នាយករដ្ឋមន្ត្រី លោក ហ្វាម មិញជីញ ថ្លែងមតិនៅវេទិកាធុរកិច្ចវៀតណាម-ឆែក។ រូបថត៖ Vu Khuyen/VOV

ថ្លែងមតិនៅទីនេះ នាយករដ្ឋមន្ត្រីលោក ហ្វាម មិញជីញ បានស្នើថា អាជីវកម្មនៃប្រទេសទាំងពីរតភ្ជាប់យ៉ាងសកម្មជាមួយគ្នាទៅវិញទៅមក ពឹងផ្អែកលើប្រៀបខ្លាំងរបស់គ្នា ដើម្បីធ្វើអាជីវកម្ម អភិវឌ្ឍន៍ ធ្វើពិពិធកម្មផលិតផល ទីផ្សារ ខ្សែសង្វាក់ផ្គត់ផ្គង់ ជាពិសេសផ្តោតសំខាន់លើឧស្សាហកម្មដែលកំពុងរីកចម្រើន ដូចជាការផលិតបន្ទះឈីប ទិន្នន័យធំ បញ្ញាសិប្បនិមិត្ត បច្ចេកវិទ្យាពពក អ៊ីនធឺណែតតភ្ជាប់វត្ថុទាំងឡាយ ជីវបច្ចេកវិទ្យា អុបទិកអេឡិចត្រូនិចជាដើម។ លោកនាយករដ្ឋមន្រ្តីបានស្នើឱ្យភាគីទាំងពីរខិតខំប្រឹងប្រែងដើម្បីសម្រេចបាននូវទំហំពាណិជ្ជកម្មចំនួន ៥ ពាន់លានដុល្លារអាមេរិកក្នុងឆ្នាំខាងមុខ។ វៀតណាមកំពុងជំរុញការផ្តល់សច្ចាប័នលើកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) ដើម្បីជួយសម្រួលការវិនិយោគរវាងប្រទេសទាំងពីរ បង្កើនទុនវិនិយោគរបស់សហគ្រាសឆែកនៅវៀតណាម ឡើងដល់ ២-៣ ពាន់លានដុល្លារក្នុងរយៈពេល ៥ ឆ្នាំខាងមុខ៕