(ຫວຸງເຕົ່າ ໄດ້ກາຍເປັນສະຖານທີ່ ທີ່ຫຼາຍນະຄອນໃຫຍ່ໃນພາກພື້ນໃນໂລກໃຫ້ຄວາມສົນໃຈຮ່ວມມືລົງທຶນໃນຂົງເຂດທ່ອງທ່ຽວ)

        ດ້ວຍທ່າແຮງແມ່ນນະຄອນທະເລຂະຫຍັນຂັນເຄື່ອນ, ສູນທ່ອງທ່ຽວມີຄຸນນະພາບສູງ, ລະດັບສາກົນ, ໃນຊຸມປີມໍ່ໆມານີ້, ພ້ອມກັບ ຍາຈາງ, ຝຸກວັກ, ຫວຸງເຕົ່າ ໄດ້ກາຍເປັນສະຖານທີ່ ທີ່ຫຼາຍນະຄອນໃຫຍ່ໃນພາກພື້ນໃນໂລກໃຫ້ຄວາມສົນໃຈຮ່ວມມືລົງທຶນໃນຂົງເຂດທ່ອງທ່ຽວ.

        ຄາດວ່າ, ປີ 2024 ນີ້ ຂະແໜງທ່ອງທ່ຽວແຂວງ ບ່າເຣຍ - ຫວູງເຕົ່າ ສືບຕໍ່ບັນລຸຜົນສຳເລັດທີ່ໜ້າປະທັບໃຈ, ເມື່ອບັນດາລາຍຮັບການບໍລິການພັກຜ່ອນ, ທ່ອງທ່ຽວລ້ວນແຕ່ບັນລຸຜົນສຳເລັດລື່ນກາຍຄາດໝາຍ. ໄລ່ຮອດຈຸດເວລາປະຈຸບັນ, ຍອດຈຳນວນແຂກທ່ອງທ່ຽວມາຢ້ຽມຢາມແຂວງໄດ້ເພີ່ມຂຶ້ນ 13% ເມື່ອທຽບໃສ່ປີ 2023. ບັນລຸໄດ້ໝາກຜົນດັ່ງກ່າວ ແມ່ນຍ້ອນໃນໄລຍະຜ່ານມາ, ແຂວງ ບ່າເຣຍ - ຫວູງເຕົ່າ ໄດ້ຕັ້ງໜ້າຜັນຂະຫຍາຍບັນດາການເຄື່ອນໄຫວສົ່ງເສີມ, ໂຄສະນາການທ່ອງທ່ຽວຢູ່ຕ່າງປະເທດ; ພ້ອມກັນນັ້ນ, ກໍ່ເປີດກວ້າງການຮ່ວມມືດ້ານການທ່ອງທ່ຽວກັບຫຼາຍທ້ອງຖິ່ນຂອງຫຼາຍປະເທດທີ່ມີຈຳນວນແຂກທ່ອງທ່ຽວມີຄວາມສາມາດບົ່ມຊ້ອນ, ຄື: ສິງກະໂປ, ອິນເດຍ, ສ.ເກົາຫຼີ, ອົດສະຕາລີ… ປີ 2023, ທາງແຂວງໄດ້ຮັບ 2 ຄະນະປະຕິບັດງານຂອງລັດ Western Australia (ອົດສະຕາລີ) ແລະ ນະຄອນ Sacheon (ສ.ເກົາຫຼີ) ມາຊອກຮູ້ໂອກາດຮ່ວມສຳພັນ, ຮ່ວມມືດ້ານການທ່ອງທ່ຽວ. ທ່ານ ຮ່ວາງງອັກລິງ, ຮອງປະທານຜູ້ປະຈຳການສະມາຄົມທ່ອງທ່ຽວແຂວງ ບ່າເຣຍ - ຫວູງເຕົ່າ, ຖືວ່າ:

