ຄວນສ້າງປະມວນ ຂໍ້ກຳນົດການປະພຶດ ເພື່ອສະກັດກັ້ນການກະທຳຂອງຈີນຢູ່ທະເລຕາເວັນອອກ
ກຳ່ປັ່ນຂອງຈີນສິດນຳ້ໃສ່ກຳ່ປັ່ນຂອງຫວຽດນາມ
(ພາບ: AP)
(vovworld) - ສື່ມວນຊົນ, ບັນດາຜູ້ຊ່ຽວຊານ ແລະ ນັກການເມືອງສາກົນ ສືບຕໍ່ສະແດງຄວາມວິຕົກກັງວົນຕໍ່ການກະທຳກໍ່ຄວາມເຄັ່ງຕຶງຢູ່ທະເລຕາເວັນອອກຂອງຈີນ.
ວັນທີ 11/6. ທີ່ປຶກສາດ້ານປ້ອງກັນຄວາມສະຫງົບແຫ່ງຊາດອາເມລິກາ ທ່ານນາງ Susan Rice ໄດ້ຮຽກຮ້ອງໃຫ້ສ້າງປະມວນຂໍ້ກຳນົດການປະພຶດລະຫວ່າງຝ່າຍຕ່າງໆຢູ່ທະເລຕາເວັນອອກ, ເພື່ອສະກັດກັ້ນການກະທຳທີ່ຜິດກົດໝາຍຂອງຈີນຢູ່ທະເລຕາເວັນອອກ. ຕາມທ່ານນາງ Susan Rice ແລ້ວ, ຄວາມສະຫງົບປອດໄພໃນພາກພື້ນຕ້ອງໄດ້ຮັບປະກັນອີງຕາມຂໍ້ກຳນົດການປະພຶດຂອງຝ່າຍຕ່າງໆຢູ່ທະເລຕາເວັນອອກ, ພຽງແຕ່ເຮັດຄືແນວນັ້ນຈຶ່ງສາມາດສະກັດກັ້ນບັນດາການກະທຳກໍ່ຄວາມເຄັ່ງຕຶງ, ກໍ່ຄືການນາບຂູ່ຂອງປະເທດໃຫຍ່ທີ່ມີຕໍ່ປະເທດນ້ອຍກວ່າ ແລະ ສ້າງເງື່ອນໄຂເພື່ອແກ້ໄຂການປະທະກັນໂດຍສັນຕິ.
ໃນວັນດຽວກັນ, ຍີ່ປຸ່ນ ແລະ ອົດສະຕາລີໄດ້ອອກຖະແຫຼງການຮ່ວມເນັ້ນໜັກເຖິງຄວາມສຳຄັນຂອງການເຄົາລົບກົດໝາຍສາກົນ, ແລະ ເຫັນດີຄັດຄ້ານທຸກການກະທຳທີ່ເຮັດໃຫ້ສະພາບການປ່ຽນແປງ ດ້ວຍກຳລັງອາວຸດ.
ຜູ້ອຳນວຍການ ໂຄງການຄວາມໝັ້ນຄົງສາກົນ ທີ່ຂຶ້ນກັບສະຖາບັນນະໂຍບາຍສາກົນ Lowy ປະເທດອົດສະຕີລີ Rory Medcalf ກ່າວເຕືອນວ່າ ກົນອຸບາຍກໍ່ສ້າງຢ່າງຜິດກົດໝາຍຂອງຈີນຢູ່ໝູ່ເກາະເຈື່ອງຊາຂອງຫວຽດນາມ ແມ່ນແນໃສ່ເພີ່ມກຳລັງແຮງດ້ານການທະຫານໃນເຂດພື້ນທີ່ຕົວຈິງ ເພື່ອຢືດຄອງທະເລຕາເວັນອອກ.