រូបថតឧទាហរណ៍៖ thoibaotaichinhvietnam.vn
បន្ទាប់ពីព័ត៌មានអំពីការសន្ទនាតាមទូរស័ព្ទរវាងអគ្គលេខាបក្សកុម្មុយនិស្តវៀតណាមលោក តូ ឡឹម និងប្រធានាធិបតីអាមេរិកលោក ដូណាល់ ត្រាំ កាលពីយប់ថ្ងៃទី ២ ខែកក្កដា ត្រូវបានប្រកាសនោះ សហគមន៍ធុរកិច្ច និងអ្នកជំនាញបានសម្ដែងនូវការ រំពឹងទុកខ្ពស់ចំពោះសញ្ញាវិជ្ជមានក្នុងទំនាក់ទំនងពាណិជ្ជកម្មវៀតណាម-អាមេរិក នាពេលខាងមុខ។ យោងតាមលោកស្រី Le Hang អគ្គលេខាធិការរងនៃសមាគមកែច្នៃ និងនាំចេញជលផលវៀតណាម (VASEP) ការសន្ទនាតាមទូរស័ព្ទបាននាំមកនូវក្តី សង្ឃឹមជាច្រើនដល់សហគ្រាសក្នុងឧស្សាហកម្មជលផលនិយាយដោយឡែកនិងសហគ្រាសនាំចេញនិយាយរួម។
ទិដ្ឋភាពនៅកិច្ចសន្ទនាតាមទូរស័ព្ទរវាងអគ្គលេខាបក្សកុម្មុយនិស្តវៀតណាមលោក តូ ឡឹម និងប្រធានាធិបតីអាមេរិកលោក ដូណាល់ ត្រាំ។ (រូបថត៖ Thong Nhat/TTXVN)
ក្នុងពេលជាមួយគ្នានោះ អ្នកជំនាញសេដ្ឋកិច្ច Pham The Anh ប្រធានដេប៉ាតឺម៉ង់ សិក្សាសេដ្ឋកិច្ច នៃសាកលវិទ្យាល័យសេដ្ឋកិច្ចជាតិបានវាយតម្លៃខ្ពស់ចំពោះការដែល មេដឹកនាំទាំងពីរបានអនុម័តលើការបង្កើនការផ្លាស់ប្តូរគណៈប្រតិភូ ការជួបប្រាស្រ័យ ជាន់ខ្ពស់ និងគ្រប់ជាន់ថ្នាក់ ជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងការវិនិយោគ ជាពិសេសលើវិស័យដែលមានអត្ថន័យគន្លឹះនិងរបកគំហើញដូចជា វិទ្យាសាស្ត្រ បច្ចេកវិទ្យាខ្ពស់ ហើយការដែលលោកអគ្គលេខាបក្ស តូ ឡឹម បានស្នើឲ្យ សហរដ្ឋអាមេរិកឆាប់ទទួលស្គាល់វៀតណាមជាសេដ្ឋកិច្ចទីផ្សារ និងដកការរឹតត្បិត ការនាំចេញលើផលិតផលបច្ចេកវិទ្យាខ្ពស់មួយចំនួន៖
“នៅពេលដែលអាមេរិកទទួលស្គាល់វៀតណាមជាសេដ្ឋកិច្ចទីផ្សារ វានឹងជួយ លើកកំពស់ឋានៈរបស់វៀតណាមលើទីផ្សារអន្តរជាតិ ជួយវៀតណាមទទួលបានប្រាក់ កម្ចីលើទីផ្សារអន្តរជាតិដោយរបៀបថោកជាងមុន ទាក់ទាញលំហូរវិនិយោគអន្តរជាតិ កាន់តែច្រើនមកវៀតណាម ហើយទន្ទឹមនឹងនោះ វៀតណាមក៏ត្រូវបានលុបចោលការ រឹតត្បិតក្នុងការនាំចូលបច្ចេកវិទ្យាខ្ពស់ពីអាមេរិកផងដែរ”៕