 ពិធីកាត់ខ្សែបូ ដើម្បីបើកសប្តាហ៍តភ្ជាប់និងឧទ្ទេសនាមផលិតផលខេត្ត Ninh Thuan ឆ្នាំ ២០២៥ |
ថ្លែងមតិក្នុងពិធីបើក លោក Nguyen Anh Minh អនុប្រធានមជ្ឈមណ្ឌលជំរុញការវិនិយោគ ពាណិជ្ជកម្ម និងទេសចរណ៍ខេត្ត Ninh Thuan បានឲ្យដឹងថា ក្នុងវិស័យពាណិជ្ជកម្ម ខេត្ត Ninh Thuan កំពុងផ្តោតការយកចិត្តទុកដាក់លើការអភិវឌ្ឍផលិតផលជាក់ស្តែង ផលិត ផល OCOP ទន្ទឹមនឹងនោះ ជំរុញការចាប់ផ្តើមអាជីវកម្មប្រកបដោយភាពច្នៃប្រឌិត គាំទ្រសហគ្រាសធុនតូចនិងមធ្យម ដើម្បីបញ្ជាក់ពីឋានៈរបស់ខ្លួនលើទីផ្សារក្នុងស្រុក និងអន្តរជាតិ។
 លោក Nguyen Anh Minh អនុប្រធានមជ្ឈមណ្ឌលជំរុញការវិនិយោគ ពាណិជ្ជកម្ម និងទេសចរណ៍ខេត្ត Ninh Thuan អញ្ជើញថ្លែងមតិក្នុងពិធី |
មកទល់នឹងពេលនេះ ខេត្ត Ninh Thuan មានផលិតផល OCOP ជាង ២៧០0 ប្រភេទ ដែលមានផ្កាយ ៣ ឬច្រើនជាងនេះ ដែលក្នុងនោះមានផលិតផលចំនួន ៤២ បានឈានដល់ស្តង់ដារផ្កាយ៤។ ព្រឹត្តិការណ៍ “សប្តាហ៍តភ្ជាប់និងឧទ្ទេសនាមផលិតផល Ninh Thuan ឆ្នាំ ២០២៥” នៅទីក្រុង គឺជាឱកាសដ៏សំខាន់សម្រាប់ខេត្ត Ninh Thuan ដើម្បីផ្សព្វផ្សាយរូបភាព បង្ហាញសក្តានុពលរបស់ខ្លួន ហើយទន្ទឹមនឹងនោះ បង្កើតលក្ខខណ្ឌគាំទ្រអាជីវកម្មតភ្ជាប់ ប្រើប្រាស់ផលិតផល ពង្រីកទីផ្សារ និងស្វែងរកដៃគូសហការវិនិយោគ។
 គណៈប្រតិភូបានទស្សនាស្តង់តាំងពិពណ៌ និងណែនាំផលិតផលរបស់ខេត្ត Ninh Thuan |
ក្រៅពីសកម្មាភាពតាំងបង្ហាញ និងឧទ្ទេសនាមផលិតផល កម្មវិធីក៏រួមបញ្ចូលសកម្មភាពជាបន្តបន្ទាប់ដើម្បីភ្ជាប់ការផ្គត់ផ្គង់ និងតម្រូវការ ពាណិជ្ជកម្មរវាងអាជីវកម្ម ធ្វើការដោយផ្ទាល់ជាមួយប្រព័ន្ធចែកចាយ ផ្សារទំនើប អ្នកលក់រាយ; រៀបចំការស្ទង់មតិទីផ្សារ ជួបអ្នកវិនិយោគសក្តានុពល និងណែនាំបរិយាកាសវិនិយោគ និងសក្តានុពលទេសចរណ៍ខេត្ត Ninh Thuan៕
