ទិដ្ឋភាពនៃសន្និសីទ

ផែនទីខ្សែសង្វាក់តម្លៃវិស័យអគ្គិសនី និងអេឡិចត្រូនិចវៀតណាមបានជ្រើសរើស និងវិភាគសហគ្រាសចំនួន ៧៤២ ដែលដំណើរការក្នុងវិស័យសំខាន់ៗចំនួន ៧ នៃឧស្សាហកម្មអគ្គិសនី និងអេឡិចត្រូនិចរបស់វៀត ណាម បន្ទាប់មកបានរៀបចំឡើងវិញទៅជាផែនទីខ្សែសង្វាក់តម្លៃតាមវិស័យ និងរួមបញ្ចូលព័ត៌មានលម្អិតនៅក្នុងបញ្ជី។ ផែនទីនេះមានទំព័រជាង ១០០ រួមទាំងរូបភាពនៃសមាសធាតុ និងបញ្ជីសហគ្រាសលម្អិត។

លោក ប៊ូយ ក្វាង ហ៊ុង អនុប្រធាននាយកដ្ឋានពន្លឿនពាណិជ្ជកម្ម (ក្រសួងឧស្សាហកម្ម និងពាណិជ្ជកម្ម) ថ្លែងនៅក្នុងសន្និសីទ

លោកប៊ុយ ក្វាង ហឹង អនុប្រធាននាយកដ្ឋានពន្លឿនពាណិជ្ជកម្ម (ក្រសួងឧស្សាហកម្ម និងពាណិជ្ជកម្ម) បានថ្លែងថា៖ “ការបង្កើតផែនទីខ្សែសង្វាក់តម្លៃសម្រាប់វិស័យអគ្គិសនី និងអេឡិចត្រូនិចជួយបង្ហាញរូបភាពខ្សែសង្វាក់ផ្គត់ផ្គង់ទាំងមូលដោយតម្លាភាព។ សហគ្រាសមានទុនវិនិយោគបរទេស (FDI) អាចស្វែងរកអ្នកផ្គត់ផ្គង់ដែលសមស្រប ខណៈដែលសហគ្រាសវៀតណាមអាចលេចឡើងនៅលើ "ផែនទីកំណត់អត្តសញ្ញាណ" ផ្លូវការ ដែលជាប្រការកំពុងខ្វះខាតជាយូរមកហើយ។ នៅពេលដែលសមត្ថភាព និងតួនាទីក្នុងខ្សែសង្វាក់ត្រូវបានកំណត់អត្តសញ្ញាណយ៉ាងច្បាស់ សហគ្រាសវៀតណាមមានឱកាសកាន់តែច្រើន សម្រាប់កិច្ចសហប្រតិបត្តិការអន្តរជាតិ ការផ្ទេរបច្ចេកវិទ្យា និងការចូលរួមក្នុងបណ្តាញផ្គត់ផ្គង់ទ្រង់ទ្រាយធំ។ ដូច្នេះ ផែនទីខ្សែសង្វាក់តម្លៃសម្រាប់វិស័យអគ្គិសនី និងអេឡិចត្រូនិចមិនមែនគ្រាន់តែជាមូលដ្ឋានទិន្នន័យសាមញ្ញនោះទេ ប៉ុន្តែជាហេដ្ឋារចនាសម្ព័ន្ធព័ត៌មានយុទ្ធសាស្ត្រដែលបម្រើដល់ការលើកកម្ពស់ពាណិជ្ជកម្ម ទាក់ ទាញការវិនិយោគ អភិវឌ្ឍន៍ឧស្សាហកម្ម និងបង្កើនភាពប្រកួតប្រជែងថ្នាក់ជាតិ”។

យោងតាមទិន្នន័យពីនាយកដ្ឋានគយវៀតណាម វៀតណាមស្ថិតក្នុងចំណោមប្រទេសនាំចេញគ្រឿងអេឡិចត្រូនិកធំជាងគេទាំង ១០ នៅលើពិភពលោក ហើយក៏ជា «មជ្ឈមណ្ឌលផលិតកម្មយុទ្ធសាស្ត្រ» សម្រាប់សាជីវកម្មពហុជាតិសាសន៍ជាច្រើននៅក្នុងតំបន់ផងដែរ៕