ព្រឹត្តិការណ៍នេះគឺជាសកម្មភាពឆ្ពោះទៅខួបលើកទី ៨០ ទិវាបដិវត្តន៍ខែសីហា (១៩ សីហា ១៩៤៥ - ១៩ សីហា ២០២៥) និងទិវាបុណ្យជាតិនៃសាធារណៈរដ្ឋសង្គមនិយមវៀតណាម (ថ្ងៃទី ២ ខែកញ្ញា ឆ្នាំ ១៩៤៥ - ថ្ងៃទី ២ ខែកញ្ញា ឆ្នាំ ២០២៥) អបអរសាទរខួបលើកទី ១៣៥ ទិវាកំណើតលោកប្រធាន ហូជីមិញ (១៩ ឧសភា ១៨៩០ - ១៩ ឧសភា ២០២៥) និងខួបលើកទី ១០០ ទិវាសារ ព័ត៌មានបដិវត្តន៍វៀតណាម (ថ្ងៃទី ២១ ខែមិថុនា ឆ្នាំ ១៩២៥ - ថ្ងៃទី ២១ ខែមិថុនា ឆ្នាំ ២០២៥)។
លោក Nguyen Trong Nghia ប្រធានគណៈកម្មាធិការឃោសនាអប់រំ និងចលនាមហាជនមជ្ឈិមថ្លែងសុន្ទរកថាបើកមហោស្រពសារព័ត៌មាន។ (រូបថត៖ VOV)
អញ្ជើញចូលរួមនិងថ្លែងសុន្ទរកថាបើកមហោស្រពសារព័ត៌មាន លោក Nguyen Trong Nghia ប្រធានគណៈកម្មាធិការឃោសនាអប់រំ និងចលនាមហាជនមជ្ឈិមបាន អះអាងថា មហោស្រពសារព័ត៌មានទូទាំងប្រទេសឆ្នាំ ២០២៥ មានអត្ថន័យពិសេស ដោយត្រូវបានប្រារព្ធឡើងក្នុងឱកាសរំលឹកខួបលើកទី ១០០ ទិវាសារព័ត៌មានបដិវត្តន៍ វៀតណាម ដែលគម្រប់ ១ សតវត្ស ចាប់តាំងពីថ្ងៃកំណើតនៃកាសែតបដិវត្តន៍ដំបូងគេ របស់វៀតណាម ដែលបង្កើតឡើងដោយលោកអគ្គមគ្គុទេស Nguyen Ai Quoc។ យោងតាមលោក Nguyen Trong Nghia ក្នុងរយៈពេល ១០០ ឆ្នាំកន្លងមក សារ ព័ត៌មានពិតជាសំឡេងរបស់បក្ស រដ្ឋ ជាវេទិកាដ៏គួរឱ្យទុកចិត្តរបស់ប្រជាជន; ជាស្ពានដ៏ រឹងមាំរវាងឆន្ទៈរបស់បក្ស និងទឹកចិត្តប្រជាជន; ជាកញ្ចក់ឆ្លុះបញ្ចាំងពីអារម្មណ៍ និង សេចក្តីប្រាថ្នារបស់សង្គមទាំងមូល; ហើយអ្នកសារព័ត៌មានបដិវត្តន៍ គឺជាកម្លាំងជួរមុខ នៅសមរភូមិសតិអារម្មណ៍និងវប្បធម៌។ លោក Nguyen Trong Nghia បានស្នើថា៖
“យើងត្រូវតែយកការច្នៃប្រឌិតនវានុវត្តន៍ ជាកម្លាំងចលករ យកបច្ចេកវិទ្យាជា ឧបករណ៍ដើម្បីលើកកំពស់សារព័ត៌មានវៀតណាម។ ជាងនេះទៅទៀត ត្រូវហ៊ាន ផ្លាស់ប្ដូរថ្មីពីខាងក្នុង ផ្លាស់ប្ដូរថ្មីផ្នត់គំនិត ក្នុងការដឹកនាំសារព័ត៌មាន ផ្លាស់ប្ដូរថ្មីគំរូ ការិយាល័យកាសែត វិធីសាស្រ្តផលិត និងចែកចាយខ្លឹមសារ និងផ្លាស់ប្ដូរថ្មីទំនាក់ ទំនងរវាងសារព័ត៌មាននិងសាធារណៈជនផងដែរ។ សារព័ត៌មានត្រូវធ្វើឲ្យស៊ីជម្រៅ ថែមទៀតនូវតួនាទីបដិវាទសង្គម ការពារមូលដ្ឋានសតិអារម្មណ៍របស់បក្ស ពង្រឹងមហា សាមគ្គីភាព បង្កើតភាពជាឯកឆ័ន្ទ បំផុសស្មារតីស្នេហាជាតិ និងមោទនភាពជាតិ សេចក្ដីប្រាថ្នាចង់លះបង់ រួមចំណែកនាំប្រទេសជាតិឈានចូលយុគសម័យថ្មី យុគសម័យរុងរឿង អរិយធម៌ វិបុលភាព និងស្ទុះឈានទៅមុខរបស់ប្រជាជាតិវៀតណាម”។
បណ្ដាតំណាងមកទស្សនាស្តង់តាំងបង្ហាញរបស់វិទ្យុសំឡេងវៀតណាម។ (រូបថត៖ VOV)
មហោស្រពសារព័ត៌មានទូទាំងប្រទេសឆ្នាំ ២០២៥ ប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២១ ខែមិថុនា ដោយមានការចូលរួមពីទីភ្នាក់ងារសារព័ត៌មានមជ្ឈិមចំនួន ១២៣ និងគ្រប់កម្រិតនៃសមាគមអ្នកកាសែតវៀតណាម។ នៅមហោស្រពសារ ព័ត៌មានឆ្នាំនេះ ស្តង់បង្ហាញរបស់វិទ្យុសំឡេងវៀតណាមបានរៀបចំសកម្មភាពដូចជា៖ ការទទួលបទពិសោធន៍ជាមួយសៀវភៅរូបថតអេឡិចត្រូនិក សិក្ខាសាលាខ្នាតតូច ការប្រឡងនិទានរឿង កម្មវិធីសំណេះសំណាលជាមួយពិធីករនៃវិទ្យុសំឡេងវៀតណាម ការណែនាំអំពីប៉ុស្តិ៍ VOV និងការសម្តែងឧបករណ៍ភ្លេងជាតិ៕