ផែនតន្ត្រីយោធាស្ត្រីចូលរួមក្នុងការហាត់សមរួម។ រូបថត៖ Trong Duc/VNA
នៅក្នុងវគ្គហាត់ កងកម្លាំងមកពីតំបន់ទាំង៣ បានផ្តោតសំខាន់លើការហ្វឹកហាត់ ខ្លឹមសារមូលដ្ឋាន តាមលទ្ធផលហ្វឹកហ្វឺននាពេលកន្លងមក សំដៅកែលម្អបច្ចេកទេស លើកកំពស់ភាពស្មើគ្នា និងភាពត្រឹមត្រូវក្នុងផែនដង្ហែក្បួននីមួយៗ និងត្រៀមរៀបចំឱ្យ បានល្អសម្រាប់វគ្គហាត់សមប្រមូលផ្ដុំគ្នាពេញលេញនាពេលខាងមុខ។ បើធៀបនឹង ពិធីព្យុហយាត្រាក្នុងឱកាសរំលឹកខួប ៧០ ឆ្នាំនៃជ័យជំនះ Dien Bien Phu និងខួប ៥០ ឆ្នាំនៃការបង្រួបបង្រួមជាតិ ចំនួនផែនដង្ហែក្បួន និងចំនួនកម្មាភិបាល យុទ្ធជនដែល ចូលរួមក្នុងពិធីព្យុហយាត្រាលើកនេះបានកើនឡើង។ ក្នុងនោះកងទ័ពមានផែនចំនួន៣៨ ជាមួយនឹងកម្មាភិបាលនិងយុទ្ធជនជាង ៧៤០០នាក់។
អញ្ជើញត្រួតពិនិត្យវគ្គហាត់សម លោកឧត្តមសេនីយ៍ត្រី Vu Viet Hung ប្រធាន ស្នងការហ្វឹកហ្វឺនយោធា - សាលារៀន (អគ្គសេនាធិការនៃកងទ័ពប្រជាជនវៀតណាម) អនុប្រធានអនុគណៈកម្មាធិការរៀបចំពិធីព្យុហយាត្រា បានឲ្យដឹងថា ក្រោយពីការ ហ្វឹកហ្វឺនរយៈពេលជិត ២០ ថ្ងៃ នេះជាលើកទីមួយហើយផែនដង្ហែក្បួនក្រោមការទទួល បន្ទុករបស់ក្រសួងការពារប្រទេស ធ្វើការហាត់សមប្រមូលផ្ដុំគ្នា។ ការរៀបចំការហាត់ សមរួមគ្នា គឺដើម្បីជួយឱ្យកងកម្លាំងស៊ាំនឹងលក្ខខណ្ឌអាកាសធាតុ សណ្ឋានដី និង សម្របសម្រួលដោយរលូនជាមួយផែនផ្សេងទៀត ត្រៀមរៀបចំឱ្យបានហ្មត់ចត់សម្រាប់ ពិធីព្យុហយាត្រាទ្រង់ទ្រាយធំនាពេលខាងមុខ៕