នាវាប៉ូលីសសមុទ្រវៀតណាម ចូលរួមធ្វើសមយុទ្ធនៅសមុទ្រខាងកើត។ (រូបភាព៖ ក្រសួងការពារជាតិ)
នៅក្នុងសន្និសីទសារព័ត៌មានរបស់ក្រសួងការបរទេសកាលពីថ្ងៃទី៣ ខែកក្កដា ឆ្លើយតបនឹងសំណួររបស់អ្នកសារព័ត៌មានស្ដីពីប្រតិកម្មរបស់វៀតណាមចំពោះព័ត៌មានដែលថា នាវាចិនកំពុងធ្វើការស្រាវជ្រាវខុសច្បាប់នៅក្នុងតំបន់សេដ្ឋកិច្ចផ្តាច់មុខ និង ខ្ពង់រាបបាតសមុទ្ររបស់វៀតណាមនោះ អ្នកនាំពាក្យក្រសួងការបរទេសវៀតណាម លោកស្រី Pham Thu Hang បាននិយាយថា៖
“សកម្មភាពស្រាវជ្រាវនិងអង្កេតរបស់បរទេសនៅក្នុងតំបន់សេដ្ឋកិច្ចផ្តាច់មុខ និងខ្ពង់រាបបាតសមុទ្ររបស់វៀតណាមដែលត្រូវបានបង្កើតឡើងស្របតាមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ ដោយគ្មានការអនុញ្ញាតពីវៀតណាម សុទ្ធតែរំលោភបំពានលើសិទ្ធិអធិបតេយ្យភាព និងយុត្តាធិការរបស់វៀតណាម។ ស្ថាប័នមានសមត្ថកិច្ចវៀតណាមជានិច្ចកាលតាមដានយ៉ាងដិតដល់នូវការវិវឌ្ឍន៍នៅសមុទ្រខាងកើត ព្រមទាំងចាត់វិធានការស្របតាមច្បាប់អន្តរជាតិ និងច្បាប់វៀត ណាម ដើម្បីធានាសិទ្ធិ និងផលប្រយោជន៍ស្របច្បាប់របស់វៀតណាម”៕