        “ນອກຈາກເຊື່ອມຕໍ່ແລກປ່ຽນການຄ້າແລ້ວ, ພວກຂ້າພະເຈົ້າປາດຖະໜາຢາກໄດ້ຮັບການເຊື່ອມຕໍ່, ການໜູນຊ່ວຍຈາກຝ່າຍ Western Australia ໃນການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງ. ບັນດາວິສາຫະກິດທ່ອງທ່ຽວ ຫວຽດນາມ ສາມາດຂຶ້ນແຜນ, ສ້າງບັນດາລາຍການທ່ອງທ່ຽວມີຄຸນນະພາບສູງ ເພື່ອເຊື່ອມຕໍ່ລະຫວ່າງ 2 ທ້ອງຖິ່ນເຊິ່ງກັນແລະກັນ. ຜ່ານການຄົ້ນຄວ້າກ່ຽວກັບດິນຟ້າອາກາດຂອງ Western Australia, ຂ້າພະເຈົ້າເຫັນວ່າ ລະດູໜາວຢູ່ທີ່ນີ້ແມ່ນໜາວພໍສົມຄວນ, ສ່ວນແຂວງ ບ່າເຣຍ - ຫວູງເຕົ່າ ມີອາກາດອົບອຸ່ນທັງປີ. ສະນັ້ນ, ການເຊື່ອມຕໍ່ດ້ານການທ່ອງທ່ຽວທະເລລະຫວ່າງ 2 ທ້ອງຖິ່ນແມ່ນສາມາດປະຕິບັດໃຫ້ປະກົດຜົນເປັນຈິງໄດ້”.

(ແຂວງ ບ່າເຣຍ - ຫວູງເຕົ່າ ໄດ້ຕັ້ງໜ້າຜັນຂະຫຍາຍບັນດາການເຄື່ອນໄຫວສົ່ງເສີມ, ໂຄສະນາການທ່ອງທ່ຽວຢູ່ຕ່າງປະເທດ)

        ບໍ່ພຽງແຕ່ມີບັນດານະຄອນທ່ອງທ່ຽວເທົ່ານັ້ນ, ຫາກຫຼາຍກຸ່ມບໍລິສັດ, ບໍລິສັດມີຊື່ສຽງຢູ່ພາຍໃນ ແລະ ຕ່າງປະເທດກໍ່ໄດ້ເລືອກເອົາແຂວງ ບ່າເຣຍ - ຫວູງເຕົ່າ ແມ່ນສະຖານທີ່ລົງທຶນ. ບັນດາຄູ່ຮ່ວມມືໄດ້ຕີລາຄາສູງຄວາມຂະຫຍັນຂັນເຄື່ອນທາງດ້ານເສດຖະກິດ, ວັດທະນະທຳຂອງ ບ່າເຣຍ - ຫວູງເຕົ່າ ເວົ້າລວມ ແລະ ນະຄອນທະເລ ຫວູງເຕົ່າ ເວົ້າສະເພາະ. ເພື່ອສ້າງຄວາມສະດວກໃຫ້ແກ່ບັນດານັກລົງທຶນ, ທາງແຂວງ ໄດ້ກະກຽມພື້ນຖານໂຄງລ່າງບັນດາເຂດ, ກຸ່ມອຸດສາຫະກຳ. ທ່ານ ຫງວຽນກົງວິງ, ຮອງປະທານຄະນະກຳມະການປະຊາຊົນແຂວງ ບ່າເຣີຍ - ຫວູງເຕົ່າ, ໃຫ້ຮູ້ວ່າ ທາງແຂວງກໍ່ສຸມໃສ່ລົງທຶນດ້ານພື້ນຖານໂຄງລ່າງຄົມມະນາຄົມຫຼາຍຮູບແບບ, ເຊື່ອມຕໍ່ເຂດນັບທັງທາງບົກ, ທາງລົດໄຟ ແລະ ທາງນ້ຳໃຫ້ສຳເລັດ, ຄົບຊຸດ.

        “ບ່າເຣຍ - ຫວູງເຕົ່າ ສຸມໃສ່ລົງທຶນເຂດອຸດສາຫະກຳເຕັກໂນໂລຊີສູງ, ບັນດາໜ່ວຍອຸດສາຫະກຳ - ການບໍລິການ - ເຂດຕົວເມືອງແບບໃໝ່. ລັດຖະບານກໍ່ຕົກລົງໃຫ້ແຂວງ ບ່າເຣຍ - ຫວູງເຕົ່າ ດຳເນີນງານສ້າງບັນດາແຜນຮ່າງນີ້. ສະນັ້ນ, ເມື່ອບັນດານັກລົງທຶນມາແຫ່ງນີ້, ທາງແຂວງກໍ່ໄດ້ກະກຽມດ້ານພື້ນຖານໂຄງລ່າງ, ການວາງແຜນຜັງສຳເລັດຮັບໃຊ້ນັກລົງທຶນ”.

