(vovworld) - ຕາແສງຊວນແລ້ງ, ເມືອງດົ່ງຊວນ, ແຂວງຟູ໋ອຽນ ພວມກໍ່ສ້າງຊົນນະບົດໃໝ່ດ້ວຍທິດພັດທະນາແບບຍືນຍົງ, ຕາມຮູບແບບກໍ່ສ້າງໂຄງລ່າງເສດຖະກິດ, ສັງຄົມທີ່ທັນສະໄໝເທື່ອລະກ້າວ, ມີໂຄງປະກອບເສດຖະກິດ ແລະ ບັນດາຮູບການຈັດຕັ້ງການຜະລິດທີ່ເໝາະສົມ, ປີ 2013, ທາງຕາແສງສຸມໃສ່ການກໍ່ສ້າງພື້ນຖານໂຄງລ່າງ, ພິເສດແມ່ນລົງທຶນເຂົ້າໃນການຜະລິດ, ເລືອກເຟັ້ນແນວພັນສັດລ້ຽງ ແລະ ຜັກປູກທີ່ມີປະສິດທິຜົນສູງ.
(ພາບອິນເຕີແນດ)
ໃນຊຸມມື້ນີ້, ຕາແສງຊວນແລ້ງ ມີຄວາມຟົດຟື້ນປຽບເໝືອນກິດຈະກຳກໍ່ສ້າງ. ນັບແຕ່ຜູ້ເຖ້າ, ຜູ້ແກ່ ຕະຫຼອດຮອດຊາວໜຸ່ມ, ໃຜໆກໍ່ເຂົ້າຮ່ວມການກໍ່ສ້າງເສັ້ນທາງຄົທມະນາຄົມຊົນນະບົດດ້ວຍຄວາມຫ້າວຫັນ. ທ່ານ ໂຫ່ແທງຫາຍ, ຮອງປະທານຄະນະກຳມະການປະຊາຊົນຕາແສງຊວນແລ້ງ, ໃຫ້ຮູ້ວ່າ ມາຮອດຈຸດເວລານີ້ພື້ນຖານໂຄງລ່າງຂອງຕາແສງຄືລະບົບໄຟຟຟ້າ, ໂຮງຮຽນ, ສຸກສາລາກິດຈະກຳຊົນລະປະທານເກືອບທັງໝົດໄດ້ສຳເລັດຕາມມາດຖານກໍ່ສ້າງຊົນນະບົດໃໝ່ແລ້ວ…. ທ່ານຫາຍ ໃຫ້ຮູ້ວ່າ:
“ໃນການກໍ່ສ້າງຊົນນະບົດໃໝ່ປີ 2013. ທຳອິດ, ພວກຂ້າພະເຈົ້າໄດ້ສົມທົບກັບຊາວໜຸ່ມກໍ່ສ້າງທາງຄົມມະນາຄົມຊົນນະບົດດ້ວຍເບຕົງ, ທີສອງແມ່ນປັບປຸງພື້ນຖານໂຄງລ່າງຄືນໃໝ່. ປະຈຸບັນ, ທາງເບຕົງມີຫຼາຍຕອນໄດ້ນຳເຂົ້າໃຊ້ການແລ້ວ”.
