(VOVWORLD) - ດ້ວຍແຜນນະໂຍບບາຍ ແລະ ຄວາມຕັດສິນໃຈສູງ ກ່ຽວກັບການພັດທະນາເສດຖະກິດ ແຕ່ບໍ່ລະເລີຍບັນຫາສິ່ງແວດລ້ອມ, ໃນຫລາຍປີຜ່ານມາ, ແຂວງ ບ່າເຣ້ຍ -ຫວູງເຕົາ ໄດ້ດຶງດູດການລົງທຶນ ແລະ ພິເສດແມ່ນຮັບປະກັນສິ່ງແວດລ້ອມ.
 ເຂດອຸດສາຫະກຳລົງເລິກ ຝູໝີ 3 - ແຂວງບ່າເຣ້ຍ- ຫວູງເຕົາ. (ພາບ:Hồng Đạt/TTXVN) |
ໄລ່ຮອດເດືອນທັນວາ ປີ 2024 ແຂວງ ບ່າເຣ້ຍ - ຫວູງເຕົາ ໄດ້ດຶງດູດ 57 ໂຄງການລົງທຶນ ດ້ວຍຍອດຈຳນວນທຶນກວ່າ 2 ຕຶ້້ USD, ສູງທົບ 2 ເທົ່າເມື່ອທຽບໃສ່ປີກາຍ. ເປັນຫນ້າສົນໃຈ, ບັນດາໂຄງການລົງທຶນໃຫມ່ເຂົ້າບັນດາເຂດອຸດສາຫະກຳຢູ່ບໍລິເວນແຂວງ ລ້ວນແຕ່ ໄດ້ຮັບການຄັດເລືອກຢ່າງລະອຽດ, ຮັບປະກັນຄວາມເໝາະສົມກັບບັນດາເປົ້າຫມາຍພັດທະນາຂອງແຂວງ ແລະ ບໍ່ກໍ່ຜົນສະທ້ອນຄວາມຫຍໍ້ທໍ້ຕໍ່ສິ່ງແວດລ້ອມ. ທ່ານ ຫງວຽນກົງວິງ, ຮອງປະທານ ຄະນະກຳມະການປະຊາຊົນ ແຂວງ ບ່າເຣ້ຍ - ຫວູງເຕົາ ໃຫ້ຮູ້ວ່າ:
“ເປົ້າໝາຍຂອງແຂວງ ບ່າເຣ້ຍ - ຫວູງເຕົາ ແມ່ນພັດທະນາອຸດສາຫະກຳທັນສະໄຫມ, ກ້າວຫນ້າ, ເປັນມິດກັບສິ່ງແວດລ້ອມ, ຮັບປະກັນ NetZero ໃນປີ 2025 ຄືດັ່ງລັດຖະບານ ໄດ້ວາງອອກ. ແມ່ນໃຈກາງເສດຖະກິດທະເລແຫ່ງຊາດ, ພິເສດ ມີລະບົບນິເວດດີທີ່ສຸດ, ດ້ວຍຫລາຍທ່າໄດ້ປຽບ, ບ່າເຣ້ຍ - ຫວູງເຕົາ ແມ່ນບ່ອນຄັດເລືອກຂອງບັນດານັກລົງທຶນ”.
