 ព្យាករណ៍ពីការផ្លាស់ទីរបស់ព្យុះលេខ៣ (Wipha)។ រូបថត៖ nchmf.gov.vn |
ចំពោះមុខការវិវឌ្ឍន៍ដ៏ស្មុគស្មាញនៃព្យុះ Wipha ទីក្រុង Hai Phong បានចេញ បម្រាមសមុទ្រ។ ទីក្រុង Hai Phong បានប្រកាស ហាមប្រាមនាវានិងទូកចេញទៅកាន់ សមុទ្រយ៉ាងដាច់ខាត បញ្ឈប់សកម្មភាពនេសាទ វារីវប្បកម្ម និងសកម្មភាពផ្សេងៗ ទៀតនៅតំបន់ច្រកទន្លេ ឆ្នេរសមុទ្រ និងនាយសមុទ្រ។
កងកម្លាំងតំបន់លេខ ១ នៃកងទ័ពជើងទឹក ក៏បានបង្កើតផែនការ និងអនុវត្តន៍ វិធានការជាច្រើនដើម្បីទប់ទល់នឹងព្យុះ Wipha ផងដែរ។ ភ្នាក់ងារ និងអង្គភាពក្នុងតំបន់ ទាំងមូល រក្សាកម្លាំង ១០០% ប្រចាំយាមការងារ; សម្របសម្រួលយ៉ាងសកម្មជាមួយ អាជ្ញាធរមូលដ្ឋាន ដើម្បីត្រៀមខ្លួនឆ្លើយតប និងជួយសង្គ្រោះនៅពេលចាំបាច់។ លោក វរនាវីឯក Phan Tien Bao មេបញ្ជាការរងតំបន់លេខ ១ កងទ័ពជើងទឹក បានឲ្យដឹងថា៖ “បញ្ជាការដ្ឋាន បានដឹកនាំកម្លាំងនាវាចល័តពីមូលដ្ឋានទៅកាន់ទីតាំងជំរកព្យុះ ដើម្បីធានាសុវត្ថិភាព ហើយនៅទីនេះ យើងនឹងដាក់ពង្រាយការងារចុងក្រោយ ដើម្បី ត្រៀមទប់ទល់នឹងព្យុះ Wipha។ លើសពីនេះ យើងជានិច្ចកាលត្រៀមខ្លួនជាស្រេច ដើម្បីបំពេញបេសកកម្មស្វែងរកនិងជួយសង្គ្រោះ ប្រជាពលរដ្ឋ នៅពេលមានស្ថាន ការណ៍កើតឡើង យើងត្រៀមចេញដំណើរតែម្ដង។ នេះក៏ជាបេសកកម្មប្រយុទ្ធមួយក្នុង សម័យសន្តិភាព”៕