        ກໍ່ຕາມທ່ານ ຫງວຽນກົງວິງ ແລ້ວ, ເພື່ອດຶງດູດບັນດານັກລົງທຶນໃຫຍ່, ແຂວງ ບ່າເຣຍ - ຫວູງເຕົ່າ ຍັງສຸມໃສ່ຫັນບັນດາການແກ້ໄຂລະບຽບການບໍລິຫານເປັນງ່າຍດາຍ, ສ້າງເງື່ອນໄຂສະດວກໃຫ້ແກ່ບັນດານັກລົງທຶນຕ່າງປະເທດມາລົງທຶນຢູ່ທ້ອງຖິ່ນ.

        “ພິເສດ, ຢູ່ທີ່ນີ້ໄດ້ປະຕິບັດກົນໄກປະຕູດຽວ ເພື່ອຫຼຸດເວລາແກ້ໄຂລະບຽບການໃຫ້ແກ່ວິສາຫະກິດມາຈົດທະບຽນລົງທຶນສັ້ນລົງ. ມີເນື້ອໃນສຳຄັນອີກແມ່ນ, ທາງແຂວງກໍ່ເອົາໃຈໃສ່ຍູ້ແຮງວຽກງານມອບທີ່ດິນ, ໃຫ້ເຊົ່າທີ່ດິນ, ສະໜອງໃບຢັ້ງຢືນນຳໃຊ້ທີ່ດິນໃຫ້ແກ່ວິສາຫະກິດເຊົ່າທີ່ດິນ, ສ້າງຄວາມໄວ້ເນື້ອເຊື່ອໃຈຕໍ່ນັກລົງທຶນ, ຈາກນັ້ນ, ດຶງດູດນັກລົງທຶນທີ່ມາລົງທຶນຢູ່ແຂວງໃຫ້ນັບມື້ນັບຫຼາຍກວ່າ”

        ພ້ອມກັນນັ້ນ, ແຂວງກໍ່ສືບຕໍ່ເອົາໃຈໃສ່ປະຕິບັດແຜນນະໂຍບາຍດຶງດູດການລົງທຶນໂດຍມີການຄັດເລືອກໃຫ້ສອດຄ່ອງກັບທ່າອ່ຽງຂອງໂລກ, ຄື: ມີເຕັກໂນໂລຊີທັນສະໄໝ, ບໍ່ນຳໃຊ້ຜູ້ອອກແຮງງານຫຼາຍ, ປົກປັກຮັກສາສິ່ງແວດລ້ອມ, ນຳໃຊ້ພະລັງານປະຢັດ… ບ່າເຣຍ - ຫວູງເຕົ່າ ກຳນົດສຸມໃສ່ດຶງດູດການລົງທຶນຢ່າງແຮງເຂົ້າຂົງເຂດອຸດສາຫະກຳປຸງແຕ່ງ, ຜະລິດ; ໜູນຊ່ວຍພັດທະນາຂະແໜງອຸດສາຫະກຳໃໝ່, ມີທ່າແຮງຂອງແຂວງ; ຊຸກຍູ້ການພັດທະນາອຸດສາຫະກຳເຕັກໂນໂລຊີສູງ, ເຕັກໂນໂລຊີສີຂຽວ, ພະລັງງານສະອາດ, ພະລັງງານທົດແທນ ຕິດພັນກັບການປົກປັກຮັກສາສິ່ງແວດລ້ອມ.

        ຄວາມຕັ້ງໜ້າ, ເປັນເຈົ້າການໃນການດຶງດູດການລົງທຶນ, ພ້ອມກັບການປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ, ລະດົມເງິນລົງທຶນພັດທະນາ ເພື່ອບັນລຸໝາກຜົນສູງ ໄດ້ຊ່ວຍໃຫ້ແຂວງ ບ່າເຣຍ - ຫວູງເຕົ່າ ນອນໃນກຸ່ມທ້ອງຖິ່ນນຳໜ້າໃນທົ່ວປະເທດກ່ຽວກັບການດຶງດູດເງິນລົງທຶນຈາກຕ່າງປະເທດ.