກອມມູນິດຫວຽດນາມ ເລຢວນ ອ່ານບົດສະດຸດີແລ້ວ, ຜູ້ນຳຫວຽດນາມທຸກທ່ານຕ່າງກໍລົງທາງລຸ່ມສະໜາມຫຼວງບາດິງ ເພື່ອພ້ອມກັນແບ່ງປັນຄວາມເຈັບປວດກັບປະຊາຊົນ. ທ່ານ Misao Ishigaki ເຂົ້າໃຈໄດ້ວ່າ : ບັນດາຢາດນ້ຳຕາ, ສຽງຮ້ອງໄຫ້ຂອງປະຊາຊົນນັບໝື່ນຄົນໃນວັນນັ້ນ ໄດ້ສ້າງເປັນກຳລັງແຮງແຫ່ງສາມັກຄີທົ່ວທັງຊາດຫວຽດນາມ .
: “ ຂ້າພະເຈົ້າໄດ້ຖ່າຍທຳວີດິໂອຮູບພາບ ທ່ານຝ້າມວັນດົງ ພວມກອດພວກຫຼານເຍົາວະຊົນ. ທ່ານຝ້າມວັນດົງ ພວມຢືນຢູ່ເຄິ່ງກາງກຸ່ມຄົນໜາແໜ້ນ ນັ້ນແມ່ນພວກຫຼານເຍົາວະຊົນຢືນອ້ອມ ແລະ ພ້ອມກັນຫຼັ່ງນ້ຳຕາ . ນັ້ນແມ່ນຮູບພາບທີ່ຂ້າພະເຈົ້າມີຄວາມປະທັບໃຈທີ່ສຸດ ”