ນັບແຕ່ຕົ້ນປີນີ້ ຫນຶ່ງໃນບັນດານັກລົງທຶນໃຫຍ່ເຂົ້າມາ ແຂວງ ບ່າເຣ້ຍ - ຫວູງເຕົາ ໃນຊ່ວງເວລາຕົ້ນປີນີ້ ນັ້ນແມ່ນໂຄງການຜະລິດ HVO ຂອງກຸ່ມບໍລິສັດ Hyosung ສ.ເກົາຫລີ ດ້ວຍລະດັບເງິນລົງທຶນເກືອບ 400 ລ້ານ USD, ຍົກຍອດຈຳນວນທຶນກວ່າ 1,66 ຕື້້ USD. ໂຄງການນີ້ ສຸມໃສ່ເຂົ້າໃນການຜະລິດ diesel ທົດແທນ, ເຊື້ອເພີງການບິນແບບຍືນຍົງ. ນີ້້ແມ່ນຫນຶ່ງໃນຈຳນວນ 57 ໂຄງການລົງທຶນໃຫມ່ໃນປີນີ້ ຊື່ງແຂວງ ບ່າເຣ້ຍ - ຫວູງເຕົາ ວາງແຜນນະໂຍບາຍປະຕິບັດຕາມທິດດຶງດູດການລົງທຶນໂດຍມີການຄັດເລືອກ, ເປັນມິດກັບສິ່ງແວດລ້ອມ. ພ້ອມກັນນັ້ນ ກໍ່ມີຫລາຍໂຄງການພົ້ນເດັ່ນທີ່່ມາຈາກຫລາຍປະເທດໃນໂລກ. ທ່ານ ເລງອັກລິງ, ຫົວຫນ້າພະແນກແຜນການ ແລະ ການລົງທຶນ ແຂວງ ບ່າເຣ້ຍ - ຫວູງເຕົາ ໃຫ້ຮູ້ວ່າ:
“ໃນການດຶງດູດການລົງທຶນ, ແຂວງ ບ່າເຣ້ຍ - ຫວູງເຕົາ ຍາມໃດກໍ່ກຳນົດທັດສະນະລຸລ່ວງ ແມ່ນດຶງດູດໂດຍມີການຄັດເລືອກບັນດາໂຄງການທີ່່ມີຂອບຂະຫນາດໃຫຍ່, ມີເຕັກໂນໂລຊີທັນສະໄຫມ, ເຕັກນິກສູງ, ເປັນມິດກັບສິ່ງແວດລ້ອມ ບໍ່ນຳໃຊ້ແຮງງານຫລາຍ. ອຳນາດການປົກຄອງຍາມໃດກໍ່ຮ່ວມເດີນທາງພ້ອມກັບວິສາຫະກິດພາຍໃນ ແລະ ຕ່າງປະເທດ ເພື່ອຮັບປະກັນການລົງທຶນໃຫ້ບັນລຸປະສິດທິຜົນດີທີ່ສຸດ”.
 ທ່ານ ຫງວຽນກົງວິງ, ຮອງປະທານ ຄະນະກຳມະການປະຊາຊົນ ແຂວງ ບ່າເຣ້ຍ - ຫວູງເຕົາ. (ພາບ:Hoàng Nhị/TTXVN) |
ເລື່ອງຫັນທິດດຶງດູດການລົງທຶນ FDI ຈາກ “ປະລິມານ” ໄປຍັງ “ຄຸນນະພາບ” ໂດຍມີການຄັດເລືອກ, ແຂວງ ບ່າເຣ້ຍ - ຫວູງເຕົາ ພວມບັນລຸຄາດໝາຍການເຕີບໂຕສີຂຽວ, ຍືນຍົງເທື່ອລະກ້າວ. ວິວັດການຫັນແຫລ່ງເງິນລົງທຶນຢູ່ ແຂວງ ບ່າເຣ້ຍ - ຫວູງເຕົາ ເປັນ “ສີຂຽວ” ບັນລຸໄດ້ໝາກຜົນຕັ້ງຫນ້າ ກໍ່ຍ້ອນມີຄວາມເຫັນດີເຫັນພ້ອມ ແລະ ເປັນຈິດຫນຶ່ງໃຈດຽວໃນການປະຕິບັດຂອງບັນດາວິສາຫະກິດ. ທ່ານນາງ ຫງວຽນທິຖາວຍີ, ຜູ້ອຳນວຍການໃຫຍ່ ບໍລິສັດຫຸ້ນສ່ວນ ແທງບິ່່ງ ຟູໝີ໋ ຖືວ່າ:
“ບັນຫາຍືນຍົງຕໍ່ສິ່ງແວດລ້ອມ ໂດຍການນຳແຂວງ ໄດ້ວາງອອກ ແມ່ນຫນ້າທີ່ຫນຶ່ງ ເພື່ອແນໃສ່ສ້າງຄວາມກົມກຽວທຸກຜົນປະໂຫຍດຂອງບັນດາວິສາຫະກິດພັດທະນາຢູ່ ບໍລິເວນແຂວງບ່າເຣ້ຍ - ຫວູງເຕົາ. ພວກຂ້າພະເຈົ້າເຫັນວ່າ ນັ້ນແມ່ນທິດກ້າວເດີນອັນຖືກຕ້ອງ ແລະ ພວກຂ້າພະເຈົ້າຍາມໃດກໍ່ປະຕິບັດຕາມມາດຖານນັ້ນ”.