ເພື່ອກໍ່ສ້າງທາງຄົມມະນາຄົມຊົນນະບົດທີ່ມີລວງຍາວກວ່າ 20 ກມນັ້ນ, ອຳນາດການປົກຄອງຕາແສງ ໄດ້ປະຊຸມພ້ອມກັບປະຊາຊົນຫຼາຍຄັ້ງເພື່ອເປັນເອກະພາບນຳກັນ. ນອກນັ້ນ, ອຳນາດການປົກຄອງຕາແສງກໍ່ໄດ້ໂຄສະນາກ່ຽວກັບໂຄງການກໍ່ສ້າງຊົນນະບົດໃໝ່ເຖິງໝູ່ປະຊາຊົນ ເພື່ອໃຫ້ເຂົາເຈົ້າຮັບຮູ້ຜົນປະໂຫຍດຂອງການກໍ່ສ້າງທາງຄົມມະນາຄົມ. ທ່ານ ມາງນຶ້ວ, ເຈົ້າບ້ານຮ່າຣາຍ, ຕາແສງຊວນແລ້ງ ໃຫ້ຮູ້ວ່າ:
“ປະຊາຊົນດີໃຈຫຼາຍເພາະວ່າລັດໄດ້ໜູນຊ່ວຍຊີມັງ..., ສ່ວນປະຊາຊົນປະກອບເຫື່ອແຮງ ແລະ ຊັບສິນເງິນທອງເພື່ອກໍ່ສ້າງທາງ. ເມື່ອບຸກເບີກໜ້າພຽງ, ປະຊາຊົນຢູ່ລຽບຕາມສອງພາກທາງໄດ້ສະໜັບສະໜູນ, ມີຫຼາຍຄອບຄົວໄດ້ປະກອບທີ່ດິນເພື່ອເປີດກວ້າງທາງຕື່ມອີກ ເພາະວ່າເຂົາເຈົ້າເຫັນໄດ້ຜົນປະໂຫຍດທີ່ນຳມາໃຫ້ຈາກເສັ້ນທາງດັ່ງກ່າວ”.
ປະຊາຊົນຕັ້ງໜ້າເຂົ້າຮ່ວມການສ້າງທາງ
(ພາບອິນເຕີແນດ)
ພ້ອມກັບປະຊາຊົນໃນຕາແສງ, ຊາວໜຸ່ມກໍ່ເຂົ້າຮ່າວການກໍ່ສ້າງຊົນນະບົດໃໝ່ດ້ວຍຄວາມຫ້າວຫັນ. ເອື້ອຍຟ້າມທະຖູ໋ຍງາ, ເລຂາຊາວໜຸ່ມຕາແສງ, ໃຫ້ຮູ້ວ່າ:
“ເມື່ອປຸກລະດົມຂະບວນການອາສາສະໝັກ, ຊາວໜຸ່ມແຕ່ລະຄົນ ໄດ້ປະກອບແຮງງານ 2 ມື້ ເພື່ອພ້ອມກັບນັກສຶກສາອາສາສະໝັກກໍ່ສ້າງທາງຄົມມະນາຄົມຊົນນະບົດ. ໄວໜຸ່ມຕາແສງຊວນແລ້ງໄດ້ເຂົ້າຮ່ວມການກໍ່ສ້າງທາງຢ່າງສຸດຈິດສຸດໃຈ”.
ດ້ານໜຶ່ງພວກເຮົາໄດ້ຍູ້ໄວວິວັດການກໍ່ສ້າງພື້ນຖານໂຄງລ່າງ, ດ້ານອື່ນ, ອຳນາດການປົກຄອງ ແລະ ປະຊາຊົນຕາແສງກາວແລ້ງ ກໍ່ສຸມໃສ່ພັດທະນາເສດຖະກິດ. ໂດຍແມ່ນຕາແສງຢູ່ເຂດພູດອຍແຂວງຟູ໋ອຽນ, ທີ່ເຄີຍປູກມັນຕົ້ນ ແລະ ອ້ອຍເປັນຕົ້ນ. ກ່ອນນີ້ຜົນລະປູກຈາກຕົ້ນໄມ້ 2 ປະເພດນີ້ຍັງຕ່ຳຢູ່, ແຕ່ 2 ປີມານີ້, ທາງຕາແສງໄດ້ຈັດຊຸດອົບຮົມແນະນຳວິທີການປູກຝັງ ແລະ ລ້ຽງສັດຫຼາຍຊຸດໃຫ້ປະຊາຊົນ, ເຮັດໃຫ້ແນວຄິດຂອງເຂົາເຈົ້າກໍ່ມີການປ່ຽນແປງໄປນຳ. ທ່ານ ຫາຍ ໃຫ້ຮູ້ວ່າ:
“ກ່ອນນີ້ການປູກມັນຕົ້ນ, ຕົ້ນອ້ອຍ ບໍ່ປະຕິບັດຕາມຂັ້ນຕອນປູກຝັງຄືໃນປະຈຸບັນ, ດັ່ງນັ້ນຈຶ່ງໃຫ້ສະມັດຕະພາບຕ່ຳ, ແຕ່ພາຍຫຼັງເຂົ້າຮ່ວມຊຸດອົບຮົມ, ກຳໄດ້ເຕັກນິກການປູກຝັງແລ້ວ, ສະມັດຕະພາບກໍ່ສູງກວ່າເກົ່າ”.
