 បើកការដ្ឋានការសាងសង់ផ្ទះជូនគ្រួសារលោកស្រី Au Thi Dinh នៅ Ban Don ឃុំ Tan Ky ខេត្ត Thai Nguyen។ រូបថត៖ Cong Luan/VOV-ភាគឦសាន |
អញ្ជើញថ្លែងមតិក្នុងពិធីបើកការដ្ឋាន លោកស្រី Hoang Thu Trang អនុប្រធានគណៈកម្មាធិការប្រជាជនខេត្ត Thai Nguyen បានឲ្យដឹងថា៖ “គណៈកម្មាធិការដឹកនាំសម្រាប់ការលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោមនៅខេត្ត Thai Nguyen នឹងធ្វើសកម្មភាពយ៉ាងសកម្ម និងសម្របសម្រួលយ៉ាងជិតស្និទ្ធជាមួយក្រសួងនគរបាល ដើម្បីអនុវត្តគម្រោងលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោមចំនួន ១.០០០ ខ្នងឱ្យមានប្រសិទ្ធភាព។ យើងនឹងកៀរគរការចូលរួមពីប្រព័ន្ធនយោបាយ និងកម្លាំងទាំងមូល កងកម្លាំងប្រដាប់អាវុធ នគរបាល កងទ័ព អង្គការមហាជន និងប្រជាពលរដ្ឋ ដើម្បីអាចសម្រេចបានផ្ទះ ១.០០០ ខ្នងនេះ ឱ្យមានប្រសិទ្ធភាព និងឆាប់តាមដែលអាចធ្វើទៅបាន”។
 លោកស្រី Hoang Thu Trang អនុប្រធានគណៈកម្មាធិការប្រជាជនខេត្ត Thai Nguyen។ រូបថត៖ Cong Luan/VOV-ភាគឦសាន |
តំណាងក្រសួងនគរបាល លោកឧត្តមសេនីយ៍ទោ Nguyen Hong Nguyen អនុប្រធានការិយាល័យនៃក្រសួងនគរបាលបានឲ្យដឹងថា ការរួមដំណើរតាមមូលដ្ឋានក្នុងការងារលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោម ក៏ដូចជាសន្តិសុខសង្គម គឺជាការងារនយោបាយដ៏សំខាន់មួយរបស់កងកម្លាំងនគរបាលប្រជាជន។
“បច្ចុប្បន្ន យោងតាមស្ថិតិមិនពេញលេញ ផ្ទះប្រហែល ៣០.១០០ខ្នង ត្រូវបានសាងសង់នៅទូទាំងប្រទេសចាប់ពីឆ្នាំ ២០១៩ ដល់បច្ចុប្បន្ន។ ហើយកម្មវិធីនេះនៅតែជាលំហូរពោរពេញពោរពេញដោយមនោសញ្ចេតនា និងទំនួលខុសត្រូវរបស់គណៈកម្មាធិការកបក្សនគរបាល ថ្នាក់ដឹកនាំក្រសួងនគរបាល ដោយលោករដ្ឋមន្ត្រីក្រសួងនគរបាលជាប្រមុខ រហូតដល់យុទ្ធជនដែលជាសិស្សសាលានគរបាល ... ដើម្បីឧបត្ថម្ភការងារសន្តិសុខសង្គមឱ្យសម្រេចបាននូវប្រសិទ្ធភាពខ្ពស់បំផុត”។
 តំណាងសហគ្រាសអំដំណើរជាមួយកម្មវិធី។ រូបថត៖ Cong Luan/VOV-ភាគឦសាន |
តាមគម្រោងផ្ទះចំនួន ១០០០ ខ្នងនឹងត្រូវបង្ហើយនៅខែសីហាខាងមុខនេះ។ គម្រោងនេះមិនត្រឹមតែរួមចំណែកធានាសន្តិសុខសង្គមប៉ុណ្ណោះទេ ថែមទាំងបង្ហាញពីស្មារតីទទួលខុសត្រូវ និងសាមគ្គីភាពរវាងកម្លាំងនគរបាល និងប្រជាជនក្នុងបុព្វហេតុកសាង និងអភិវឌ្ឍន៍ប្រទេសជាតិ៕
