លោករដ្ឋមន្ត្រី Do Duc Duy និងព្រឹទ្ធសមាជិក John Boozman - ប្រធានគណៈកម្មាធិការកសិកម្ម អាហារូបត្ថម្ភ និងរុក្ខាប្រមាញ់របស់ព្រឹទ្ធសភាអាមេរិក។ រូបថត៖ VOV-Washington

ក្នុងជំនួបធ្វើការ លោករដ្ឋមន្ត្រី Do Duc Duy បានជម្រាបអំពីគោលបំណង និងលទ្ធផលនៃដំណើរទស្សនកិច្ចរបស់គណៈប្រតិភូវៀតណាមនៅសហរដ្ឋអាមេរិកលើកនេះ ។ ក្នុងដំណើរទស្សនកិច្ចនេះ សមាគម និងសហគ្រាសកសិកម្មវៀតណាមត្រូវបានរំពឹងថានឹងចុះហត្ថលេខាលើកិច្ចសន្យាបន្ថែមទៀត ដើម្បីនាំចូលកសិផលពីដៃគូអាមេរិកដោយមានតម្លៃប្រមាណ ១,១ ពាន់លានដុល្លារអាមេរិក។ ប្រសិនបើសម្រេចបាន កិច្ចព្រមព្រៀងទាំងនេះនឹងបង្កើនតម្លៃជួញដូរទំនិញកសិកម្មសរុប រវាងប្រទេសទាំងពីរឡើងដល់២,៥  ពាន់លានដុល្លារក្នុងរយៈពេលបីឆ្នាំខាងមុខ។ នេះគឺជាលទ្ធផលពាណិជ្ជកម្មដែលមិននឹកស្មានដល់ បង្ហាញពីការសន្យានិងការប្តេជ្ញាចិត្តយ៉ាងមុតមាំរបស់រដ្ឋាភិបាល ក្រសួងកសិកម្មនិងបរិស្ថាន និងសហគមន៍ធុរកិច្ចវៀតណាមក្នុងការពង្រីកការនាំចូលទំនិញពីសហរដ្ឋអាមេរិក ជាពិសេសកសិផល តាមនោះ រួមចំណែកបង្កើតជញ្ជីងពាណិជ្ជកម្មទ្វេភាគីប្រកបដោយតុល្យភាព និងសុខដុមរមនា។

រដ្ឋមន្ត្រី Do Duc Duy និងគណៈប្រតិភូ បានធ្វើការជាមួយព្រឹទ្ធសមាជិក John Boozman ប្រធានគណៈកម្មាធិការកសិកម្ម អាហារូបត្ថម្ភ និងរុក្ខាប្រមាញ់របស់ព្រឹទ្ធសភាអាមេរិក។ រូបថត៖ VOV-Washington

ប្រធានគណៈកម្មាធិការកសិកម្មនៃព្រឹទ្ធសភា និងសភាតំណាងរាស្ត្រសហរដ្ឋអាមេរិកបានសម្តែងសុទិដ្ឋិនិយមចំពោះលទ្ធផលលេចធ្លោនៃដំណើរទស្សនកិច្ចរបស់គណៈប្រតិភូវៀតណាម។ សមាជិកសភាអាមេរិកទាំងពីររូបបានសម្តែងការគាំទ្រយ៉ាងពេញទំហឹងចំពោះការពង្រឹងកិច្ចសហប្រតិបត្តិការគ្រប់ជ្រុងជ្រោយក្នុងវិស័យកសិកម្ម មិនត្រឹមតែរវាងទីភ្នាក់ងារគ្រប់គ្រងរដ្ឋប៉ុណ្ណោះទេ ប៉ុន្តែថែមទាំងរវាងវិទ្យាស្ថានស្រាវជ្រាវ សាកលវិទ្យាល័យ និងសហគមន៍អ្នកប្រាជ្ញនៃប្រទេសទាំងពីរទៀតផង៕