ຊາວກະສີກອນປູກອ້ອຍຕາມເຕັກນິກປູກຝັງໃໝ່
(ພາບອິນເຕີແນດ)
ການກໍ່ສ້າງ ແລະ ຟື້ນຟູວັດທະນະທຳ ກໍ່ແມ່ນໜຶ່ງໃນບັນຜົນສຳເລັດຂອງຕາແສງຊວນແລ້ງ ໃນຈຸດໝາຍກໍ່ສ້າງຊົນນະບົດໃໝ່. ເຄື່ອງດົນຕີ, ວາດຟ້ອນ, ບົດເພງພື້ນເມືອງຂອງຊົນເຜົ່າຈຳ, ບານາ ໃນບໍລິເວນຕາແສງລ້ວນແຕ່ໄດ້ຮັບການຟື້ນຟູຄືນໃໝ່. ທ່ານ ຫາຍ ໃຫ້ຮູ້ວ່າ:
“ກ່ຽວກັບການປັບປຸງວັດທະນະທຳ. ໃນປະຈຸບັນພະນັກງານວັດທະນະທຳຕາແສງໄດ້ທ້ອນໂຮມ ແລະ ຮັກສາເຄື່ອງດົນຕີໃນໝູ່ປະຊາຊົນໄວ້. ປະຈຸບັນ, ເຄື່ອງດົນຕີປະເພດຕ່າງໆຂອງເຜົ່າຈຳ, ບານາ ລ້ວນແຕ່ຖືກນຳໃຊ້ໃນການເຄື່ອນໄຫວຕ່າງໆ ແລະ ສືບທອດໃຫ້ລຸ່ນລູກລຸ່ນຫຼານໃນຕາແສງ”.
ຢູ່ຊວນແລ້ງ, ຢູ່ຄຽງຂ້າງເຮືອນຮ້ານຂອງຊາວເຜົ່າແລ້ວ, ຫຼາຍຄອບຄົວໄດ້ປຸກສ້າງເຮືອນຫຼັງໃໝ່ທີ່ໃຫຍ່ໂຕ, ຄ່າກໍ່ສ້າງເຮືອນແຕ່ລະຫຼັງຈາກ 50 – 100 ລ້ານດົ່ງ. ໂຄງການກໍ່ສ້າງຊົນນະບົໃໝ່ໄດ້ເຮັດໃຫ້ຈີນຕະນາການຂອງປະຊາຊົນມີການປ່ຽນແປງ. ເຂົາເຈົ້າໄດ້ເປັນເຈົ້າຂອງຊີວິດທີ່ທັນສະໄໝ, ເຂົ້າຮ່ວມວິວັດການພັດທະນາຂອງທົ່ວສັງຄົມ, ດ້ວຍແບບແຜນການດຳລົງຊີວິດໃໝ່, ການຜະລິດກະສີກຳໃໝ່ ພ້ອມກັບພື້ນຖານວັດທະນະທຳທີ່ເຂັ້ມຄົ້ນໄປດ້ວຍສີສັນຊາດ.