ໄລຍະຈະມາເຖິງ, ແຂວງ ບ່າເຣ້ຍ - ຫວູງເຕົາ ຈະສືບຕໍ່ຮັກສາບັນດາມາດຖານຢ່າງເຄັ່ງຄັດກ່ຽວກັບການປົກປັກຮັກສາສິ່ງແວດລ້ອມ ແລະ ນຳໃຊ້ເນື້ອທີ່ດິນໃນການດຶງດູດການລົງທຶນເຂົ້າບັນດາເຂດອຸດສາຫະກຳຢ່າງມີປະສິດທິຜົນ. ບັນດາຂະແຫນງອຸດສາຫະກຳສະອາດ, ເຕັກໂນໂລຊີສູງ ແລະ ພະລັງງານທົດແທນ ຈະສືບຕໍ່ໄດ້ຮັບການບຸລິມະສິດໃນຍຸດທະສາດພັດທະນາຂອງແຂວງ. ທ່ານ ຫງວຽນກົງວິງ, ຮອງປະທານ ຄະນະກຳມະການປະຊາຊົນ ແຂວງ ບ່າເຣ້ຍ - ຫວູງເຕົາ ຢືນຢັນວ່າ:
“ທິດທາງຂອງແຂວງ ແມ່ນສືບຕໍ່ສຸມໃສ່ເຂົ້າໃນການພັດທະນາແບບຍືນຍົງ, ສະນັ້ນ ດ້ວຍບັນດາໂຄງການລົງທຶນໃນໄລຍະຈະມາເຖິງ, ແຂວງ ຈະຄັດເລືອກບັນດາໂຄງການເປັນມິດກັບສິ່ງແວດລ້ອມ, ຮັບປະກັນບັນດາເຕັກໂນໂລຊີໃຫມ່ທີ່ກ້າວຫນ້າ, ທັນສະໄຫມ. ອາດຢັ້ງຢືນວ່າ ນັບແຕ່່ນີ້ເປັນຕົ້ນໄປ ແຂວງຈະພັດທະນາແບບຍືນຍົງໂດຍອີງຕາມເປົ້າໝາຍແມ່ນປົກປັກຮັກສາສິ່ງແວດລ້ອມ”.
ປີ 2024 ແຂວງ ບ່າເຣ້ຍ - ຫວູງເຕົາ ແມ່ນຫນຶ່ງໃນບັນດາທ້ອງຖິ່ນນຳຫນ້າທົ່ວປະເທດໃນການດຶງດູດທຶນ FDI. ແຫລ່ງເງິນລົງທຶນໃຫມ່ຂອງບັນດານັກລົງທຶນດ້ວຍຍອດຈຳນວນເງິນລົງທຶນນັບມື້ນັບສູງ, ເຕັກໂນໂລຊີທັນສະໄຫມ. ຫລາຍໂຄງການລົງທຶນນັບຕື້ USD ໄດ້ເຊື່ອມຕໍ່ ແຂວງ ບ່າເຣ້ຍ - ຫວູງເຕົາ ກັບລະບົບການລົງທຶນສາກົນຂອງຫລາຍກຸ່ມບໍລິສັດເສດຖະກິດໂລກ, ຄື: ກຸ່ມບໍລິສັດ Hyosung (ສ.ເກົາຫລີ), ກຸ່ມບໍລິສັດ Austal (ອົດສະຕາລີ), ກຸ່ມບໍລິສັດ CJ (ສ.ເກົາຫລີ), ກຸ່ມບໍລິສັດ Marubeni (ຍີ່ປຸ່ນ), ກຸ່ມບໍລິສັດ Samsung (ສເກົາຫລີ)...
ດ້ວຍເປົ້າໝາຍດຶງດູດການລົງທຶນໂດຍມີການຄັດເລືອກ, ເຕັກໂນໂລຊີກ້າວຫນ້າ, ແຂວງ ບ່າເຣ້ຍ - ຫວູງເຕົາ ຈະກາຍເປັນຫນຶ່ງໃນບັນດາເຂດກຳລັງຫນູນພັດທະນາສຳຄັນຂອງເຂດທາງທິດຕາເວັນອອກສ່ຽງໃຕ້ໂດຍໄວ, ແມ່ນສູນກາງເສດຖະກິດທະເລແຫ່ງຊາດ ແລະ ຮອດປີ 2030 ບັນລຸມາດຖານໂດຍພື້ນຖານຂອງນະຄອນຂຶ້ນກັບສູນກາງ.